VOV4.Bahnar – Đơ̆ng tơdrong jang pơtăm ‘long xa plei tĕch tơlĕch tơ̆ dêh char Tiền Giang hlôi đei lơ um ai bơngai jang mir pơm jang rơgei. Hăm tơchơ̆t khŏm mă pơ-‘nam pơm jang, hơbĕch hơbal lơ̆m pơm jang, đei lơ bơngai jang mir hlôi jing pơdrŏng. Đảng viên Lê Văn Thủy jing minh um ai pơtih ăn tơdrong jang hơgei âu.

VOV4.Bahnar - Kơdră tĕh đak bơ̆n ƀok Võ Văn Thưởng ‘nao pơtôch ‘lơ̆ng hơiă ‘măng năm pơm Lêh tŏk pơm ƀok Pơtao kơ ƀok Pơtao tĕh đak Anh Charles III đơ̆ng ‘năr 4 truh ‘năr 6/5/2023.

VOV4.Bahnar – Tơring teh Tây Nguyên đei lơ hơdrung bơngai kon kông atŭm hơrih jang xa, hăm tơdrong joh ayŏ kăp gĭt. Atŭm hăm noh, cham char 'lơ̆ng rŏ, hơyuh plenh xơđơ̆ng, hơvơn lơ tơmoi truh tơmang, pơdơh pơdei. 'Nâu jing tơdrong hiôk vă rim tơring teh lơ̆m tơring Tây Nguyên hơtŏk jang tơmang pơhiơ̆ tơpôl pơlei pơla.

VOV4.Bahnar - Kơsơ̆ 05/5, tơ̆ Anih jang Khŭl kơdră teh đak, Thủ tướng Phạm Minh Chính hlôi sơng ƀok Nikai Toshihiro, Kơdră Khŭl nghị sĩ jang tơbôl Nhật – Việt păng dôm bơngai jang kơ Khŭl kơdră chĕp kơ̆l Khŭl.

VOV4.Bahnar - Vă ‘măng thi tốt nghiệp THPT sơnăm 2023 iŏk đei jơnei ‘lơ̆ng hlŏh, anih pơtho pơhrăm dêh char Dak Lak oei hơmet pơ ‘lơ̆ng rim tơdrong đei ƀơm truh ‘măng thi.

VOV4.Bahnar - Tơ̆ Anih tơm London, Kơdră tĕh đak Võ Văn Thưởng truh ngôi tơ̆ Anih ‘măn răk tơmam kơ tĕh đak Anh – Anih đei ư hơnhang lơ̆m jơhnơr arih, jĭ anih mă Karl Marx, Friedrich Engels, Lenin kŭm hăm lơ bơngai đei đon tơchĕng tih truh bơ̆ jang păng tơchĕng hơlen sơ̆.

VOV4.Bahnar – Pơtơm kơ tơdrong vang năm akŏm Lêh tŏk pơgơ̆r kơ Ƀok Pơtao teh đak Anh Charles Đê̆ tam tơ̆ teh đak Anh, kơsơ̆ măng năr 5/5, kiơ̆ jơ tơ̆ tơring, Kơdră teh đak bơ̆n Võ Văn Thưởng hlôi truh apong đe kang ƀô̆, bơngai jang tơ̆ Anih jang tang măt păng tơjrâ̆m kon pơlei Việt Nam tŏk bŏk oei hơrih jang xa tơ̆ teh đak Anh.

VOV4.Bahnar - Pơgê năr 5/5, tơ̆ hơnih bơ̆ jang Khul Kơdră Teh đak, Thủ tướng Teh đak Phạm Minh Chính pơm tơm ‘măng Hop akŏm Khul kơdră Teh đak khei 4 păng 4 khei blŭng sơnăm 2023.

VOV4.Bahnar - Kơ iĕng Kơdră Teh đak sơkơ̆t hơdăh Việt Nam păng UAE đei lơ tơdrong jang hơ iă gơ̆h jang hơdoi păng ‘meh vă rim Kŏng ty lăng hơlen tơmơ̆t jên jang rim tơdrong jang ŭnh hơyuh tơ̆ Việt Nam.

VOV4.Bahnar - Kiơ̆ tơchĕng hơdrol, đơ̆ng ‘năr 9-12/5 truh âu kơnh pơgơ̆r ‘măng hop akŏm 23 kơ Anih chĕp kơ̆l pơgơ̆r Kuôk hô̆i, tơgop nơ̆r lơ̆m lơ tơdrong gĭt kăl, lơ̆m noh đei set hơlen, pơdrơ̆ng kiơ̆ hla ar chih ming Tơdrong tơchơ̆t găh tơdrong proh hơmet dôm anih jang hành chính tơ̆ apŭng, tơ̆ xăh lơ̆m jăl jang 2023-2030.