VOV4.bahnar - Pơgê năr 5/4, tơ̆ Hà Nội, Jơnŭm atŭm Hơp tak xah Việt Nam pơgơ̆r hop akŏm trư̆k tuyên “Atŏk tơ iung păng hơvơn khul jang hơgei ăn tơring jang mŭk drăm tơpôl, hơp tak xah”.

VOV4.Bahnar - Tơ̆ hop akŏm Khul kơdră chĕp pơgơ̆r Đảng dêh char Gia Lai ‘măng mă 15 pơgơ̆r lơ̆m năr 5/4, Hơnih vei lăng trong nơnăm dêh char hlôi tơroi tơbăt găh hơmet ming trong jang tơmơ̆t jên jang pơm trong Gre rĕnh Pleiku-Quy Nhơn đơ̆ng kiơ̆ trong jang hơdoi teh đak hăm kon pơlei ‘măng mă blŭng jing kiơ̆ trong Teh đak tơmơ̆t jên jang, kiơ̆ kơ ‘noh gô tơjur 6.500 ti hlak jên pơtêng hăm chă hơlen ‘măng mă blŭng. 

VOV4.Bahnar - Dôm sơnăm âu ki, rim jơhnơr kăn ƀô̆, linh kanh sat cơ động Công an dêh char Đắk Lắk kŭm hăm dôm khul linh vang tơblăh tang găn ‘lơ̆ng dôm tơdrong yoch krê hơmơt, năm ƀa trui, chă rôp Fulro, vei lăng sơđơ̆ng teh đak, vei kơjăp tơdrong sơđơ̆ng lơ̆m tơpôl. Khul linh chơt hơiă đei Đảng, teh đak hơpăh ăn hơnăn Khul linh tơblăh kơtang nuih mơng kŭm hăm lơ mê đai păng tơmam hơpăh kăp gĭt nai. 

VOV4.Bahnar – Kơsơ̆ ‘năr brei (5/4), tơ̆ Hnam Kuôk hô̆i, Kơdră Kuôk hô̆i Vương Đình Huệ hlôi pơma điê̆n thoăi trư̆k tuyê̆n hăm ƀok Samdech Techo Hun Sen, Kơdră Đảng Kon pơlei Campuchia, Kơdră Jơnŭm kơpal Tơgŭm jang ăn ƀok pơtao Campuchia, Kơdră Thươ̆ng viê̆n teh đak Campuchia.

VOV4.Bahnar -  Kơsơ̆ ‘năr 4/4, Anih tơm vei lăng khul linh teh đak jang hơdoi hăm Ban Tuyên giáo Trung ương pơgơ̆r Hôp roi tơbăt găh Hop akŏm khoa hŏk kơ teh đak “Tơblăh jơnei Điện Biên Phủ hăm tơdrong pơjing păng vei lăng teh đak Việt Nam xã hội chủ nghĩa”.

VOV4.Bahnar - Kơsơ̆ 4/4, tơ̆ Anih jang Khŭl kơdră teh đak, Thủ tướng Phạm Minh Chính hlôi sơng Bơngai tang măt teh đak Phalăng Olivier Brochet păng Kơdră tang măt teh đak Tây Ban Nha Carmen Cano de Lasala truh kơkuh pơma dơnuh ƀlep ƀơ̆t ‘măng pơtơm blŭng jăl jang tơ̆ Việt Nam.

VOV4.Bahnar - Pơgê 4/4, Hnam trưng Đại học Thái Nguyên pơgơ̆r lêh tơbăt 30 sơnăm Năr pơjing păng sơng iŏk Mê đai bơ̆jang dơ̆ng mă Mônh. Kơdră teh đak kơplăh dang ei Võ Thị Ánh Xuân vang truh akŏm păng pơma pơgơ̆r.

VOV4.Bahnar - Tam mă truh 2 khei dơ̆ng, sơnăm hŏk 2023 - 2024 gô tôch. Mă lei truh dang ei, Anih vei lăng kon pơlei dêh char Đắk Lắk oei tam mă tơchơ̆t vă rơih iŏk trong yơ ăn ‘măng thi mât hŏk lăm 10. Mă set điêm, pơgơ̆r thi dăh mă pơm kiơ̆ 2 trong âu hloi ‘nŏh oei đei dang 8.000 ‘nu hŏk tro tôt nghiêp lăm 9 athei rơih hŏk tơ̆ dôm Anih pơtho pơhrăm hơnơ̆ng, dôm hnam trưng đơ̆ng kon pơlei pơjing mă ưh năm hŏk tơdrong jang. Anih vei lăng pơtho pơhrăm Đắk Lắk oei hơtŏk tơdrong pơtho tơƀôh, roi tơbăt tơdrong jang ăn hŏk tro jăl 2 vă đe oh gơh rơih trong năm lăp hăm kơdih.

VOV4.Bahnar - Hlŏh 1.000 tơdrong pơm glăi Luơ̆t vei lăng bri, tơdrong muih roh, sŏh mir, tơgar iŏk teh bri oei đei tôch dêh, lơ tơ ‘ngla bri ưh kơ kĕ vei lăng bri. Nơ̆r tơroi âu đei tơlĕch tơ̆ Hop akŏm găh tơdrong jang vei lăng bri yoa Anih vei lăng kon pơlei dêh char Đắk Lắk pơgơ̆r pơgê ‘năr 4/4.

VOV4.Bahnar - Pơgê 4/4, Thủ tướng Phạm Minh Chính pơgơ̆r Hop akŏm Anih jang kơ teh đak Tơplih ‘nao pơtho pơhrăm găh “Tơplih ‘nao, atŏk tơiung pơtho mâm non".