VOV4.Êđê- Ti krĭng lăn dap kngư, ai êwa hruê nao mŭt kahan dôk mčhĭt mơuăt. Phung êdam êra hơ̆k kdơ̆k nao hriăm kahan, hlăm anăn mâo lu phung êdam êra mnuih djuê ƀiă jing đảng viên, phung sinh viên leh ruê̆ hriăm Gưl prŏng.

VOV4.Êđê- Hŏng akŏ “Ala čar kpưn đĭ”, hruê Klei Duê Việt Nam mâo Êpul hgŭm bruă Văn học Nghệ thuật čar Kon Tum mkŏ mjing hruê 12/2, mâo lu hdră mjing wăl anôk bi tuôm, mjĕ mjuk plah wah phung čih klei duê lehanăn khăp kơ klei duê.

VOV4.Êđê- Hiu čhưn hlăm lŏ hma jing hdră hiu čhưn mrâo lehanăn mâo klei jăk găl prŏng mơ̆ng Đà Lạt -Lâm Đồng, jak iêu lu phung tuê hiu čhưn ênguê nao dlăng lehanăn tui ksiêm. Khă snăn, kyua kpăk gun lu klei kčah mtrŭn, boh nik amâo brei rŭ mdơ̆ng dŭm hdră bruă ti lăn ngă lŏ hma ngă kơ hdră hiu čhưn anei dleh mâo boh kdrŭt lŏ đĭ kyar ktang hĭn. Hdră bhiăn Lăn ala thŭn 2024 mâo boh tŭ ba yua pŏk leh klei čang hmăng mrâo, đru kơ hdră hiu čhưn ngă lŏ hma mơ̆ng alŭ wăl anei mâo klei găl đĭ kyar kjăp hĭn hlăm wưng ti anăp.

VOV4.Êđê- Blŭ pŏk klei bi kƀĭn êngao hdră tal 9 (Bruă Kƀĭn Ala gưl 15) aguah mbruê 12/2, Khua bruă kƀĭn ala Trần Thanh Mẫn brei thâo, gưl kƀĭn anei mâo boh tŭ dưn yuôm bhăn, mjêč ksiêm dlăng, bi klă lu boh klei mjêč.

VOV4.Êđê- Hruê mbruê 12/2, Êpul khua bruă Đảng čar Dak Lak mkŏ mjing klei kƀĭn trông tal 29 (pŏk mlar). Mta phŭn mơ̆ng klei kƀĭn trông jing mkŏ wĭt Êpul khua bruă Đảng čar, hluê ngă bruă mkŏ dăp, bi khuăt mnuih mă bruă hlăm bruă kđi čar.

VOV4.Êđê- Bi trông ti êpul, Khua lăn čar Lương Cường mñă leh kơ mta kñăm mđing truh jing khuăt, ngă bruă tŭ dưn. Bruă mkŏ wĭt anôk bruă mrâo brei ngă bruă jăk hĭn, tŭ dưn hĭn.

VOV4.Êđê- Tlam mbrue 11/2, Khua knŭk kna Phạm Minh Chính kiă kriê leh klei bi kƀĭn mđĭ kyar bruă kreh knhâo kdrăp mrâo mlih mrâo hŏng klei knhêč, lehanăn mđĭ ênoh mnuih knhâo pioh mđĭ kyar bruă duh mkra.

VOV4.Êđê- Knơ̆ng bruă sang čư̆ êa čar Gia Lai mrâo ba mdah hŏng Êpul gơ̆ng bruă ƀuôn sang čar gưl 12, kơ klei dăp wĭt dŭm anôk bruă hlăm knơ̆ng bruă sang čư̆ êa čar, hlue hdră lui 5 knơ̆ng bruă mkŏ mjing mă 2 knơ̆ng bruă mrâo.

VOV4.Êđê- Hruê 11/2, hlăm jar nao hlăm Klei bi kƀĭn gưl dlông Knŭk kna dlông rŏng lăn ti Dŭm ala mtao Arap Hluh lir (UAE), K’iăng khua knŭk kna Bùi Thanh Sơn mâo leh klei bi tuôm hŏng K’iăng khua mil čhil UAE Mansour bin Zayed Al-Nahyan.

VOV4.Êđê- Mâo 40 gŏ êsei giăm ƀun, gŏ êsei ƀun djuê ana Sêdang ti 2 să Đăk Na leh anăn Văn Xuôi, kdriêk Tu Mrông, čar Kon Tum mâo đru amâo mă prăk 3.320 ana mjeh sâm Ngọc Linh pioh pla mđĭ kyar bruă duh mkra gŏ sang.