VOV4.Bahnar - Pơyan Puih mak tơ̆ Trường Sa rŏ năng pha hlŏh kơ dôm tơring nai lơ̆m teh đak Việt Nam. Tết jĭ jơnăr ngôi hơdai kơ rim unh hnam,... oei hăm đe linh đak dơsĭ, Tết jĭ jơnăr ƀlŏk rơ nguơ̆ kơ hnam hlŏh, mă loi hăm đe linh hle mưh lăng ngôi rup hnam dơnŏ ming ƀât kơ̆l giơng. Păng hlŏh kơ rim tơdrong dơ̆ng, Tết hăm linh tơ̆ tơring kông lơ̆m đak dơsĭ jĭ hngâm đon hưch hanh, jĭ tơdrong sơđơ̆ng jơhngâm ti čhĕp kơjăp phao vă vei lăng tơdrong sơđơ̆ng ăn tơring đak dơsĭ, rơvơ̆ng plenh teh đak, ăn tơdrong hiôk chơt kơ pơyan Puih mak tơ̆ pơlei pơla. 

VOV4.Bahnar – Kơsơ̆ năr 5/2, Thủ tướng teh đak bơ̆n Phạm Minh Chính hlôi truh hơpong Anih tơm Kanh sat hơlen trong nơnăm, Anih tơm Kŏng an păng thơ thâu Têt, hơlêm đe kan ƀô̆, khul linh Kanh sat hơlen trong nơnăm kơ jâ̆p teh đak.

VOV4.Bahnar - Anih jang đoan Đăk Lăk jang hadoi hăm anih jang tơgŭm asong kơhrĕng tơpu tơmam ăn bơngai hin dơnuh tơ̆ pơlei tơm Buôn Ma Thuột.

VOV4.Bahnar – Pơgê năr 5/2, Thủ tướng Phạm Minh Chính pơgơ̆r Hop akŏm pơm jang hăm Anih jang vei lăng jên asong jang đơ̆ng Teh đak tơ̆ anih jang mŭk drăm păng 19 anih jang tơm vă pơm tơlĕch pơm jang tĕch pơdro sơnăm 2024 păng asong jang hơtŏk mŭk drăm – tơpôl.

VOV4.Bahnar – Hăm mŭk drăm teh, hơyuh tŏ ‘mi sơđơ̆ng, um ai joh ayŏ kăp gĭt, Đăk Lăk tŏk bŏk oei đei lơ tơdrong hiôk vă hơtŏk jơhngơ̆m pran, hơvơn asong jang, brư̆ brư̆ hơtŏk tơ-iung tenh kơjăp sơđơ̆ng. Mă kăl hăm Pơkăp dêh char Đăk Lăk lơ̆m jăl jang 2021-2030, sơkơ̆t jang truh sơnăm 2050 ‘nao đei Thủ tướng teh đak kĭ sơkơ̆t ah Tơchơ̆t kơsô̆ 1747/2023, gô jing hơyak khôi luơ̆t kăp gĭt vă dêh char pơkăp dôm trong jang hơtŏk mŭk drăm – tơpôl, hơvơn asong jang, pơchoh trong hăm jơhngơ̆m pran, pơm kiơ̆ tơdrong hơpơi hơtŏk mŭk drăm Đăk Lăk lơ̆m grŭp 25 dêh char dơ̆ng hơlâu kơ jơ̆p teh đak ah sơnăm 2050.

VOV4.Bahnar- Đơ̆ng ‘năr 2/2 (23 khei 12 âm lịch), khŭl lĭnh kanh sat vei lăng trong nơnăm dêh char Dak Nông hlôi tơlĕch jang tơdrong jang “Yak hơdai hăm bơngai yak vih vơ̆t tơ̆ trong năr têt”, asong đak nhă, tơmam sa, tơplih môk ƀao hiêm ‘lơ̆ng tơgŭm dôm bơngai hao gre hon đa đơ̆ng dôm dêh char găh pơbăh brŏk tơ̆ pơlei năm brih tơring Dak Nông.

VOV4.Bahnar - Ƀlep ƀơ̆t năr Têt Nguyên đán Giáp Thìn 2024,kiơ̆ tơdrong joăt joe đơ̆ng hơdrĕch hơdrŭng, Kơdră teh đak Võ Văn Thưởng hlôi năm soh nhang, ƀlŏk hơdơ̆r kơ đe kơdră chĕp kơ̆l Đảng, teh đak hlôi lôch hơchăng păng năm ngôi tơ̆ 1,2 kơdră so chĕp kơ̆l Đảng, Teh đak lơ̆m pơlei tơm Hà Nội.

VOV4.Bahnar - Kơsơ̆ brei (4/2), Thủ tướng Phạm Minh Chính năm ngôi, hmach thơ thou Tết, hơpăh tơmam pơlung dôm khul trư̆k bơ̆ jang ƀât Tết Nguyên đán tơ̆ plt Cần Thơ.

VOV4.Bahnar – Kơmăng ‘năr brei (2/2), tơ̆ Hnam hơkŭm Thống Nhất, pơlei tơm HCM, pơgơ̆r tơdrong akŏm Pơma dơnuh kăp gĭt Puih mak Pơlei pơla 2024, minh tơdrong kăp gĭt joh ayŏ lơ̆m tơpôl kon pơlei bơ̆n tơ̆ teh đak đe păng kon pơlei tơ̆ pơlei tơm Hồ Chí Minh.

VOV4.Bahnar – Kơsơ̆ ‘năr brei (2/2), tơ̆ pơlei tơm Kon Tum, Anih juăt jang Tĭnh uy Kon Tum pơgơ̆r tơjrâ̆m 155 bơngai hŏk kơjung, bơngai jang joh ayŏ, jang ƀăo gơh hơgei ƀơ̆t blŭng Puih mak Giáp Thìn 2024.