VOV4.Bahnar - Vă đei jơnei dôm tơchơ̆t hơtŏk tơ-iung mă Hop akŏm Anih jang Đảng dêh char 'măng mă 16, jăl jang 2020- 2025 tơlĕch, dôm jăl pơgơ̆r tơring, jơnŭm jang mŭk drăm păng kon pơlei lơ̆m dêh char Kon Tum hlôi adrin tơ-iung pơjing jên jang, hơvơn axong jang vă hơtŏk mŭk drăm – tơpôl hơtŏk tơ-iung.

VOV4.Bahnar - Ƀơ̆t Lêh Phâ̆t đản – Phâ̆t lĭch 2567 - Dương lịch 2023, pơgê năr (31/5), khul pơm jang kơ Tĭnh wi, Jơnŭm jang vei lăng kon pơlei, Anih jang vei lăng kon pơlei, Anih jang Măt trâ̆n tôh kuôk Việt Nam dêh char Đăk Lăk hlôi truh apong, thơ thâu hơ-iă hăm Jơnŭm pơgơ̆r Yăo hô̆i Phâ̆t yăo Việt Nam dêh char păng dôm tơring kiơ̆ khop Phâ̆t

VOV4.Bahnar – Tơ̆ Anih tơm Suva, Kơdră jang tang măt ăn Việt Nam tơ̆ teh đak New Zealand Nguyễn Văn Trung, adoi jang tang măt tơ̆ 3 teh đak tơring pơbăh Thái Bình Dương hlôi pơtruh kơtho iŏk jang tang măt đơ̆ng Kơdră teh đak bơ̆n Võ Văn Thưởng ăn kơ ƀok Kơdră teh đak Fiji Ratu Wiliame Maivalili Katonivere.

VOV4.Bahnar - Kơ sơ̆ 30/5, Thủ tướng Phạm Minh Chính năm ngôi păng asong tơmam ăn đe oh hŏk tro Anih tơgŭm hơtŏk tơiung pơtho pơhrăm mơ̆t hơdai hăm tơpôl găh Hnam trưng Cao đẳng sư phạm Trung ương păng Hnam trưng phổ thông đơ̆ng kon pơlei pơjing Hermann Gmeiner Hà Nội.

VOV4.Bahnar - Pơgê 30/5, tơ̆ Anih jang kơ Ƀok Kơdră tĕh đak, Kơdră tĕh đak bơ̆n Võ Văn Thưởng tơƀâp khul 70 ‘nu bơngai tang măt đei kŏng kơ dêh char Vĩnh Long ‘nŏh jĭ đe linh jĭ rơka, linh jĭ jăn, bơngai đei hơyăt rôp phak sơ̆, bơngai răm đơ̆ng pơgang dioxin, kơ tum kơ tŏng ‘nhŏng ŏh linh lôch tang tĕh đak păng unh hnam bơngai đei kŏng.

VOV4.Bahnar - Phŏ Kơdră tĕh đak Võ Thị Ánh Xuân chơt hơiă sơng Khul tang măt ăn Anih Mặt trận Tơguăt mĭnh ƀơ̆r đon jang atŏk tơiung tĕh đak Campuchia.

VOV4.Bahnar - Anih tơm vei lăng găh pơtho pơhrăm tơbăt, pơ đĭ 6 ‘nu hŏk tro Việt Nam vang set jơ nei pơlong Olympic Tin học Châu Á Thái Bình Dương sơnăm 2023 tă kơ iŏk đei ‘mê đai, lơ̆m noh đei 4 Mê đai Hu păng 2 Mê đai kong.

VOV4.Bahnar – Tơ̆ pơlei tơm HCM, Anih jang vei lăng kon pơlei dêh char Hậu Giang, Bình Định, Anih jang vei lăng kon pơlei pơlei tơm Thủ Đức păng Jơnŭm jang Tin hŏk pơlei tơm HCM hop akŏm hla bar tơroi Giĕng lêh NASA tơ̆ Việt Nam- Vietnam Space Week, âu jing 'măng mă blŭng Giĕng lêh NASA đei tơlĕch jang tơ̆ minh teh đak tơring Đông Nam Á.

VOV4.Bahnar – Kơsơ̆ năr 29/5, tơ̆ Anih jang kơ Jơnŭm pơgơ̆r teh đak, Phŏ Thủ tướng Trần Hồng Hà xơng Ƀô̆ trương Anih tơm Kŏng ngê̆ păng Tơroi tơbăt Lào Boviengkham Vongdara, atŭm hăm khul kơpal tŏk bŏk oei tơmang păng bơ̆ jang tơ̆ Việt Nam.

VOV4.Bahnar -  Tơ̆ pơlei tơm Kon Tum, Hơnih chĕp pơgơ̆r 35 Dơnŏ anih Đảng dêh char Kon Tum pơgơ̆r Hop akŏm hŏk pơhrăm găh vei lăng năng tông trong jang jơhngơ̆m đon kơ Đảng sơnăm 2023.