VOV4.Êđê- Aguah 18/2, Êpul gơ̆ng bruă ƀuôn sang čar Lâm Đồng gưl X, wưng thŭn 2021 – 2026 mkŏ mjing leh Klei kƀĭn tal 22 kơ hdră knuă druh, bi mklă hdră mtrŭn mkŏ mjing 6 Knơ̆ng bruă mrâo.

VOV4.Êđê- Tŭ klei iêo Jak mơ̆ng khua kiă kriê Sang phat mkra gưl dlông China Ying Yong, Êpul bi ala Anôk bruă phat mkra gưl dlông Việt Nam mơ̆ng Khua kiă kriê anôk bruă phat mkra yang ƀuôn gưl dlông Nguyễn Huy Tiến jing khua êpul mâo leh gưl nao čuă leh anăn mă bruă ti Bắc Kinh, China mơ̆ng hruê 17-18/2/2025.

VOV4.Êđê-Bruă 15 čô knuă druh êpul bruă Đảng čar Kon Tum kriê dlăng akâo mdei bruă êlâo kơ jih thŭn mă bruă mkŏ mjing klei găl kơ bruă hluê ngă hdră mtrŭn mơ̆ng gưl dlông mlih mrâo, mkŏ dăp phung mă bruă kđi čar.

VOV4.Êđê- Hlăm klei bi hgŭm hŏng ala tač êngao thŭn 2025, tlam (17/02), ti Hà Nội, sang hră ksiêm hriuăm kơ bruă kđi čar lăn čar Hồ Chí Minh mkŏ mjing leh klei bi tuôm lehanăn mă bruă hŏng khua bi ala knŭk kna Cu- ba ti Việt Nam.

VOV4.Êđê- Tlam mbrue (17/2), Khua knŭk kna Phạm Minh Chính drông čhưn leh Nagao Yutaka, Khua êpul grŭp Yamato Holdings, Japon hlăk hruiê čhưn lehanăn mă bruă ti Việt Nam.

VOV4.Êđê- Aguah 17/02, ti ƀuôn prŏng Hồ Chí Minh, Anôk bruă gĭt gai Êpul kahan 7 mkŏ mjing klei bi tuôm hŏng phung bi ala kơ knuă druh gưl dlông êpul lĭng kahan mdei jih thŭn mă bruă, mdei mă bruă hlăm Êpul wăl kahan akŏ thŭn 2025.

VOV4.Êđê- Hlăm dŭm thŭn giăm anei, bruă mđĭ kyar Đảng hlăm phung hđeh sang hră, phung hriăm gưl prŏng ti Dak Lak mâo klei bi mlih jăk. Lu phung êdam êra êdah êdi mâo mŭt Đảng hlăk êjai dôk hriăm hră, bi êdah klei thâo săng, klei thâo kđi čar leh anăn klei čiăng duh myơr kơ ƀuôn sang, lăn čar. Klei anei ăt brei ƀuh klei mđing uêñ êlam snăk mơ̆ng dŭm gưl bruă Đảng, sang hră leh anăn êpul bruă êdam êra hlăm bruă bi hriăm mbŏ phung mda asei.

VOV4.Êđê-Klei bi kƀĭn bruă Đảng dŭm gưl wưng mơ̆ng thŭn 2025-2030 truh kơ Klei bi kƀĭn phung bi ala kluôm ala tal XIV mơ̆ng Đảng jing klei kđi čar yuôm bhăn snăk kruăk knăl wưng đĭ kyar mrâo mơ̆ng lăn čar. Anei amâo djŏ knŏng jing gưl čiăng kơ kluôm Đảng, jih jang mnuih ƀuôn sang leh anăn lĭng kahan lŏ dlăg wĭt mơ̆ng klei ksiêm dlăng boh tŭ mâo leh leh anăn klei kƀah ƀiădah lŏ jing wưng mdưm tur kơ hdră êlan tă hdră mđĭ kyar lăn čar hlăm êuk mrâo. Kyua anăn, bruă mprăp leh anăn mkŏ mjing klei bi kƀĭn Đảng dŭm gưl brei dưi ngă hŏng ai tiê đua klam hĭn. Gưl bruă Đảng dŭm gưl brei kƀĭn gĭt gai bi kreh knhâo klă mngač leh anăn kjăp.

VOV4.Êđê- Dŭm mlan akŏ thŭn, bruă ba čhĭ mnơ̆ng kơ ala tač êngao mơ̆ng dŭm anôk bruă mnia blei mnơ̆ng dhơ̆ng lŏ hma ti Dak Lak mâo lu, ƀuăn srăng ba lu klei tŭ dưn jăk.

VOV4.Êđê- Aguah 17/2, K’iăng Khua knŭk kna Trần Hồng Hà drông leh Reha Denemec, K’iăng khua Êpul grup leh anăn mnia blei rŭ mkra IC ICTAS (Turki), Khua anôk bruă rŭ mkra leh anăn mkŏ dăp kdrăp mnơ̆ng hdră bruă sang tue dôk guôn hlăm tač êdeh phiơr Long Thành.