VOV.Bahnar - Lơ̆m khei năr hơdrol kơ pơyan tơm iŏk yua sâu riêng sơnăm 2026, Hơnih jang Tĭnh uy Đăk Lăk hlôi pơtruh hla bơ-ar pơgơ̆r, tôm tơdrong jang iŏk yua, tĕch răt, pơm tơlĕch tơmam xa đơ̆ng plei sâu riêng, tĕch tơlĕch ăn teh đak đe. Kiơ̆ kơ noh, hơtŏk tơdrong vei lăng hơnăn pơkăp păng vei sơđơ̆ng tơdrong jang tĕch tơmam drăm ou ăn teh đak đe, đei kơjă dôm jĭt ti hlj.

VOV.Bahnar – ‘Năr (7/7), Anih vei lăng kon pơlei dêh char Lâm Đồng pơm lêh tơlĕch tơdrong pơjei băl “180 măng năr khŏm bơ̆ jang đei đon pơhnŏng jang tŏk mŭk drăm truh 2 kơsô̆ lơ̆m sơnăm 2026”.

VOV.Bahnar – Kơsơ̆ brei (7/7), Khul jang yoa Đại tướng Nguyễn Tân Cương, Phŏ Kơdră tơm vei lăng khul linh teh đak chĕp kơ̆l năm ngôi, bơ̆ jang hăm Khul kơdră chĕp kơ̆l Đảng dêh char păng kăn ƀô̆ tơm dơnơm kơ dêh char Lâm Đồng.

VOV.Bahnar – Năr ‘nâu (8/7), Hop akŏm mă 4 kơ Anih chĕp kơ̆l pơgơ̆r Quốc hội đei pơgơ̆r vă hơlen năng, tơgop nơ̆r, pơdrơ̆ng ăn lơ tơdrong gĭt kăl, lơ̆m noh tơm hlŏh jĭ dôm tơdrong chih pơjing luơ̆t, tơdrong hơgăt pơyoa ăn tơdrong chih pơjing luơ̆t, hơmet ăn Hop akŏm ưh đei kiơ̆ năr pơkăp ‘măng mă mônh, Quốc hội jăl XVI – ‘Măng hop akŏm kiơ̆tơdrong jang găh chih pơjing luơ̆t khei 8/2026.

VOV.Bahnar - Anih vei lăng kon pơlei dêh char Quảng Ngãi tơchơ̆t tơmơ̆t dơ̆ng vă jê̆ 2.000 ‘nu hŏk tro rơih mơ̆t hŏk lăm 10 sơnăm hŏk 2026-2027 hăm dôm hnam trưng hŏk jăl 3 kơ teh đak păng dôm anih pơtho pơhrăm hơnơ̆ng lơ̆m dêh char. Tơdrong tơchơ̆t âu pơjing dơ̆ng tơdrong hiôk ăn kơ lơ hŏk tro tam mă đei gơh rơih lơ̆m dôm hnam trưng teh đak đơ̆ng rŏng ‘măng rơih hŏk tro mơ̆t hŏk mă blŭng.

VOV.Bahnar - ‘Năr 7/7, Anih vei lăng kon pơlei dêh char Đắk Lắk tơbăt hơdăh Tơdrong tơchơ̆t pơjing 5 Grŭp bơ̆jang pơgơ̆r, athei hơmet pơ ‘lơ̆ng mơmat tat, tơhlăk tơhlĭn, tŭn hrĕnh iŏk pơ ngoăih teh dôm tơdrong jang lơ̆m dêh char.

VOV.Bahnar - Kơsơ̆ brei (07/07), pơgơ̆r ‘măng hop akŏm găh Tơdrong tơchơ̆t hơgăt găh pơm tơ ‘ngla kơdih đơ̆ng anih pơtho pơhrăm đăi hŏk, anih pơtho pơhrăm tơdrong jang, trong jang jên hu hăm pơtho pơhrăm đăi hŏk păng pơtho pơhrăm tơdrong jang; tơdrong jang tơm kơ teh đak pơtho pơhrăm tiến sỹ hŏk hơnơ̆ng, Phŏ Thủ tướng Lê Tiến Châu athei, băt hơdăh trong jang pơm tơ ‘ngla kơdih đơ̆ng anih pơtho pơhrăm đăi hŏk teh đak pơjing păng kơdih pơjing.

VOV.Bahnar - Pơgê 7/7, tơ̆ Hà Nội, Phó Thủ tướng Hồ Quốc Dũng truh pơm lêh tơbăt 50 sơnăm pơjing Anih tơchĕng hơlen unh hơyuh nguyên tử Việt Nam.

VOV.Bahnar - Pơgê 7/7, Anih vei lăng kon pơlei dêh char Đắk Lắk tơlĕch tơdrong jang 45 măng năr hơtŏk hrĕnh tơdrong chưk pơ ‘ngoăih teh ăn dôm tơdrong jang.

VOV.Bahnar – Pơgê năr 7/7, tơ̆ Hnam Kuô̆k hô̆i, Kơdră Kuô̆k hô̆i Trần Thanh Mẫn sơng Ƀô̆ trương Hơnih tơm jang gah Khôi luơ̆t Malaysia Tan Sri Mohd Dusuki Mokhtar atŭm hăm khul kơpal ƀơ̆t 'măng năm tơmang, pơm jang hăm Hơnih tơm jang Hơlen tơdrong glăi lơ̆m tơpôl kon pơlei Việt Nam.