VOV4.Bahnar - Hơnih tơm vei lăng Mơdro sa ‘nao tơlĕch nơ̆r athei jang kiơ̆ găh rim trong jang pơm sơđơ̆ng ăn tơdrong tĕch răt, sơđơ̆ng kơjă tĕch mơdro hơtuch sơnăm 2023 păng khei ‘năr Têt Nguyên đán Giáp Thìn 2024.

Vov4.Bahnar - Hơnơ̆ng pơgơ̆r Hop akŏm ‘măng mă 6, Năr 3/11, Kuô̆k hô̆i ‘măn mĭnh năr pơma dơnuh tơ̆ Hnam hop akŏm găh mĭnh ƀar tơdrong oei đei nơ̆r tơgop phara dih băl kơ trong vă pơjing Khôi luơ̆t Groi teh (hơmet ming).

VOV4.Bahnar - Kơsơ̆ ‘năr 02/11, tơ̆ Anih jang kơ Khul kơdră tĕh đak, Thủ tướng Phạm Minh Chính sơng Kơdră tơm tĕh đak Mông Cổ Ukhnaagiin Khurelsukh oei hơpong tơ̆ Việt Nam.

VOV4.Bahnar - Tơdrong ‘nâu đei pơgơ̆r hơnơ̆ng rim sơnăm vă pôk pơ ư, pơlung rim khul grŭp, rim bơngai jang rơgei mưh hŏk pơhrăm păng jang kiơ̆ jơhngâm đon ‘lơ̆ng đơ̆ng Ƀok Hô.

VOV4.Bahnar - Công ty jang unh điên Đắk Lắk hlôi man đang păng pơjao 5 tŏ hnam ‘mêm mơnat tơgŭm ăn dôm unh hnam tơnuh hin tơ̆ dêh char Đắk Lắk.

VOV4.Bahnar - Pơgê ‘năr 2/11, tơ̆ Anih pơhrăm tơdrong jang, Anih tơm pơgơ̆r Cảnh sát Cơ động, Kơdră tơm teh đak Mông Cổ Ukhnaagiin Khurelsukh păng Kơdră tơm teh đak Võ Văn Thưởng hlôi năm tơmang, dơ̆ng lăng tơdrong pơtâp pơhrăm dơ̆ng pơ rŏ đơ̆ng Khŭl lĭnh Cảnh sát cơ động Việt Nam.

VOV4.Bahnar - Lơ̆m tơdrong jang năm ngôi tơ̆ Việt Nam, Thủ tướng teh đak Phạm Minh Chính păng Thủ tướng Hà Lan Mark Rutte hlôi vang truh hop akŏm kơmăy kơmŏk hơgei Việt Nam -  Hà Lan păng Hop akŏm mŭk drăm rơgoh sơnăm 2023.

VOV4.Bahnar - Hăm 49 hơdrĕch hơdrung vang arih xa hơdai, tơdrong pơjing khul kăn ƀô̆, đảng viên bơngai kon kông hơnơ̆ng đei dêh char Đắk Lắk tôch tơrĕk. Khul kăn ƀô̆, đảng viên bơngai kon kông vang tơgop gĭt kăl lơ̆m tơdrong pơjing trong tơguăt đĭ đăng hơdrĕch hơdrung, mât 1 jơhngâm jang atŏk tơiung mŭk drăm, tơpôl, vei lăng kơjăp ‘lơ̆ng tơdrong sơđơ̆ng tơ̆ tơring.

VOV4.Bahnar -Tơ̆ Hnam Kuôk hô̆i, Kơdră Kuôk hô̆i Vương Đình Huệ sơng kơdră dơnơm vei lăng jên hu, Grŭp jang SamSung Electronics Park Hanr Kyu. Kơdră Kuôk hô̆i Vương Đình Huệ hôn bơ nê kơ ƀok Park Hark Kyu năm ngôi păng bơ̆jang tơ̆ Việt Nam păng chơt hơiă tơƀơ̆p dơ̆ng đơ̆ng rŏng ‘măng năm ngôi tơ̆ Hàn Quốc đơ̆ng Khŭl tang măt gĭt kăl Kuôk hô̆i Việt Nam ƀơ̆t khei 2/2021.

VOV4.Bahnar - Pơgê 2/11, tơ̆ Anih jang kơ Trung ương Đảng, Tổng Bí thư Nguyễn Phú Trọng đei jơ tơƀâp, pơma nuh chơt hơiă hăm Khul tang măt đei 67 ‘nu bơngai jang rơgei lơ̆m tĕh đak găh “Hŏk pơhrăm păng jang kiơ̆ jơhngâm đon ‘lơ̆ng đơ̆ng Ƀok Hô sơnăm 2023”.