VOV4.Êđê- Lŏ dơ̆ng hdră bi tuôm hŏng mnuih ƀuôn sang êlâo kơ Klei bi kƀĭn tal 8, tlam hruê 30/9, Khua Anôk bruă kƀĭn ala Trần Thanh Mẫn bi tuôm hŏng 450 čô bi ala mơ̆ng ƀuôn prŏng Vị Thanh, čar Hậu Giang.

VOV4.Êđê- Tlam 30/9, ti ƀuôn prŏng Ƀuôn Ama Thuôt, čar Dak Lak mkŏ mjing Klei bi kƀĭn trông lu ala čar kñăm mđĭ klei thâo mơ̆ng phung knuă druh kơ hdră kriê dlăng knŭk kna hlăm bruă răng mgang mnuih blei yua.

VOV4.Êđê- Tlam mbruê 30/9, Khua knŭk kna Phạm Minh Chính gĭt gai klei kƀĭn knŭk kna hŏng Êpul gĭt gai hdră Mkŏ mjing Anôk bruă ngăn prăk tar rŏng lăn leh anăn alŭ wăl ti Việt Nam.

VOV4.Êđê- Hŏng giăm 17 êklăk čô mnuih, hlăm anăn mâo êbeh 7 êklăk čô dôk mă bruă mkra mjing, giăm 750 êbâo čô mă bruă hlăm Đảng, bruă sang čư̆ êa, mặt trận čar kwar… phung khua thŭn Việt Nam ngă leh, leh anăn dôk mđĭ lar knhuah gru “Thŭn khua bi hmô, thŭn knư̆ khua klei mĭn knư̆ kjăp” bi êdah nanao bruă klam hlăm djăp mta bruă mơ̆ng klei hdĭp mda ala ƀuôn. Ƀri hruê phung khua thŭn dlông rŏng lăn 1/10, pô čih klei mrâo Sang mđung asăp blŭ Việt Nam mâo leh klei êmuh Nguyễn Thanh Bình, Khua Êpul hgŭm phung khua thŭn Việt Nam kơ klei anei.

VOV4.Êđê- Wăt tơdah bi liê leh 3 êklai prăk čiăng rŭ mdơ̆ng, ƀiădah sang mnia să Ia Hla, kdriêk Chư Pưh, čar Gia Lai ăt lui huâng. Phung mnia blei ƀrư̆ hruê ƀrư̆ ƀiă ti sang mnia, nao mnia ti djiêu êlan ti dŭm anôk êlan ktlah mpă mâo lu mnuih mnia blei.

VOV4.Êđê- Hlue ngă hdră bi tuôm hŏng phung bi ala kơ mnuih ƀuôn sang êlâo kơ klei bi kƀĭn tal 8, Bruă kƀĭn ala gưl 15, aguah 30/9, Khua bruă kƀĭn ala Trần Thanh Mẫn leh anăn Êpul bi ala bruă kƀĭn ala čar Hậu Giang mâo leh mmông bi tuôm hŏng phung bi ala kơ mnuih ƀuôn sang ƀuôn prŏng Ngã Bẩy, kdriêk Phụng Hiệp, kdriêk Châu Thành và kdriêk Châu Thành A.

VOV4.Êđê - Hruê 29/9, Khua knŭk kna Phạm Minh Chính ksiêm dlăng leh hdră hrăm mbĭt lăm lui sang tĭ rưč ti čar Hòa Bình.

VOV4.Êđê - Mơ̆ng hrue 30/9 truh hrue 7/10/2024, Khua gĭt gai Tô Lâm nao čhưn kơ ala čar Mongol, Ireland, nao ti anôk bi kƀĭn gưl dlông dŭm ala čar blŭ klei Prăng tal 19 lehanăn nao čhưn kơ ala čar Prăng.

VOV4.Êđê - Leh knăm drông, Khua gĭt gai Đảng, Khua lăn čar Tô Lâm hŏng Khua gĭt gai Đảng tal sa, Khua ala čar Cuba Miguel Diaz-Canel Bermudez ngă khua êpul bi ala gưl dlông dua ala čar mâo klei bi trông.

VOV4.Êđê - Êbeh 300 čô bi ala jing phung hđeh êdah êdi mâo klei găl ngă bruă mgưt jing phung bi ala Bruă kƀĭn ala hlăm Klei bi kƀĭn lông ngă “Bruă kƀĭn ala phung hđeh”mkŏ mjing hlăm hruê anei (28/09).