VOV.Bahnar – Năr (15/7), Hơnih jang Măt trâ̆n Tôh kuô̆k Việt Nam dêh char Đăk Lăk jang atŭm hăm Măt trâ̆n Tơguăt tơguăl Hơtŏk Teh đak Campuchia dêh char Mondulkiri pơgơ̆r tơdrong Hop akŏm sơkơ̆t tơdrong jang kiơ̆ Pơkăp tơbăt jang hơdoi jăl sơnăm 2024-2026 păng kĭ pơkăp Hla bar tơbăt jang hơdoi ăn jăl sơnăm 2026-2028 hăm hơnăn “pơjing trong sơlam rơngei, tơbôl, jang hơdoi atŭm hơtŏk tơ-iung”.

VOV.Bahnar – Dêh char Lâm Đồng tŏk bŏk drŭt tenh tơdrong Pơkăp teh tơring kơdrơ̆m kơ 5 phương Đà Lạt tơjê̆ băl, vă pơjing minh hơnih atŭm ăn tơring kơdrơ̆m Đà Lạt đơ̆ng rŏng kơ hơgrop hơnih jang hanh chĭnh, atŭm hăm noh athei jang mă keh dôm tơdrong oei pơdui đunh khei năr lơ̆m pơkăp păng iŏk yua teh.

VOV.Bahnar - Minh sơnăm đơ̆ng rŏng kơ jơnŭm pơgơ̆r tơring 2 kâ̆p tơmơ̆t pơm jang, tơdrong mă ƀônh kơ ƀôh băt tơ̆ lơ tơring lơ̆m dêh char Lâm Đồng ưh hơdrô̆ gah jơnŭm pơgơ̆r jang đei hơmet 'lơ̆ng dah mă pơm hla bar hanh chinh ƀônh hiôk hloh. Tơdrong tơplih tih tên hloh ah trong jang mă jơnŭm pơgơ̆r tơring truh tơjê̆ hăm kon pơlei. Dôm tơdrong pơma đam hăm kon pơlei tơ̆ tơring, dah mă tơdrong khŭl kơdră kơpal chă tơmơ̆ng, pơklaih rim tơdrong tơhlăk tơhlĭn jing trong jang 'nao. Toroi gah kơtơ̆ng ang đei ƀôh 'năr ou roi tơbăt kơ dôm tơdrong tơplih ou tơ̆ xah Hàm Tân, dêh char Lâm Đồng, kiơ̆ trong jang “ 'Năr Puăn gô mơ̆ng păng pơma dơnuh hăm kon pơlei”

VOV.Bahnar - Đắk Lắk tơlĕch ăn tơdrong hơgăt tơ jur tŏ sĕt tôch ai 30% hơnih pơtho pơhrăm kơ teh đak, hơdai hăm proh hơmet 24 hơnih pơtho pơhrăm tơdrong jang - pơtho pơhrăm hơnơ̆ng oei pă 9 hơnih hơdrol kơ sơnăm hŏk 'nao.

VOV.Bahnar - Kơsơ̆ brei (14/07)  tơ̆ phường Việt Trì, Thủ tướng Lê Minh Hưng pơgơ̆r jơ bơ̆jang hăm Khŭl kơdră chĕp kơ̆l pơgơ̆r Anih jang Đảng dêh char Phú Thọ găh tơdrong bơ̆jang kiơ̆ hơnăp jang hơtŏk tơiung mŭk drăm - tơpôl păng tơdrong hơgăt jang tŏk “2 kơsô̆”.

VOV.Bahnar – Kơsơ̆ brei (14/07), tơ̆ Anih jang kơ Trung ương Đảng, Tổng Bí thư, Kơdră teh đak Tô Lâm pơgơ̆r jơ bơ̆jang hăm dôm anih jang đei ƀơm truh găh Trong atŏk tơiung kơmăy kơmŏk ăn anih jang mŭk drăm đak dơsĭ kơ teh đak.

VOV.Bahnar – Kơsơ̆ brei (14/7), Anih vei lăng kon pơlei dêh char Gia Lai pơgơ̆r Hop akŏm hơlen năng tơdrong jang mŭk drăm – tơpôl 6 khei blŭng sơnăm păng tơlĕch tơdrong jang 6 khei hơtuch sơnăm 2026.

VOV.Bahnar - Hơdai hăm bơ̆ jang ming man trong gre kơdâu hrĕnh Quy Nhơn - Pleiku, dêh char Gia Lai oei akŏm jơhngâm jang pơkĕh 9 tơring oei xa ‘nao tơter trong gre vă pơjao teh ăn kon pơlei lơ̆m khei 7. Tơdrong hơtŏk hrĕnh tơdrong jang ưh lăp tơgŭm ăn dôm unh hnam jăh đei tơdrong arih xa sơđơ̆ng đĕch mă oei hơmet pơ ‘lơ̆ng tơdrong pơmat tat găh teh, pơjing tơdrong ‘lơ̆ng vă tơdrong jang tơm kơ teh đak gơ̆h tơlĕch jang hrơ̆ch ‘lơ̆ng, trŏ nơ̆r hơgăt.

VOV.Bahnar - Mĭnh anih teh hơlih păih kông tôch hơmơt tơ̆ trong krang Prenn- Trong gre 20, ‘măng mât lĕch păih Pơbăh kơ Đà Lạt, dêh char Lâm Đồng tŏk bŏk đei anih jang kơpal hơmet ming vă găn ưh ăn teh hơlih dơ̆ng lơ̆m pơyan ‘mi.

VOV.Bahnar - Ƀlep ƀât tơbăt 79 sơnăm năr linh jĭ rơka, linh lôch tang ăn teh đak, pơgê (14/7) tơ̆ Pơsat linh tơm kơ dêh char Lào Cai, Khul jang đơ̆ng Trung ương yoa Thủ tướng Lê Minh Hưng chĕp kơ̆l truh soh nhang, plang pơyơ̆r pơkao ƀlŏk hơdơ̆r kơ đe linh lôch tang ăn teh đak.