VOV4.Bahnar - ‘Năr 25/7, tơ̆ Hơnih bơ̆jang Khŭl kơdră teh đak, Thủ tướng Phạm Minh Chính hlôi sơng ƀok Vương Hộ Ninh, Bơngai jang lơ̆m Anih tơm Chĭnh trĭ Đảng Cộng sản Trung Quốc, Kơdră Chính hiệp lơ̆m teh đak Trung Quốc, Bơngai tang măt gĭt kăl kơ Tổng Bí thư, Kơdră teh đak Trung Quốc Tập Cận Bình chĕp kơ̆l Khŭl tang măt Đảng Cộng sản Trung Quốc năm tơ̆ Việt Nam vang truh akŏm dôm tơdrong jang hơpong Tổng Bí thư Nguyễn Phú Trọng.

VOV4.Bahnar - Pơgê 25/7, kon pơlei dôm hơdrĕch hơdrŭng, khŭl tơpôl tơ̆ lơ tơring lơ̆m tơring Tây Nguyên hlôi răp lăng lêh hơpong Tổng Bí thư Nguyễn Phú Trọng kiơ̆ trong pơih pơre nơ̆r, pơdăh tơvi.

VOV4.Bahnar - Lêh hơpong Tổng Bí thư Nguyễn Phú Trọng đei pơgơ̆r tơpăt ‘lơ̆ng, ƀrơ̆k jơ hngơ̆m.

VOV4.Bahnar - Lêh pơdong ƀok Tổng Bí thư Nguyễn Phú Trọng đei pơgơ̆r ƀât 1 jơ kơsơ̆ ‘năr 26/7 tơ̆ Hnam pơdong kơ teh đak, kơsô̆ 5 Trần Thánh Tông, Hà Nội. Lêh ƀŭ ƀât 3 jơ kơsơ̆ hơdai lơ̆m năr tơ̆ Pơsat Mai Dịch, Hà Nội

VOV4.Bahnar - Hăm kon pơlei Tây Nguyên, um ai Tổng Bí thư Nguyễn Phú Trọng tôch tơklap kơjăp hăm muh măt hơ-‘nhưp, phăl hơlăng. Um ai ‘noh pơm hơ iă lơ̆m jơhngơ̆m đon dôm bơngai kang ƀô̆, đảng viên păng kon pơlei Tây Nguyên rim ‘măng pŭn ai đei sơng hơvơn ƀok năm ngôi. Păng Dôm nơ̆r pơtho khan đơ̆ng Tổng Bí thư tŏk bŏk jing jơhngơ̆m pran tơgŭm ăn đe sư hơdrin hloh dơ̆ng.

VOV4.Bahnar - Kơsơ̆ ‘năr 25/7, tơ̆ Anih jang kơ Ƀok Kơdră teh đak, Kơdră teh đak bơ̆n, ƀok Tô Lâm sơng Khul tang măt ăn Đảng, Teh đak Lào yoa ƀok Thongloun Sisoulith, Tổng Bí thư, Kơdră teh đak Lào chĕp kơ̆l vang truh hơpong, pơdong Tổng Bí thư Nguyễn Phú Trọng.

VOV4.Bahnar - Mă đơ̆ng băt tơdrong arih rơnĕh, tih vơ̆, ‘lŏ kră, jĭ jăn păng hơlôch hơchăng hơnơ̆ng đei đơ̆ng sơ̆ ưh kơ gơ̆h vĕh mă lei mưh iŏk đei nơ̆r tơroi Tổng Bí thư Nguyễn Phú Trọng lôch, đĭ đăng Đảng, đĭ đăng kon pơlei bơ̆n bu bu kŭm čhưu jơhngâm ‘mêm kơeng. Đơ̆ng rŏng âu, hơpơi mih ma duch nă chă đŏk, lăng ƀai chih đơ̆ng Grŭp chih tơdrong kơtơ̆ng ang ăn Radio nơ̆r pơma VN hăm hơnăn: ”Tổng Bí thư Nguyễn Phú Trọng: Kơdră chĕp kơ̆l rơgei, đei jơhngâm đon ‘lơ̆ng hăm kon pơlei”:

VOV4.Bahnar – Đei lơ Khul tơmoi lơ̆m apŭng plenh teh truh hơpong Tổng Bí thư Nguyễn Phú Trọng.

VOV4.Bahnar - Thủ tướng Phạm Minh Chính hlôi sơng Bơngai pơma tơgŭm tơdrong sơđơ̆ng teh đak Ấn Độ Ajit Doval ƀlep ƀơ̆t ƀok năm vang pơm lêh hơpong pơdong Tổng Bí thư Nguyễn Phú Trọng. 

VOV4.Bahnar - Iŏk đei tơroi Tổng Bí thư Nguyễn Phú Trọng lôch hơchăng, Tổng Thư ký Liên hợp quốc Antonio Guterres hlôi truh hơpong Tổng Bí thư tơ̆ Khŭl tang măt ăn Việt Nam tơ̆ Liên hợp quốc tơ̆ New York.