VOV4.Bahnar - ‘Năr 12/3, thĭ xăh Buôn Hồ, dêh char Đắk Lắk roi tơbăt tơdrong hơmet ming Tơdrong tơproh trong jang atŭm ăn thĭ xăh Buôn Hồ, dêh char Đắk Lắk truh sơnăm 2045.

VOV4.Bahnar - Tơdrong pơgơ̆r “Khei gơih jên mong vang tơgŭm yoa bơngai tơnuh” tơ̆ dêh char Lâm Đồng vang tơgop mong akŏm đei jên hu, pơm lăp roi ‘lơ̆ng ƀiơ̆ tơdrong ‘meh vă tŏk iŏk jên đơng bơngai tơnuh. Đơ̆ng rŏng hlŏh 1 giĕng tơlĕch tơdrong gơih jên mong yoa bơngai tơnuh, Anih mong jên tơgŭm ăn tơpôl dêh char Lâm Đồng iŏk đei 67 ti hlak jên. Tơdrong ‘nâu tŏk bŏk đei tơlĕch jang tơ̆ jơ̆p tơring lơ̆m dêh char Lâm Đồng, sơng đei lơ bơngai vang tơgŭm.

VOV4.Bahnar - Pơgê năr 11/3, tơ̆ Hnam Kuô̆k hô̆i, Đảng Khul rim hơnih bơ̆ jang Trung ương, khul Đảng Hơnih bơ̆ jang Kuô̆k hô̆i hlôi pơgơ̆r Pơm lêh pôk ăn Huy hiệu 40 sơnăm jang Đảng ăn Kơdră chĕp pơgơ̆r Kuô̆k hô̆i Vương Đình Huệ.

VOV4.Bahnar - Jĭ mĭnh dêh char đei lơ kon kông hơrih sa (hăm hloh 63%), 9/11 tơring, thĭ trân tơnap tap hloh, Hơnih Đảng apŭng Lăk, dêh char Dak Lăk ling lang sơkơ̆t hơdăh bơ̆ jang atŏk tơ iung đảng viên tơring kon kông ‘noh tơdrong jang hơnơ̆ng, kăl hloh. Mĭnh đảng viên ‘noh mĭnh ‘nu bơngai kăl, pơm jŭk yŭk trong hơlau, yak hơlau lơ̆m rim tơdrong jang pơting dih băl tơgop tơ iung pơjing khul chinh trĭ tơring pran kơtang.

VOV4.Bahnar - Pơgê năr 11/3, Kơdră chĕp pơgơ̆r Hơnih tơm vei lăng Mŭk drăm bri brăh păng Cham char Đặng Quốc Khánh bơ̆ jang tơ̆ dêh char Gia Lai găh pơtôch jang kiơ̆ bơ̆ jang vei lăng mŭk drăm bri brăh păng cham char.

VOV4.Bahnar - Lơ̆m ‘măng năm tơmang teh đak New Zealand, Thủ tướng Phạm Minh Chính pơma dơnuh hăm Kơdră chĕp pơgơ̆r Kuô̆k hô̆i New Zealand Gerry Brownlee.

VOV4.Bahnar – Kơsơ̆ năr 11/3, tơ̆ Anih jang Jơnŭm pơgơ̆r teh đak, Kơdră teh đak bơ̆n Võ Văn Thưởng sơng Kơdră Viê̆n Kiêm sat Mông Cổ Jargalsaikhan Banzragch tŏk bŏk oei tơmang păng pơm jang tơ̆ Việt Nam.

VOV4.Bahnar – Kơsơ̆ năr 11/3, Ƀô̆ trương Anih tơm vei lăng Mŭk drăm Cham char Đặng Quốc Khánh atŭm hăm khul kơpal hlôi pơm jang tơ̆ dêh char Đăk Lăk gah tơdrong jang vei lăng đơ̆ng Jơnŭm pơgơ̆r teh đak gah mŭk drăm cham char.

VOV4.Bahnar - Lơ̆m ‘măng năm hơpong tơ̆ New Zealand, gơmăng ‘năr 10/3, Thủ tướng Phạm Minh Chính tơƀâp kăn ƀô̆, bơngai jang tơ̆ Anih tang măt păng tơpôl bơngai Việt Nam tơ̆ New Zealand.

VOV4.Bahnar -  Jơnei Buôn Ma Thuột năr 10/3/1975 mơ̆t lơ̆m chăl sơnăm khul ƀô đô̆i lơ̆m iung tơblăh vei lăng Teh đak, hăm tơdrong gĭt kăl au ‘noh pơih trong ăn ‘măng Iung tơblăh tih puih mak sơnăm 1975, pơm rơngei tơring pơbăh păng teh đak rơngei keh kong. Đơ̆ng mĭnh thĭ xah iĕ ioch, Buôn Ma Thuột roi năr roi tơplih ‘nao lăng truh jing pơlei tơm rơgoh ‘lơ̆ng-gơ̆h hơgei, hơdrin jing Hơnih kơdrơ̆m tơm tơring Tây Nguyên.