VOV. Bahnar - Kơsơ̆ năr 11/2, Tổng Bí thư Tô Lâm năm ngôi păng hmach Têt Đang ƀô̆ khul kơdră chĕp pơgơ̆r, kon pơlei Dak Lăk ƀlep lơ̆m jơ ‘năr hơmet ăn sơng Têt Nguyên đán Bính Ngọ 2026.

VOV.Bahnar - Lơ̆m ‘măng năm bơ̆jang tơ̆ Đắk Lắk, pơgê 11/2, Tổng Bí thư Tô Lâm vang truh pơm lêh tơlĕch jang man Hnam trưng hŏk teh đak rong jăl 1 - jăl 2 tơ̆ xăh Ea Rốk.

VOV.Bahnar - Pơgê năr 11/2 Thủ tướng teh đak Phạm Minh Chính vang năm Pơm lêh lĕch muh măt Hơnih tơm jang jên hu Apŭng plĕnh teh Việt Nam tơ̆ pơlei tơm Hồ Chí Minh.

VOV.Bahnar - Anih vei lăng Pôk rơih dêh char Đắk Lắk ‘nao jang hơdai hăm Khŭl chĕp kơ̆l pơgơ̆r Anih jang MTTQ Việt Nam dêh char pơgơ̆r lêh pơjao hơnăn bơngai lĕch pơjei bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei dêh char jăl jang 2026–2031.

VOV.Bahnar – Lơ̆m tơdrong pơm jang tơ̆ pơlei tơm Hồ Chí Minh trŏ ah Têt juăt jue kơ kon pơlei – Puih mak Bính Ngọ 2026, lơ̆m tơdrong hmach sô̆ kơ Đảng – sô̆ pơyan Puih mak, kơsơ̆ năr (11/02), Thủ tướng Phạm Minh Chính hlôi truh hơpong ngôi, thơ thou Têt hăm đe kơdră kơpal so kơ Đảng, Teh đak tơ̆ pơlei tơm Hồ Chí Minh.

VOV.Bahnar - Kơsơ̆ 9/2, Kơdră vei lăng dêh char Mondulkiri (teh đak Campuchia) Thang Sa Vun truh năm ngôi, hmach thơ thou Têt dêh char Đắk Lắk ƀlep ƀơ̆t Têt joăt joe kơ Việt Nam.

VOV.Bahnar - Kơsơ̆ 10/2, Thủ tướng Phạm Minh Chính hlôi pơma điên thoăi hăm Thủ tướng Singapore Lawrence Wong vă pơma dơnuh găh trong jang hơtŏk tơiung jang hơdai 2 pang.

VOV.Bahnar - Tổng Bí thư Tô Lâm pơma hơdăh nơ̆r athei hơnơ̆ng pơjing Khul linh kon pơlei kăch mang, rơgei, pran kơtang lơ̆m chăl jang tŏk đơ̆ng hơdrĕch hơdrung, pơm lăp hăm tơdrong jang vei lăng teh đak lơ̆m chăl ‘nao.

VOV.Bahnar - Kơsơ̆ ‘năr 10/2, tơ̆ phường Quy Nhơn, dêh char Gia Lai, ƀok Trịnh Văn Quyết, Kơdră jang lơ̆m Anih tơm Chinh trĭ, Kơdră chĕp kơ̆l Anih roi tơƀôh păng krao hơvơn kon pơlei Trung ương pơgơ̆r jơ bơ̆ jang, dăr lăng tơdrong hơmet ăn pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring đơ̆ng 2026–2031.

VOV.Bahnar - Tơdrong jang “Pơyan Puih mak hiôk jơhngâm đon kon pơlei tơ̆ tơring” yoa Ƀô đô̆i vei lăng tơring sơlam Quảng Ngãi jang hơdoi vang pơgơ̆r hơnhăk ba pơyan Puih mak hrôih truh hăm kon pơlei dôm hơdrĕch hơdrung tơ̆ tơring sơlam dêh char Quảng Ngãi. Tơdrong jang oei pơgơ̆r khăm, ƀơk pơgang, hơpăh tơmam Têt pơgơ̆r hơri hơxoang ƀĕnh jơhngâm đon ‘mêm băl đơ̆ng linh hăm kon pơlei tơ̆ tơring sơlam.