VOV4.Bahnar - Lơ̆m tơdrong jang tơƀơ̆p tơbôl Khŭl lĭnh vei lăng tơring sơlam Việt Nam- Lào- Campuchia ‘măng mă I, Khŭl bơ̆jang kơ Anih tơm vei lăng khŭl lĭnh Việt Nam yua đơ̆ng Thiếu tướng Hoàng Hữu Chiến, Phŏ yŏng lĭnh, kơdră jang tơgŭm kơ Anih tơm pơgơ̆r Ƀô̆ đô̆i vei lăng tơring sơlam Việt Nam pơm kơdră khŭl hlôi pơjao tơdrong jang ming man anih jang khŭl lĭnh vei lăng tơring sơlam 541 ăn kơ Anih tơm pơgơ̆r khŭl lĭnh dêh char Attapư.

VOV4.Bahnar -  Lơ̆m jơ năr năm bơ̆jang vang truh Hop akŏm tih Kơdră Kuôk hô̆i 3 teh đak Campucahia, Lào păng Việt Nam, năm ngôi păng bơ̆jang tơ̆ Lào, Kơdră Kuôk hô̆i Vương Đình Huệ păng bơngai tang măt gĭt kăl Kuôk hô̆i Việt Nam hlôi truh tơmang tơ̆ Hnam pơgang Apŭng plĕnh teh La Vie tơ̆ anih tơm Viêng- Chăn.

VOV4.Bahnar - Pơgê brei, 5/12, Khul kơdră chĕp kơ̆l Đảng ƀô̆ dêh char Gia Lai pơgơ̆r hop akŏm ‘măng mă 14 (pơih xă) hơlen năng dôm tơdrong jang lơ̆m sơnăm 2023 păng tơlĕch lơ tơdrong jang kiơ̆ hơnăp jang đơ̆ng kơdih.

VOV4.Bahnar - Pơgê brei (5/12), Khul jang đơ̆ng Anih tang măt ăn Mi tơ̆ plt Hồ Chí Minh bơ̆ jang hăm kơdră chĕp kơ̆l dêh char Đắk Lắk vă hơlen năng dôm tơdrong mă 2 păh vă jang hơdoi tơ̆ hơnăp kơnh. 

VOV4.Bahnar - Bơ̆jang kiơ̆ Hla ar pơkăp đơ̆ng Đảng Cộng sản Việt Nam păng trong pơkăp bơ̆jang đơ̆ng Anih jang Đảng dêh char, ‘năr brei (5/12), tơ̆ pơlei tơm Kon Tum, Khŭl chĕp kơ̆l pơgơ̆r Anih jang Đảng dêh char Kon Tum pơgơ̆r Hop akŏm ‘măng mă 14 Khŭl chĕp kơ̆l pơgơ̆r Đảng bộ dêh char jăl XVI pơih să.

VOV4.Bahnar - Bơ̆jang kiơ̆ tơdrong jang tơƀơ̆p pơma dơnuh hăm bơngai tăh hla đơ̆ng ‘măng hop akŏm mă  6, Kuôk hô̆i jăl XV, kơsơ̆ brei, 5/12, tơ̆ Pơlei tơm Đà Nẵng, Kơdră teh đak Võ Văn Thưởng păng Khŭl tang măt Kuôk hô̆i Pơlei tơm Đà Nẵng tơƀơ̆p pơma dơnuh hăm bơngai tăh hla Pơlei tơm.

VOV4.Bahnar - Drâm kơsơ̆ brei, 5/12, lơ̆m ‘măng năm bơ̆ jang tơ̆ Lào, Kơdră Quốc hội Vương Đình Huệ păng Khul tang măt ăn Quốc hội teh đak bơ̆n tơƀâp dôm bơngai tĕch mơdro Việt Nam tơ̆ Lào.

VOV4.Bahnar - Năm truh ‘măng tơbăt 79 sơnăm Năr pơjing Khul linh kon pơlei Việt Nam (22/12), ‘năr brei (5/12), Kơdră teh đak Võ Văn Thưởng năm hơpong păng bơ̆ jang hăm Anih chĕp kơ̆l khul linh Quân khu 5, tơring tôch gĭt kăl găh tơdrong jang chinh trĭ, mŭk drăm, vei sơđơ̆ng teh đak, jang tơbôl kơ tơring Tŏk bŏk – Tây Nguyên.

VOV4.Bahnar - Lăp đơ̆ng rŏng kơ ‘măng pơgơ̆r pơih blŭng Hop akŏm kơdră kơpal Kuôk hô̆i 3 teh đak Campuchia – Lào – Việt Nam ‘măng mă mônh, pơgê ‘năr 5/12, Kơdră Kuôk hô̆i Vương Đình Huệ hlôi đei ƀai iung pơma tơ̆ jơ hop akŏm đĭ đăng.

VOV4.Bahnar - Khul pơgơ̆r jang kơ tơring Tây Nguyên ‘nao pơgơ̆r hop akŏm ‘măng mă 2 găh tơdrong Tơprŏh hơmet trong jang ăn tơring Tây Nguyên đơ̆ng 2021-2030, trong vă jang truh sơnăm 2050. Hop akŏm tôch gĭt kăl vă bơ̆ jang đei yoa hơnăp jang đơ̆ng Khul pơgơ̆r jang kơ tơring, vang pơma nuh hơmet pơ ‘lơ̆ng dôm tơdrong oei tơhlăk, “chĭt găn” trong jang tŏk oei đei dang ei păng tơlĕch đon pơhnŏng, trong pơgơ̆r jang tơ̆ hơnăp kơnh; hơtŏk tơdrong jang hơdoi lơ̆m tơring, đơ̆ng tơring hăm dôm tơring nai vă gơ̆h tưk tơiung Tây Nguyên “Rơgŏh – ‘lơ̆ng hơiă – Kơjăp đunh”.