VOV.Bahnar - Đơ̆ng rŏng vă jê̆ 10 khei bơ̆ jang kiơ̆ trong Khul kơdră pơgơ̆r tơring 2 tăl, mă tơpă tơ̆ Lâm Đồng ăn ƀôh, kŭm hăm klăih song hơdăh hơnăp jang păng tơjur bơngai jang, tơdrong athei bơ̆ jang rơgei, đei yoa oei jing tơdrong tôch gĭt kăl. Kơplăh ‘nŏh, hơtŏk tơdrong tơplih hăm kơmăy sô̆ ưh lăp jing trong jang ưh gơ̆h veh đĕch mă oei jing trong jang tơm, tơgŭm tơguăt kơjăp khul kơdră pơgơ̆r, hơtŏk tơdrong ‘lơ̆ng mưh pơvih pơvăn ăn kon pơlei păng anih tĕch mơdro, năm truh tơdrong jang vei lăng ‘nao, rơgei, rơđăh rơđong păng đei yoa ‘lơ̆ng.

Gia Lai tŏk bŏk hơtŏk hrĕnh hơmet pơ ‘lơ̆ng tơdrong tơhlăk iŏk pơ ‘ngoăih teh pơm trong gre kơdâu hrĕnh Quy Nhơn – Pleiku, hơdai hăm pơtrŭt lơ tơdrong jang tơm, yak truh tơlĕch jên jang 100% jên tơmơ̆t jang teh đak.

VOV.Bahnar - Thủ tướng Teh đak Lê Minh Hưng ‘nao đei jơ bơ̆ jang hăm Hơnih tơm vei lăng Joh ayŏ kơdŏ soang, Đă ƀŏng lŏng tơplŏng kơdou păng Tơmang pơhiơ̆; athei Hơnih tơm kăl kơrŭn đĭ ai, iung jang kơtang; tơnăp hloh dơ̆ng, jơnei hloh dơ̆ng lơ̆m tơlĕch jang kiơ̆.  

VOV. Bahnar - Dăr lăng lơ tơdrong vă jang kăl, Kơdră chĕp pơgơ̆r Hơnih vei lăng kon pơlei dêh char Lâm Đồng Hồ Văn Mười athei atŏk kơtang iung jang tĕnh koăng iŏk tơvih teh, adoi tơlĕch jang kơtang kon jên teh đak tơmơt jang, akŏm hơmet pơ ‘lơ̆ng rim “hơnih tơhlăk tơhlin” găh pơm hla bơar, pơjing jơhngơ̆m pran ăn tŏk kơtang.

VOV.Bahnar - Tơdrong tơmơ̆t hơai đơ̆ng bri kông ‘lơ̆ng rŏ păng đak dơsĭ  jơk chuơh kok tơƀŭk tơbŏk pơm tơdrong ‘lơ̆ng ‘nao ăn chă tơmang lăng Tây Nguyên păng tơ ter tơring đak dơsĭ Nam Trung bộ. Đơ̆ng dôm groi hơngo ‘lơ̆ng kơ Đà Lạt truh đak dơsĭ poh yă kơ Mũi Né, đơ̆ng jơva chĭng chêng bri kông Ban Mê truh hơnih tơmo san hô ‘lơ̆ng rŏ kơ Hòn Yến- Đắk Lắk... mĭnh hơnih chă tơmang lăng ‘nao tŏk bŏk pơjing. Ưh pă jing dôm hơnih truh hơdrô̆, tơdrong tơmơ̆t hơdai đơ̆ng “bri” păng ‘ đak dơsĭ” tŏk bŏk pơm đei 1 tơdrong jang “ƀơm lơ̆m tơdrong hơiă”, pơkă hơnhăk tơdrong chă tơmang lăng kơ tơring tŏk pran lơ̆m jăl jang ‘nao.

VOV.Bahnar - 4 khei blŭng sơnăm, tơdrong tơlĕch jên jang kơ teh đak tơ̆ Đắk Lắk tôch hiơ̆, dơ̆ng mă 32/34 dêh char pơlei tơm.

VOV.Bahnar - Lơ̆m 2 năr (22 păng 23/4) tơ̆ dêh char Mondulkiri, teh đak Campuchia, Anih pơgơ̆r jang 515 kơ dêh char Đắk Lắk păng Anih pơgơ̆r jang kơ dêh char Mondulkiri pơgơ̆r pơma đam găh tơdrong sơng iŏk, chơ vih kơting linh Việt Nam năm tơblăh tơgŭm, lôch tang ăn teh đak.

VOV.Bahnar - ‘Năr 24/4, Quốc hội jăl 16 pơgơ̆r jơ hôp mă hơtuch vă pơtôch hop akŏm ‘măng mă mônh.

VOV.Bahnar - Khánh Hòa tŏk bŏk tơlĕch jang lơ tơdrong jang tơm yak truh tơdrong hơgăt jang tŏk 2 kơ sô̆ păng jing anih kơdrơ̆m kơ Trung ương hơdrol kơ sơnăm 2030.

VOV.Bahnar – Kơsơ̆ năr (24/04) tơ̆ Hà Nội, Thủ tướng teh đak bơ̆n Lê Minh Hưng păng Kơdră teh đak Hàn Quốc Lee Jae Myung năm akŏm pơma đam păng Hop akŏm Mŭk drăm Việt Nam- Hàn Quốc.