VOV4.Bahnar - Kơsơ̆ ‘năr 26/9, tơ̆ plt Kon Tum, Khul tang măt ăn 2 dêh char Kon Tum păng Chăm-pa-sắc (tĕh đak CHDCND Lào) pơgơ̆r hơlen năng rim tơdrong jang hơdoi lơ̆m khei ‘năr âu ki păng kĭ pơkăp hla ar jang hơdoi tơ̆ hơnăp kơnh. 

VOV4.Bahnar - Đơ̆ng blŭng sơnăm truh dang ei, kon pơlei tơ̆ apŭng sơlam Đức Cơ, dêh char Gia Lai đĭ pơjao ăn khul linh công an văjê̆ 70 tong phao kip đơ̆ng kơdih pơm kŭm hăm lơ tơmam đôh. Khul linh công an hơnơ̆ng jang hơdoi hăm dôm anih jang kơpal, khul grŭp tơpôl chă roi tơbăt, krao hơvơn kon pơlei lê̆ pơm phao, chĕp vei, iŏk yoa phao kơtoang krê hơmơt vă vei lăng ‘lơ̆ng tơdrong sơđơ̆ng. 

VOV4.Bahnar - Gơmăng  26/9, Phŏ Kơdră teh đak, Kơdră Jơnŭm Anih mong jên tơgŭm hơioh Việt Nam Võ Thị Ánh Xuân hlôi vang akŏm gơmăng rang khei pơnil, asong tơmam ăn kơ đe hơioh tơ̆ apŭng Ea Hleo, dêh char Dak Lak.

VOV4.Bahnar - Tơ̆ Anih jang Thủ tướng, lơ̆m jơ năr năm ngôi, bơ̆jang tơ̆ Bulgaria, ƀok Kơdră Kuôk hô̆i Vương Đình Huệ hlôi pơma dơnuh hăm Thủ tướng Bulgaria Nikolai Denkov.

VOV4.Bahnar - Pơgê 26/9, tơ̆ Anih jang kơdră teh đak, ƀok Kơdră teh đak Võ Văn Thưởng sơng dôm Bơngai tang măt dôm teh đak Bulgaria, khŭl tang măt Jơnŭm châu Âu (EU), Phalăng păng Kazakhstan truh pơtruh hla ar kơ thơ teh đak.

VOV4.Bahnar – Pơgê ‘năr brei (26/9), lơ̆m ‘măng năm tơmang păng bơ̆ jang tơ̆ Việt Nam, Kơdră Kuôk hô̆i teh đak Cuba Esteban Lazo Hernandez hlôi truh tơmang Anih gru gra hnưr hơrih kơ teh đak Đôi bờ Hiền Lương - Bến Hải păng Anih jang Kĕch mang khei năr adrol ki kơ teh đak Cộng hòa miền Nam Việt Nam tơ̆ dêh char Quảng Trị.

VOV4.Bahnar – Lơ̆m ‘măng năm tơmang teh đak Cộng hòa Liên bang Brazil, tơ̆ anih tơm Brasilia, Thủ tướng teh đak bơ̆n Phạm Minh Chính hlôi sơng Kơdră Khul Ngĭ sih jang tơbôl Brazil-Việt Nam Márcio Honaiser păng dôm ngĭ sih vang jang nai.

VOV4.Bahnar - Vă pơm dă ƀiơ̆ đei răm đơ̆ng teh tơdrut hơlih, đak lơ̆p pơm ăn kơ yuơ đơ̆ng ‘mi tih, rim tơring, mă kăl rim apŭng găh hơlĕch, hơlĕch tu dêh char tŏk bŏk akŏm tơlĕch jang rim trong jang tang găn hơlau tơjră tang găn ‘mi kial hơbut hơbông.

VOV4.Bahnar - Lăp đơ̆ng rŏng pơm lêh sơng, Kơdră chĕp pơgơ̆r Kuôk hô̆i Vương Đình Huệ pơma đam hăm Kơdră chĕp pơgơ̆r Kuô̆k hô̆i Bulgari.

VOV4.Bahnar - Pơgê 25/9 kiơ̆ jơ tơ̆ tơring, Kơdră tơm tĕh đak Brazil Luiz Inacio Lula da Silva pơgơ̆r lêh sơng Thủ tướng Phạm Minh Chính, đơ̆ng rŏng kơ lêh sơng, Thủ tướng Phạm Minh Chính hlôi pơma đam hăm Kơdră tơm Brazil.