VOV4.Êđê- Hdră anei mđing kơ dŭm bruă djŏ tuôm kơ hdră mkŏ mjing bruă knŭk kna alŭ wăl 2 gưl, mđĭ boh tŭ hdră mă bruă mơ̆ng anôk bruă kđi čar nah gŭ

VOV4.Êđê- Aguah mbruê 15/6, ti sang Bruă Kƀĭn Ala, Khua bruă kƀĭn ala Trần Thanh Mẫn gĭt gai mmông blŭ hrăm bi wưng bi hdơr 100 thŭn hruê klei mrâo cách mạng Việt Nam hŏng akŏ “Klei kiă kriê, hdră êlan mđĭ kyar kơ bruă klei mrâo cách mạng Việt Nam.”

VOV4.Êđê - Đà Lạt, Lâm Đồng dŭm hruê akŏ yan mdei prŏng jing leh anôk jưh jơ̆ng jăk êdi kơ phung tuê hiu čhưn ênguê ti djăp krĭng kwar. Hŏng yan adiê êđăp drưm, lăn mnga êa mơak jăk siam, Đà Lạt dôk kkuh drông phung tuê hiu čhưn ênguê hŏng asăp blŭ tlao jăk ênang mơ̆ng mnuih ƀuôn sang ti krĭng ƀuôn prŏng čư̆ čhiăng, dŭm hdră tui ksiêm, mdei săn, mnơ̆ng ƀơ̆ng huă lehanăn dŭm tuôr hiu chưn dlăng hdră ngă lŏ hma jăk jĭn. Amâo djŏ dŭm anăn, dŭm hdră bi hgŭm hŏng ala tač êngao hlăk dưi pŏk mlar, boh nik hŏng dŭm ƀĭng hgŭm mơ̆ng Dhŭng Korea, Đà Lạt srăng jing anôk phŭn hdră hiu čhưn ênguê, mdei săn lehanăn duh bi liê jăk jĭn.

VOV4.Êđê - Hruê mbruê 12/6, ti sang bruă Khua lăn čar, Khua lăn čar Lương Cường mbĭt hŏng mô̆ nu gĭt gai knăm tŭ drông Khua mil čhil Litva Gitanas Nauseda leh anăn mô̆ gơ̆.

VOV4.Êđê - Leh Bruă kƀĭn ala bi mklă Hdră mtrŭn kơ bruă mkŏ dăp anôk bruă knŭk kna gưl čar - sa hdră êlan prŏng kñăm ngă djŏ klei čiăng mđĭ kyar hlăm wưng mrâo, phung bi ala kơ mnuih ƀuôn sang Lăn Dap Kngư bi êdah klei sa ai leh anăn klei čang hmăng kơ bruă hlue ngă tŭ dưn Hdră mtrŭn.

VOV4.Êđê - Hlăm jar nao čhưn leh anăn mă bruă ti Sweden, hruê 12/6, Khua knŭk kna Phạm Minh Chính nao čhưn leh anăn blŭ hrăm kơ hdră êlan ti Sang hră gưl prŏng bruă duh mkra Stockholm – sa hlăm dŭm sang hră mnia blei mrô sa krŏng Dưr Ơ Rôp leh anăn Baltic.

VOV4.Êđê - Mlan ngă bruă kyua phung hđeh thŭn 2025 hŏng akŏ “Mđing klei găl bi leh hdră kñăm kyua phung hđeh”, dŭm bruă djŏ tuôm čar Gia Lai leh anăn Dak Lak pŏk ngă leh lu hdră klă sĭt, ba kơ phung hđeh, boh nik hđeh krĭng taih kbưi, krĭng mnuih djuê ƀiă leh anăn phung hđeh mâo klei hdĭp dleh dlan sa anôk hdĭp êđăp ênang, jăk mơak, tŭ dưn.

VOV4.Êđê - Hruê mbruê 12/6, Khua knŭk kna Phạm Minh Chính leh anăn mô̆ ñu mbĭt hŏng Êpul bi ala gưl dlông mơ̆ng Việt Nam kčưm gưl nao čhưn ti Sweden hluê si klei iêo jak mơ̆ng Khua knŭk kna Sweden Ulf Kristersson .

VOV4.Êđê - Knơ̆ng bruă sang čư̆ êa čar Dak Lak mâo leh Hdră mtrŭn kơ bruă mkŏ mjing Êpul ngă bruă pral kñăm pŏk ngă bruă mprăp kơ klei ba yua klă sĭt mơ̆ng knŭk kna alŭ wăl gưl să, hlue si gru hmô knŭk kna alŭ wăl 2 gưl.

VOV4.Êđê - Hruê 12/6, hlăm jar bi kƀĭn bi hgŭm plah wah Anôk bruă mtrŭt mjhar mnia blei (Phŭn bruă tuh tia mnia blei) leh anăn anôk bruă mnia blei điện tử Alibaba.com, mkŏ mjing Klei bi kƀĭn lu ala čar grăp thŭn kơ klei ba čhĭ online hŏng akŏ “Ba mnơ̆ng dhơ̆ng Việt Nam ba čhĭ kluôm rŏng lăn” hŏng Knăm bi mni kơ Top 200 anôk bruă duh mkra êdah êdi hlăm Knưng mnơ̆ng ala čar Việt Nam wưng 2025 - 2026.