VOV4.Bahnar - Lơ̆m ‘măng năm bơ̆ jang tơ̆ Nghệ An, kơsơ̆ brei, 16/1, tơ̆ apŭng Nam Đàn, Kơdră teh đak Võ Văn Thưởng păng khul jang plang pơyơ̆r pơkao, sŏh hlôt nhang ƀlŏk hơdơ̆r kơ Ƀok Hô tơ̆ Anih soi Chung Sơn – Hnam soi kơ hơdrĕch Ƀok Hô păng tơ̆ Anih gru groa so gĭt kăl tĕh đak Kim Liên.

VOV4.Bahnar - Lăp đơ̆ng rŏng truh tơ̆ Davos, Thụy Sỹ, Thủ tướng Phạm Minh Chính păng kơdră kơpal Việt Nam hlôi pơma đam hăm dôm anih mơdro sa jơ̆p plei teh găh jang hơdai hơtŏk tơiung AI (tơdrong gơh hơgei pơm kơdih), kơmăy kơmŏk ôtô, chip bán dẫn păng tơmam kơmăy kơmŏk nai.

VOV4.Bahnar - Kơsơ̆ năr 15/1, tơ̆ pơlei tơm Phú pQuốc, dêh char Kiên Giang, Tơring 5 Ƀô̆ đô̆i đak dơsĭ tơƀơ̆p muh măt khul kơdră tang măt năm ngôi, hmach Têt ăn ƀô̆ đô̆i păng kon pơlei rim achon dơsĭ Tây Nam.

VOV4.Bahnar - Tết Nguyên Đán Giáp Thìn 2024 vă truh bơih, tơdrong vei lăng măh mai tơmam păng vei sơđơ̆ng kơjă tĕch ‘nŏh jĭ tơdrong tôch gĭt kăl đei dôm anih tơring, anih tĕch mơdro tơ̆ dôm dêh char lơ̆m tơring Tây Nguyên kơchăng tơlĕch jang vă pơm lăp hăm tơdrong ‘mĕh vă răt yoa tơmam đơ̆ng kon pơlei. 

VOV4.Bahnar – Pơgê năr 16/1 Thủ tướng teh đak bơ̆n Phạm Minh Chính păng hơkăn ƀok, atŭm hăm Khul Kơpal tang măt ăn Việt Nam pơtơm năm Hop akŏm kiơ̆ sơkơ̆t rim sơnăm ‘măng mă 54 kơ Hop akŏm Mŭk drăm apŭng plenh teh tơ̆ Davos, Thụy Sĩ, năm tơmang teh đak Hungary păng Romania.

VOV4.Bahnar - Mĭnh lơ̆m 4 tơdrong kăl đei pơma dơnuh tơ̆ hop akŏm au ‘noh Tơdrong vă pơjing Tơdrong tơchơ̆t găh mĭnh ƀar trong jang vă hơmet pơ ‘lơ̆ng tơnap tap, tơhlăk tơhlĭn,  atŏk kơtang jang kiơ̆ tĕnh koăng Tơdrong jang tơm teh đak.

VOV4.Bahnar - Pơgê năr 15/1, tơ̆ pơlei tơm Hồ Chí Minh pơgơ̆r hop akŏm tơbăt tơdrong pơgơ̆r “Puih mak pơlei pơla” sơnăm 2024, kơ yuơ Kơ iĕng Kơdră Hơnih tơm jang tơbôl Lê Thị Thu Hằng hăm Kơ iĕng Kơdră chĕp pơgơ̆r Hơnih vei lăng kon pơlei kơ pơlei tơm Hồ Chí Minh Võ Văn Hoan chĕp pơgơ̆r.

VOV4.Bahnar - Tơ̆ jơ bơ̆jang hăm Grŭp jang Ŭnh điên Việt Nam (EVN) âu ki, Thủ tướng Phạm Minh Chính chih iŏk, pôk pơ ư jơnei mă Grŭp jang hlôi iŏk đei lơ̆m sơnăm 2023.

VOV4.Bahnar - Năr ‘nâu (15/1), Quốc hội jăl XV pơih pơgơ̆r Hop akŏm ưh ê ‘măng mă 5. Tổng Bí thư Nguyễn Phú Trọng păng lơ kơdră chĕp kơ̆l Đảng, Teh đak vang akŏm ƀât ƀlŭng jơ Hop akŏm âu, Quốc hội vă set hơlen păng tơchơ̆t ăn 4 tơdrong tôch gĭt kăl.  

VOV4.Bahnar - ‘Năr 14/1, tơ̆ pơlei tơm Buôn Ma Thuột, Anih pơgơ̆r krao hơvơn plang song pham tơgŭm dêh char Dak Lak jang hơdai hăm anih pơgơ̆r tơdrong jang plang song pham tơgŭm năr pơh ƀrê.