VOV4.Bahnar - Ƀlep ƀơ̆t tơbăt 79 sơnăm năr pơjing Khŭl lĭnh kon pơlei Việt Nam, ‘năr 21/12, Phŏ kơdră teh đak Võ Thị Ánh Xuân hlôi năm ngôi păng pơlung khŭl lĭnh ƀô̆ đô̆i Sơn La.

VOV4.Bahnar - Lơ̆m jơ năr Hop akŏm jang tơbôl ‘măng mă 32, drơ̆m kơ sơ̆ 21/12, Kơdră Kuôk hô̆i Vương Đình Huệ hlôi sơng păng bơ̆jang hăm Khŭl kơdră dôm anih jang tang măt Việt Nam tơ̆ teh đak đe.

VOV4.Bahnar - Pơgê 21/12, tơ̆ Hà Nội, Thủ tướng Phạm Minh Chính truh akŏm păng iung pơma nơ̆r pơtho lơ̆m Hop akŏm atŭm găh jang tơbôl mŭk drăm pơvih ăn tơdrong jang tŏk kơ teh đak đei pơgơ̆r lơ̆m Hop akŏm jang tơbôl ‘măng mă 32.

VOV4.Bahnar - Ƀlep ƀât tơbăt 79 sơnăm Năr pơjing Khul linh kon pơlei Việt Nam (22/12), pơgê brei (21/12), tơ̆ Hà Nội, Kơdră teh đak Võ Văn Thưởng năm ngôi, bơ̆ jang tơ̆ Lữ đoàn K3, Tổng cục II – Anih tơm vei lăng khul linh teh đak.

VOV4.Bahnar - Pơgê hrôih 21/12, ‘măng păr tơpăt đơ̆ng Seoul (Hàn Quốc) truh tơ̆ Đà Lạt (Lâm Đồng) hlôi păr jur tơ̆ cham gre păr Liên Khương ƀơ̆t kơ plăh 3jơ pơgê, pơih blŭng ăn trong păr tơƀưh đơ̆ng Seoul- Đà Lạt hăm kơ sô̆ păr 7 ‘măng brŏk năm lơ̆m 1 giĕng.

VOV4.Bahnar - Kơsơ̆ năr 20/12, Kơ iĕng Thủ tướng Trần Lưu Quang vang năm păng iung pơma pơrô̆ Hop akŏm trư̆k tuyên lơ̆m teh đak pơtôch tơdrong jang sơnăm 2023 păng tơlĕch tơdrong jang sơnăm 2024 kơ Hơnih jang Nội vụ.

VOV4.Bahnar - Jang kiơ̆ tơdrong bơ̆ jang sơnăm 2023, pơgê năr 20/12, Hơnih chĕp pơgơ̆r 35 Trung ương pơgơ̆r Hop akŏm lơ̆m lơ̆m teh đak pơtôch 5 sơnăm tơlĕch jang kiơ̆ Tơdrong tơchơ̆t kơsô̆ 35 đơ̆ng Hơnih tơm Chinh trĭ jăl jang XII găh “Atŏk kơtang vei lăng năng tông jơhngơ̆m đon ‘lơ̆ng kơ Đảng, iung tơjră tang găn rim tơdrong glăi, pơm nhoi tơblĕk lơ̆m chăl hle” păng pơtôch bơ̆ jang sơnăm 2023, tơlĕch jang lơ̆m tơdrong jang sơnăm 2024. 

VOV4.Bahnar – Pơgê ‘năr brei (20/12) tơ̆ Hà Nội, Đảng uy Kŏng an Trung ương pơgơ̆r Hop akŏm sơkơ̆t tơdrong jang, hơlen lăng dơ̆ng tơdrong mă jơnŭm pơgơ̆r pơm kiơ̆ sơnong jang chĭnh trĭ sơnăm 2023; tơlĕch trong jang, sơnong jang ăn sơnăm 2024; sơkơ̆t tơdrong đei jơnei lơ̆m pơm kiơ̆ Tơchơ̆t kơsô̆ 12 đơ̆ng Anih tơm Chĭnh trĭ; tơgop nơ̆r gah dôm hla bar chih akŏm pơtruh ăn Hop akŏm Kŏng an jâ̆p teh đak ‘măng mă 79.

VOV4.Bahnar – Kơsơ̆ ‘năr brei (20/12), Thủ tướng teh đak bơ̆n Phạm Minh Chính năm hơpong păng pơm jang hăm Hŏk viê̆n Kuôk phŏng ƀơ̆t tơbăt 79 sơnăm Năr tơ-iung pơjing Khul linh kon pơlei Việt Nam, 34 sơnăm Năr Tôm kon pơlei vei sơđơ̆ng teh đak (22/12).

VOV4.Bahnar - Tơbăt 79 sơnăm Năr pơjing Khul Ƀô̆ đô̆i kon pơlei Việt Nam, 34 sơnăm Năr lêh Kon pơlei vang vei lăng teh đak, pơgê năr 20/12, tơ̆ pơlei tơm Đà Nẵng, Hơnih Đảng, Jơnŭm vei lăng kon pơlei, Hơnih vei lăng kon pơlei, Hơnih bơ̆ jang MTTQVN pơlei tơm Đà Nẵng pơgơ̆r tơƀơ̆p mŭh măt hloh 2.000 ‘nu yŏng, sỹ kuan Ƀô̆ đô̆i kơlong Đại tá, Thượng tá păng kơdră chĕp pơgơ̆r Trung đoàn păng hơtŏ năm tơ̆ kơpal.