VOV4.Bahnar - ‘Năr 9/11, Kơdră Anih tơm vei lăng Kŏng an Tô Lâm hlôi pơma đam hămi Thượng tướng Kurenkov Aleksandr Vyacheslavovich, Kơdră Anih tơm vei lăng tơdrong kăl Liên bang Nga.

VOV4.Bahnar - Kơ sơ̆ 9/11, Thủ tướng Phạm Minh Chính pơjao Grat 45 sơnăm  Đảng ăn kơ Phŏ thủ tướng so Phạm Gia Khiêm păng grat 50 sơnăm Đảng ăn kơ Phŏ Thủ tướng so Trương Hòa Bình.

VOV4.Bahnar - Hơnơ̆ng bơ̆ jang lơ̆m Hop akŏm mă 6, pơgê 9/11, Quốc hội pơma nuh tơ̆ hnam hôp tơm găh hơmet ming 1,2 tơdrong lơ̆m tơdrong Tơchơ̆t đơ̆ng Quốc hội, tơroi hơdăh dôm tơdrong tơchĕng hơlen gơ̆h jang kiơ̆ mưh iŏk pơdreu tĕh, hrŭ ‘mong jên, tơgŭm, pơjing pơlei oei xa ‘nao vă man cham gre păr apŭng plenh teh Long Thành.

VOV4.Bahnar - Pơgê brei, 9/11, Anih thuê̆ dêh char Đắk Lắk pơgơ̆r Hop akŏm pôk pơ ư dôm khul grŭp, dôm bơngai jang ‘lơ̆ng luơ̆t thuê̆ sơnăm 2023.

VOV4.Bahnar - Nhen Radio nơ̆r pơma VN tơroi, bri ‘long tơ̆ Công ty TNHH jang ‘long Buôn Ja Wầm (apŭng Cư M’Gar, dêh char Đắk Lắk) khei ‘năr tơjê̆ âu đei đe kŏh phă tôch dêh, pơm ăn bri ‘long jur hrĕnh. Anih jang kơpal kơ dêh char Đắk Lắk oei tơlĕch lơ trong jang kơtang vă găn lê̆ tơdrong ‘nâu.

VOV4.Bahnar- Bơngai tang măt Đặng Hoàng Giang, Kơdră Khŭl tang măt Việt Nam tơ̆ Liên hợp quốc hlôi đei jơ bơ̆jang hăm Bơngai tang măt Harold Agyeman, Kơdră khŭl tang măt Ghana vă pơma dơnuh găh tơdrong pơvei 2 pang đơ̆ng 2 teh đak păng jang hơdai tơ̆ Liên hợp quốc.

VOV4.Bahnar – ‘Năr brei (8/11), Phŏ Thủ tướng Trần Hồng Hà hlôi sơng Giáo sư David Rogers kơ hnam trưng hŏk gah Tĕch pơdro Columbia (Hoa Kỳ), minh lơ̆m dôm bơngai juăt jang hơgei lơ̆m kơpal teh gah tơplih kơsô̆.

VOV4.Bahnar - Kơsơ̆ brei (8/11), tơ̆ Hà Nội, Hơnih tơm Kŏng ang pơgơ̆r Pơm lêh jang kiơ̆ Năr Khôi luơ̆t teh đak Cộng hòa xã hội chủ nghĩa Việt Nam năm.

VOV4.Bahnar - Kơsơ̆ năr 8/11, tơ̆ Hơnih bơ̆ jang Kơdră chĕp pơgơ̆r Teh đak Kơdră chĕp pơgơ̆r Teh đak Võ Văn Thưởng sơng pơma dơnuh hăm Kơdră tang măt rim teh đak Venezuela păng Lào pơtruh kơthơ Teh đak.

VOV4.Bahnar - Ƀlep lơ̆m năr tơbăt 93 sơnăm Năr joăt joe Măt trân Tổ quốc Việt Nam, Kơsơ̆ brei (8/11), Hơnih bơ̆ jang MTTQ Việt Nam dêh char Gia Lai pơgơ̆r năr Lêh Tơgoăt tơgoăl hơdrĕch hơdrung tơ̆ tơring pơlei sơnăm 2023 tơ̆ Pơlei Kte lớn A, tơring Ia Yeng, apŭng Phú Thiện.