VOV4.Êđê- "pral bi leh bruă dăp phung khua kiă kriê, lehanăn mă bruă hŏng klei hơĭt kjăp, tŭ jing”. Anei jing klei Phua phŭn bruă ngă prăk bi êdah ti anôk bi kƀĭn hưn mdah hdră mtrŭn mơ̆ng knŭk kna kơ bruă čuăn, klei dưi, lehanăn bruă dăp wĭt mnuih mă bruă mơ̆ng Phŭn bruă ngă prăk.

VOV4.Êđê- Êpul anôk bruă hdră êlan hŏng ala tač êngao mơ̆ng anôk bruă kƀĭn ala Denmark, mâo Khua kiă kriê anôk bruă Michael Aastrup Jensen djă akŏ, hlăk hriê čhưn ti Việt Nam mơ̆ng hrue 3-6/3/2025.

VOV4.Êđê- Phŭn bruă kđi čar mrâo mâo hră bi mklă lui jih prăk hriăm hră kơ hđeh sang hră mơ̆ng gưl hđeh truh gưl tlâo knŭk kna hlăm kluôm ala. Wưng hlue ngă mơ̆ng akŏ thŭn 2025-2026 (jing mơ̆ng mlan 9/2025). Lu phung amĭ ama bi êdah klei mơak hŏng hdră êlan mrâo anei, kyua srăng đru bi hrŏ prăk bi liê hriăm hră kơ anak čô pô, boh nik hŏng dŭm gŏ sang ti krĭng ƀuôn sang, čư̆ čhiăng, klei hdĭp mda - ala ƀuôn adôk dleh dlan.

VOV4.Êđê- Jing să mâo 75% ênoh mnuih ƀuôn sang djuê ƀiă, mbĭt hŏng bruă mkŏ mjing, mđĭ kyar đảng viên, mkra mđĭ bruă kđi čar ƀrư̆ hruê ƀrư̆ kjăp ktang, hlăm dŭm thŭn êgao, bruă Đảng să Đinh Trang Thượng, kdriêk Di Linh, čar Lâm Đồng hrăm mbĭt hŏng mnuih ƀuôn sang hlăm klei mđĭ kyar bruă duh mkra leh anăn klei hdĭp. Êlâo kơ Klei bi kƀĭn bruă Đảng dŭm gưl, mđing kơ klei bi kƀĭn kluôm ala tal XIV mơ̆ng Đảng, phung đảng viên tinei lŏ dơ̆ng mđĭ lar bruă klam ba anăp bi hmô, gĭr hlue ngă tŭ dưn hdră kñăm bruă duh mkra - ala ƀuôn, mkŏ mjing ƀuôn sang trei mđao.

VOV4.Êđê- Hruê mbruê 3/3, Khua knŭk kna Phạm Minh Chính gĭt gai klei kƀĭn kơ bruă mprăp kơ klei kƀĭn bruă duh mkra Asi – Pacific thŭn 2027 ti ƀuôn prŏng phú Quốc, čar Kiên Giang.

VOV4.Êđê- Aguah 3/3, ti Hà Nội, Dhar bruă hdră êlan gưl dlông mkŏ mjing Klei bi kƀĭn pŏk ngă hdră mtrŭn mơ̆ng Phŭn bruă kđi čar, Anôk dlăng bruă Đảng kơ bruă knuă druh.

VOV4.Êđê- Găn 50 thŭn hluh lir ala čar, Krĭng kđông kahan kdơ̆ng mblah čar Dak Lak ênuk đưm (ară anei hlăm kdriêk Krông Bông, čar Dak Lak) ăt dôk kriê pioh kjăp dŭm knhuah gru hƀuê ênuk kdrưh kơăm. Hlăm wưng thŭn 1965-1975, tinei mkŏ mjing leh lu hdră bruă yuôm bhăn mơ̆ng bruă Đảng čar Dak Lak, jing anôk gĭt gai, jing anôk phŭn đru ai tiê, ba nao mnuih đru bruă, phung kahan hlăm kdrăn mblah kwar Dhŭng, mjing tur knơ̆ng kơ hdră mblah Ƀuôn Ama Thuôt, hruê 10/3, đru mguôp mjing hdră mblah tŭ dưi Yan mnga thŭn 1975, hluh lir ala čar. Mđing truh kơ knăm bi hdơr 50 thŭn hruê hdră mblah tŭ dưi Ƀuôn Ama Thuôt, mtlaih êngiê čar Dak Lak.

VOV4.Êđê- Tlam mbrue 2/3, Khua knŭk kna Phạm Minh Chính kiă kriê klei trông čhai hŏng phung duh mkra Ơrôp.

VOV4.Êđê- Kơiăng khua knŭk kna Nguyễn Hòa Bình mă leh bruă hŏng Êpul grŭp tuh tia mkra mjing Hdăng – Mnơ̆ng yuôm hlăm gŭ lăn Việt Nam, ti Sang maĭ Alumin Nhân Cơ, kdriêk Dak R’Lâp, čar Dak Nông.

VOV4.Êđê- Aguah mbruê 28/2, ti Knŏng gĭt gai lĭng kahan čar Dak Lak ti ƀuôn prŏng Ƀuôn Ama Thuôt mkŏ mjing knăm trŭn kơ bruă hriăm mjuăt thŭn 2025 leh anăn mtrŭt mjhar hdră bi lông ktưn “Bi pral – tŭ dưi”.