VOV4.Êđê- Bi hgŭm pla mjing kluôm ti čar Dak Nông dôk mjing dŭm krĭng pla mjing hŏng hdră ngă bruă rơ̆ng hnơ̆ng tŭ jăk, đru mtrŭt mđĭ bruă lŏ hma đĭ kyar hluê hdră mrâo, hŏng boh tŭ yuôm h’ĭt kjăp.

VOV4.Êđê- Knơ̆ng bruă lŏ hma leh anăn mđĭ kyar krĭng ƀuôn sang čar Dak Lak mâo mâo hră mơĭt kơ Anôk bruă răng mgang ana pla mjing brei đru kơ bruă ksiêm dlăng klei mnơ̆ng ngă hŏng durian ti alŭ wăl wưng pla mjing thŭn 2023.

VOV4.Êđê-Mđĭ kyar bruă duh mkra êpul lu, mkŏ mjing dŭm krĭng mnơ̆ng mkra mjing sa anôk, ba yua klei kreh knhâo mđĭ hnơ̆ng jăk mnơ̆ng dhơ̆ng, mkŏ mjing lu klei bi kƀĭn mkŏ anôk bruă mnia blei hŏng ƀĭng ngă lŏ hma… anăn jing hdră čar Dak Nông dôk ngă čiăng mkŏ mjing mnơ̆ng dhơ̆ng lŏ hma, mđĭ kyar bruă lŏ hma klă sĭt jing sa kmeh gơ̆ng bruă duh mkra.

VOV4.Êđê- Aguah mbrue 27/7, Knơ̆ng bruă kreh knhâo čar Daklak mkŏ mjing pŏk klei mjuăt bi hriăm kơ bruă tui duah phŭn agha mnơ̆ng mkra mjing mơ̆ng dŭm êpul hgŭm bruă, anôk duh mkra hlăm čar.

VOV4.Êđê- Hdră grăp să sa mta mnơ̆ng dhơ̆ng OCOP đru mguôp yuôm bhăn hlăm klei đĭ kyar bruă duh mkra krĭng ƀuôn sang mơ̆ng dŭm alŭ wăl hlăm krĭng Lăn Dap Kngư. Hdră anei ăt jing hdră msir yuôm bhăn čiăng kơ dŭm să bi leh, mđĭ hnơ̆ng kčah mkŏ mkra krĭng ƀuôn sang mrâo.

VOV4.Êđê- Thŭn anei, Durian dưi ba čhĭ êlan phŭn truh kơ China, ênoh durian kčưm hlăm wưng hrui pĕ ti čar Dak Lak đĭ yuôm 1 blư̆ mkrah mkă hŏng thŭn dih. Hŏng hnơ̆ng boh mnga leh anăn ênoh čhĭ yuôm, wưng boh durian thŭn anei mĭn tĭng sa ba wĭt kơ ƀĭng ngă lŏ hma čar Dak Lak hnư hrui wĭt lu hĭn.

VOV4.Êđê- Dŭm thŭn giăm anei, phung knuă druh hlăm Đang dliê knŭk kna mkuôm York Đon, čar Dak Lak mđĭ ktang mjut mjing leh anăn pla ana čĭm phĭ čiăng mđĭ kyar ênhă dliê, mbĭt anăn mbha kơ mnuih ƀuôn sang krĭng phŭn mta ana êpul IIA anei čiăng pla leh anăn mđĭ kyar dliê kjăp, đru mguôp mđĭ hnơ̆ng luôm dliê, mđĭ lar lu mta mnơ̆ng hdĭp.

VOV4.Êđê- Dak Lak jing sa hlăm dŭm krĭng pla durian phŭn ti krĭng Lăn Dap Kngư. Êngao kơ đru ƀĭng ngă lŏ hma pla mjing tŭ dưn, bruă sang čư̆ êa leh anăn bryă djŏ tuôm ti alŭ wăl lŏ mđing kơ klei bhiăn mơ̆ng krĭng pla mjing, mbĭt anăn duah hdră msir ba čhĭ mnơ̆ng dhơ̆ng lŏ hma hŏng ênoh yuôm leh anăn kjăp.

VOV4.Êđê- Hŏng ai tiê kriê dlăng mâo hnơ̆ng čiăng jăk răng mgang anăn knăl sâm Ngọc Linh, čar Kon Tum bi liê giăm 12 êklai prăk blei kdrăp ksiêm dlăng DNA leh anăn bi mklă mta Saponin sâm Ngọc Linh. Khădah, kyua ka dưi thâo yua ênŭm kdrăp mrâo, ară anei bruă anei ti čar ăt dôk rŭng răng hŏng kdrăp masin mrâo mrang anei leh anăn ka thâo ôh hbĭl klei tŭ ksiêm dlăng djŏ hdră bhiăn.

VOV4.Êđê- Hruê mbruê 14/7, Êpul hgŭm durian Dak Lak mkŏ mjing leh klei kƀĭn trông mkŏ bruă ba čhĭ durian thŭn 2023.