VOV4.Bahnar - Pơgê 2/11, tơ̆ Hà Nội, Thủ tướng Phạm Minh Chính pơgơ̆r pơm lêh sơng păng pơma đam hăm Thủ tướng Hà Lan Mark Rutte năm ngôi tơ̆ Việt Nam.

VOV4.Bahnar - Pơgê 2/11, tơ̆ Anih jang kơ Khul kơdră tĕh đak, Thủ tướng Phạm Minh Chính sơng Phŏ Kơdră Anih vei lăng châu Âu (EC) pơm hloi Kơdră tang măt găh tĕch mơdro kơ EU Valdis Dombrovski oei hơpong păng bơ̆ jang tơ̆ Việt Nam.

VOV4.Bahnar - Trường Sa -groi teh git kăl kơ Teh đak, hơtăih kơ groi teh hloh 300 hải lý. Mă đơ̆ng tơdrong hơrih sa păng bơ̆ jang ƀĕnh ƀang tơnap tap, hrat hrĭn. Mă lei rim kang ƀô̆ păng ƀô̆ đô̆i tơ̆ achon dơsĭ hơnơ̆ng atŏk jơhngơ̆m yak hloh tơnap tap, kơƀăh och vă bơ̆ jang keh đang tơdrong jang vei lăng năng tông kơjăp tơdrong pơm tơm kơdih đak dơsĭ, achon dơsĭ kơ Teh đak.

VOV4.Bahnar – Sơng Ƀô̆ trương Anih tơm Nô̆i vŭ Nga, Đại tướng Kolokoltsev Vladimir Alexandrovich păng khul Kơpal kơ Anih tơm Nô̆i vŭ teh đak Nga tŏk bŏk oei tơmang Việt Nam, Thủ tướng teh đak bơ̆n Phạm Minh Chính pơkăl ƀar pah pơtoi tơlĕch jang đei jơnei dôm trong pơkăp jang hadoi oei đei; pơklaih dôm tơdrong tơhlăk tơhlĭn lơ̆m jang hadoi vă pơtoi hơtŏk jang hadoi lơ̆m khei năr truh.

VOV4.bahnar - Năr 1/11, tơ̆ apŭng Lăk, dêh char Dak Lăk, Trung ương Khul Hơdruh tơdăm Việt Nam iung jang hơdoi hăm Hơnih tơm vei lăng Hnam trương pơtho pơhrăm, Hơnih vei lăng Kon kông păng Grŭp jang Tiên Long pơgơ̆r “Vang hơlêm ƀok thây kô pơtho” sơnăm 2023.

VOV4.Bahnar - Năr 01/11/2023, Thủ tướng Phạm Minh Chính pơm tơm Khul Kơdră tang măt Đảng, Teh đak, Khul kơdră Teh đak, Kuô̆k hô̆i, Mặt trận Tổ quốc Việt Nam năm hơpong păng chih nơ̆r tơbăt sơ-‘ngon lơ̆m kơsơ̆p hla bơar blŏk hơdơ̆r tơ̆ Hơnih tang măt Trung Quốc tơ̆ Việt Nam.

VOV4.Bahnar - Kơsơ̆ năr 1/11 tơ̆ Hơnih bơ̆ jang Trung ương Đảng, Tổng Bí thư Nguyễn Phú Trọng sơng pơma dơnuh hăm Ƀok kơdră tơm Mông Cổ Ukhnaagiin Khurelsukh tŏk bŏk iung năm tơmang tơ̆ Việt Nam.

VOV4.Bahnar - Pơgê năr 1/11, Khul bơ̆ jang dăr lăng kơ Hơnih tơm Chinh trĭ, kơ yuơ bôk Nguyễn Xuân Thắng, Kơdră jang lơ̆m Hơnih tơm Chinh trĭ, Kơdră chĕp pơgơ̆r Học viện Chính trị Quốc gia Hồ Chí Minh bơ̆ jang hăm dêh char Bắc Kạn.

VOV4.Bahnar - Kơsơ̆ ‘nâu (1/11) tơ̆ Anih jang kơ ƀok Kơdră tĕh đak, kiơ̆ tơdrong đei tơlĕch, Kơdră tĕh đak bơ̆n ƀok Võ Văn Thưởng pơgơ̆r lêh sơng Kơdră tơm tĕh đak Mông Cổ Ukhnaagiin Khurelsukh năm hơpong păng bơ̆ jang tơ̆ tĕh đak Việt Nam.

VOV4.Bahnar - ‘Năr brei (31/10), tơ̆ Hà Nội, Anih tơm vei lăng Công an pơm lêh pơjao Mê đai jang tơbôl ăm Đại tướng Kolokoltsev Vladimir Alexandrovich, Kơdră chĕp kơ̆l Anih tơm jang Nội vụ tĕh đak Nga.