VOV4.Bahnar - Lơ̆m jơnăr năm ngôi bơ̆jang tơ̆ Thái Lan đơ̆ng ‘năr 10-12/4, Kơdră tơm jang tơbôl Bùi Thanh Sơn păng Phŏ Thủ tướng, Kơdră tơm jang tơbôl Thái Lan Parnpree Bahiddha-Nukara ‘năr brei (11/4) hlôi vang pơgơ̆r ‘Măng hop akŏm ‘măng mă 5 Anih jang hơdai găh jang hơdai 2 pang (JCBC-5).

VOV4.Bahnar - Kơsơ̆ 11/4, tơ̆ Anih jang Khŭl kơdră teh đak, Thủ tướng Phạm Minh Chính sơng Bơngai tang măt Nhật Bản tơ̆ Việt Nam Yamada Takio truh kơkuh tơklăh ti ƀlep ƀơ̆t pơtôch khei ‘năr bơ̆jang tơ̆ Việt Nam.

VOV4.Bahnar - Pơgê brei (11/4), tơ̆ dêh char Điện Biên pơgơ̆r Hop akŏm khoa hŏk kơ teh đak “Tơblăh jơnei Điện Biên Phủ hăm tơdrong pơjing păng vei lăng teh đak Việt Nam xã hội chủ nghĩa”. Hop akŏm yoa Anih tơm vei lăng khul linh teh đak jang hơdoi hăm Ban Tuyên giáo Trung ương, Anih tơm vei lăng Công an, Hnam hŏk Chính trị Quốc gia Hồ Chí Minh păng dêh char Điện Biên vang pơgơ̆r.

VOV4.Bahnar - Pơgê brei (11/04), Thủ tướng Phạm Minh Chính pơgơ̆r hop akŏm Khul kơdră teh đak găh chih pơjing luơ̆t khei 04.2024, vang hop akŏm đei Phó Thủ tướng Trần Hồng Hà, dôm ƀok Kơdră chĕp kơ̆l anih jang lơ̆m Khul kơdră teh đak.

VOV4.Bahnar - Pơgê 11/4, pơgơ̆r pơma dơnuh tơbôl khŭl lĭnh vei lăng tơring sơlam Việt Nam - Trung Quốc ‘măng mă 8 pơtơm blŭng hăm Lêh sơng khŭl Trung Quốc tơ̆ ‘Măng jang sơlam apŭng plĕnh teh Lào Cai năm tơ̆ Việt Nam vang jang dôm tơdrong jang pơma dơnuh tơbôl.

VOV4.Bahnar - Kơsơ̆ năr 10/4, tơ̆ Hơnih bơ̆ jang Khul kơdră Teh đak, Thủ tướng Teh đak Phạm Minh Chính hlôi sơng pơma dơnuh hăm Kơdră jang tơbôl Cộng hòa liên bang Brazil Mauro Vieira tŏk bŏk năm tơmang teh đak Việt Nam đơ̆ng năr 09-10/4/2024.

VOV4.Bahnar - Jơnŭm jang Mŭk drăm Tơpôl Liên hợp quốc (ECOSOC) hlôi drơ̆ng nơ̆r pôk tơmơ̆t Việt Nam lơ̆m Khul chĕp pơgơ̆r Hơnih jang Liên hợp quốc găh Hơtŏ hơnơ̆ng drŏ nglo drŏ kăn păng Pơjao Hơnăp jang ăn drŏ kăn (UN Women) jăl jang 2025-2027.

VOV4.Bahnar - Lơ̆m ‘măng iung tơblăh tang găn Phalăng, mă kăl ‘noh ‘măng iung tơblăh Điện Biên Phủ sơnăm 1954, trong hông hang krang nak Lũng Lô ‘noh mĭnh lơ̆m dôm jăl trong tơm vă ƀô̆ đô̆i păng kon pơlei chơ pơdŭ ƀrơ̆m phao kơtoang, pơgang atŭm hăm phe ƀa tơgŭm ăn ‘măng iung tơblăh. Vă jăl trong ling lang yak hiôk hian, sơđơ̆ng ăn tơdrong jang, rim hơnih bơ̆ jang pơdŭ ƀrơ̆m phao kơtoang, kon pơlei tung pơdŭ phe ƀa hlôi kơrŭn đĭ jơhngơ̆m đon prăt măng prăt năr pơm trong păng vei lăng trong nơnăm, tơgop gĭt kăl iŏk đei jơnei “Pơm ăn apŭng plĕnh teh ư hơnhang ang hơnhăk".

VOV4.Bahnar – Đơ̆ng kơmăng năr 10/4, pơlei tơm Kon Tum, dêh char Kon Tum pơtơm pơgơ̆r lơ tơdrong akŏm joh ayŏ vă tơroh tơguăt, hơtŏk jang tơmang pơhiơ̆.

VOV4.Bahnar – Kơsơ̆ năr 10/4, tơ̆ pơlei tơm Thượng Hải, Kơdră Kuôk hô̆i Vương Đình Huệ hlôi sơng đe kơdră kơ dôm anih jang pran kơ teh đak Trung Quốc tơ̆ pơlei tơm Thượng Hải.