VOV4.Bahnar - Kơ sơ̆ 4/6, tơ̆ Anih jang Trung ương Đảng, ƀok Tổng Bí thư Nguyễn Phú Trọng sơng kơdră chĕp kơ̆l Công đảng, Thủ tướng teh đak Australia Anthony Albanese năm tơmang tơ̆ Việt Nam.

VOV4.Bahnar – Pơrang covid-19 hlôi tang găn keh kong păng tŏk bŏk đei Jơnŭm pơgơ̆r jang kơ teh đak găh tang găn păng tơjră pơrang jĭ hơlen tơchơ̆t tơmơ̆t lơ̆m grŭp pơrang jĭ hmă, mă lei truh khei năr âu, dêh char Đăk Nông adoi tam mă keh đang tơdrong kla jên sa hơpăh hăm rim kang ƀô̆ jang pơgang vang tơjră pơrang jĭ.

VOV4.Bahnar - Năr 02/6, tơ̆ pơlei tơm Pakse, dêh char Champasak, tơring Pơbăh Lào, Kơdră chĕp pơgơ̆r Hơnih tang măt Việt Nam tơ̆ Pakse pơgơ̆r Pơm lêh pôk ăn tơmam drăm đơ̆ng Kơdră chĕp pơgơ̆r Kuô̆k hô̆i Vương Đình Huệ ăn kon pơlei Việt Nam tơ̆ 4 dêh char tơring Pơbăh Lào.

VOV4.Bahnar – Kơdră teh đak bơ̆n Võ Văn Thưởng 'nao kĭ pơkăp Tơchơ̆t tơgŭm tư phap lơ̆m tơdrong jang kon pơlei đơ̆ng Việt Nam păng Lào kiơ̆ pơkăl đơ̆ng Jơnŭm pơgơ̆r teh đak.

VOV4.Bahnar - Pơgê năr 2/6, Thủ tướng Teh đak Phạm Minh Chính hmach chơt hơ iă ăn rim ƀok soi phât, kon pơlei lui phật Việt Nam ƀlep lơ̆m jơ ‘năr Pơm lêh tih Phật đản Phật lịch 2567 - Dương lịch 2023 păng vang pơm lêh Phật đản tơ̆ hnam chua Quán Sứ, Hà Nội, hơnih bơ̆ jang kơ Trung ương khul Lui Phật Việt Nam.

VOV4.Bahnar - Pơgê năr 2/6, Khul drŏ kăn dêh char Đak Lăk pơgơ̆r blŭng a Năr khul drŏ kăn pơjing tơdrong jang dêh char Đak Lăk sơnăm 2023 hăm lơ tơdrong pơgơ̆r ‘lơ̆ng hơ iă. 

VOV4.Bahnar – Pơgê năr 2/6, tơ̆ Hà Nội, Phŏ Kơdră teh đak bơ̆n Võ Thị Ánh Xuân hlôi truh apong Hnam pơgang Nhi Trung ương păng axong tơmam ăn đe hơ-ioh jĭ jăn đei tơdrong hơrih tơnap tap ƀơ̆t Khei iung pơm jang Kơyuơ đe hơ-ioh Việt Nam.

VOV4.Bahnar – Đơ̆ng rŏng 14 xơnăm tơlĕch jang, kơlih lơ tơdrong mă pơnơ̆ dơ̆t teh hơlih ăh jih đak krong Pô Kô, pơnơ̆ găh Hlĕch, găn thĭ trâ̆n Đăk Glei, apŭng Đăk Glei, dêh char Kon Tum ataih jê̆ 2km truh dang ei adoi oei lơ tơhlăk tơhlĭn kăl tenh kuăng hơmet ming adrol kơ pơyan 'mi kial đak hơbông truh.

VOV4.Bahnar - Khŭl vei lăng tơdrong pơm tơm đe hơioh păng vei lăng tơgŭm bơngai jo jăn dêh char hlôi tơgoăt hơdai, sơng iŏk jên, tơmam đei kơ jă 3,8 ti hlak jên đơ̆ng dôm grŭp jang, anih mơdro sa, bơngai đei jơhngơ̆m đon ‘mêm mơ nat vă pơgơ̆r dôm tơdrong jang vei lăng ăn hloh 10.600 ‘nu jo jăn păng hơioh đei arih sa mơmat tat.

VOV4.Bahnar - Gô đei 16 khŭl tơpôl, bơngai hơgei ăn tơdrong hơdrin, hơ pơi ‘meh yak tŏk, yak hloh rim tơdrong mơmat tat, ling lang plang jơhngơ̆m yua kơ tơdrong arih sa tơ pôl gô đei pơjao tơmam hơpăh Ang hơdăh Việt Nam gơmăng ‘năr 4/6/2023 tơ̆ Hà Nội.