VOV4.Êđê Mơ̆ng phung mâo klei khăp kơ klei kreh knhâo – mrâo mrang leh anăn mâo phŭn agha mơ̆ng Krĭng yŭ krông êa, thâo klă dŭm klei dleh dlan mơ̆ng ƀĭng ngă lŏ hma, Êpul phung mda asei mơ̆ng Sang hră gưl prŏng Công nghiệp ƀuôn prŏng Hồ Chí Minh mâo leh “Hdră êlan tur knơ̆ng bruă lŏ hma mtah” (ECO-HOUSE) kñăm đru kơ ƀĭng ngă lŏ hma.

VOV4.Êđê- Mâo nanao klei ksiêm dlăng, kreh kriăng hluê hriăm, djă pioh dŭm klei mrâo čiăng dưn yua hlăm klei ngă bruă ayŏng Kpă Meo, mnuih djuê ana Jarai ƀuôn Tung, să Ia O, kdriêk Čư̆ Prông, čar Gia Lai – jing gru hmô thâo bruă mkra mjing hŏng hnư hrui wĭt truh kơ 400 êklăk prăk hlăm grăp thŭn. Ară anei ñu jing gru hmô tlaih mơ̆ng klei ƀun ƀin.

VOV4.Êđê-Ară anei ti čar Dak Lak leh anăn kluôm krĭng Lăn Dap Kngư, ênhă pla mjing boh durian đi hmar, blă hĕ jih dŭm krĭng pla mjing kphê hlăm alŭ wăl. Ti lu ênhă pla luă, kphê mơ̆ng ana pla mjing phŭn jing hĕ ana pla mjing nah tluôn, mâo đa đa rŭ hĕ jih, bi arưm aram truh kơ bruă lŏ hma yuôm bhăn hĭn hlăm êdei anăp.

VOV4.Êđê- Hruê mbruê 27/4, ti čar Dak Lak, Êpul hgŭm kphê Ƀuôn Ama Thuôt mkŏ mjing leh klei kƀĭn trông “5 thŭn kphê jăk yâo Việt Nam ”.

VOV4.Êđê- Hlăm dŭm thŭn giăm anei, kyua klei găl mơ̆ng klei kuôl kă êngiê hŏng Ơ Rôp leh anăn klei pŏk mlar anôk ba čhĭ ti China, bruă čhĭ čên hruê̆ ti čar Gialai kjăp, leh anăn mđĭ hnơ̆ng ba čhĭ kơ ala tač êngao. Čêñ hruê̆ dưi mâo čar bi mklă jing mnơ̆ng dhơ̆ng lŏ hma phŭn ti Gia Lai, srăng mâo ênhă 20.000ha hlăm thŭn 2025.

VOV4.Êđê- Mđing duh bi liê bruă rông mnơ̆ng ba yua kdrăp mrâo, knŏng hlăm wưng bhiâo, čar Gia Lai mâo 46 hdră bruă dưi tŭ ư bi liê. Biădah leh dŭm hdră mâo bruă ngă dôk bi êdah lu klei kƀah msĕ si dưn lu klei dưi dưn ƀiădah mguôp prăk knŭk kna mkhư̆, klei tŭ dưn kơ ala ƀuôn ka lu, lu hdră bruă ngă čhŏ djhan wăl hdĭp mda.

VOV4.Êđê- Wưng hrui wiă mdiê yang Puih Mnga ti kdriêk Krông Knô, čar Dak Nông leh anăn kdriêk Krông Ana čar Dak Lak gôk găn hŏng klei ênguôt kyua dŭm êtuh ha mdiê asăr bô, hnơ̆ng boh mnga hrŏ ktang, đa đa mâo ênhă luč hơăi mang ƀiădah ka dưi bi klă phŭn agha.

VOV4.Êđê- Bruă rông hnuê čiăng kơ pô rông mâo klei kriăng, mâo klei thâo kơ klei đĭ hriê, đĭ kyar mơ̆ng hnuê leh anăn klei bhiăn, wưng mnga blang čiăng kơ mâo êa hnuê hluê si yan mnga.

VOV4.Êđê- Ară anei dôk hlăm wưng adiê không kƀah êa ti Lăn Dap Kngư. Bruă sang čư̆ êa leh anăn bruă djŏ tuôm dŭm čar hlăm krĭng dôk pŏk ngă dŭm hdră msir, đru kơ mnuih ƀuôn sang gang mkhư̆ klei kƀah êa kơ ana pla mjing.

VOV4.Êđê- Aguah mbrue 13/4, ti anôk bruă knŭk kna, Khua knŭk kna Phạm Minh Chính kiă kriê leh klei bi kƀĭn mtrŭt bruă duh mkra mnia mblei mnơ̆ng mơ̆ng dliê lehanăn hdang kan kơ ala tač êngao.