VOV.Êđê- Nguyễn Thanh Nghị, Khua hlăm Phŭn bruă kđi čar, Khua Anôk bruă hdră êlan, hdră bruă gưl dlông mrâo mă bruă hŏng Anôk dlăng bruă Đảng čar Dak Lak leh anăn hưn mdah boh tŭ ksiêm dlăng bruă hlue ngă 4 boh phŭn yuôm bhăn mâo: ba yua bruă sang čư̆ êa alŭ wăl dua gưl; hlue ngă klei kñăm đĭ kyar bruă duh mkra; pŏk nga Hdră mtrŭn mrô 57 mơ̆ng Phŭn bruă kđi čar; bruă ksiêm dlăng, dăp hnơ̆ng êpul bruă đảng, đảng viên leh anăn knuă druh gĭt gai, kriê dlăng.

VOV.Êđê- Knơ̆ng bruă sang čư̆ êa čar Lâm Đồng mrâo hưn mdah mkra mlih klei čuăl mkă čar wưng 2021-2030, hnơ̆ng trah dlăng truh thŭn 2050. Hdră čuăl mkă bi mklă mkŏ mjing dŭm anôk bruă đĭ kyar mrâo kơ bruă duh mkra êa ksĭ, êa pui êwa čuh, tuh tia mkra mjing, logistics leh anăn hiu čhưn ênguê; mkŏ mjing Wăl anôk ngă hră mơar - kđi čar ti Đức Trọng, mbĭt anăn mđĭ kyar Đà Lạt jing anôk hiu čhưn ênguê, mdei msăn hnơ̆ng lu ala čar.

VOV.Êđê- Aguah mbruê 8/6, ti anôk bruă Đảng gưl dlông, Khua gĭt gai Đảng, Khua Lăn čar Tô Lâm gĭt gai mmông mă bruă hŏng Êpul bruă hdră êlan gưl dlông kơ ksiêm wĭt 8 thŭn ngă Hdră mtrŭn mrô 36 mơ̆ng gưl dlông gưl 12 kơ hdră êlan mđĭ kyar bruă duh mkra êa ksĭ Việt Nam truh thŭn 2030.

VOV.Êđê- Mđing truh Mlan mnuih Ngă bruă thŭn 2026, hruê 7/6, ti Gia Lai, Êpul hgŭm phung êdam êra Việt Nam mkŏ mjing Hruê mơak “Êdam êra mnuih mă bruă – Lar bra ai êwa mrâo” hŏng lu hdră klă sĭt mđing kriê dlăng klei hdĭp mnuih mă bruă.

VOV.Êđê- Aguah anei 8/6, K’iăng khu aknŭk kna Lê Tiến Châu truh leh ti Tokyo, kčưm gưl nao čhưn kơ ala čar Japon nao hlăm klei bi kƀĭn kơ Klei hdĭp Asi mgi dih tal 31.

VOV.Êđê- Hlue ngă hdră êlan mơ̆ng Đảng knŭk kna kơ bruă dăp wĭt bi mŭt mbĭt dŭm boh ƀuôn alŭ, čar Lâm Đồng mâo ênoh čuăn bi hrŏ 50% ênoh êpul êya mâo ară anei.

VOV.Êđê- Tŭ ư asăp jak iêo mơ̆ng Khua knŭk kna Lê Minh Hưng, tlam hruê 7/6, Khua knŭk kna Lào Xỏn-xay Xi-phăn-đon djă akŏ Êpul bi ala gưl dlông Knŭk kna Lao truh ti Hà Nội, mphŭn gưl hiu čhưn ti Việt Nam.

VOV.Êđê- Hlăm klei kƀĭn thơ̆ng kơ bruă mrâo êgao, Êpul gơ̆ng bruă ƀuôn sang čar Dak Lak bi klă hdră mtrŭn mkra mlih klei čuăl mkă čar Dak Lak wưng thŭn 2021 - 2030, hdră tă truh thŭn 2050. Anei dưi dlăng jing hdră êlan yuôm bhăn, amâodjŏ knŏng pŏk mlar wăl anôk đĭ kyar leh bi mŭt hŏng čar Phú yên ƀiădah lŏ tă hră đĭ kyar mrâo, mkŏ mkŏ mjing tur knơ̆ng kơ čar Dak Lak ba yua jih hnơ̆ng klei găl mkŏ krĭng, iêo jak klei duh bi liê leh anăn kdlưn hĭn hlăm wưng kơ anăp.

VOV.Êđê- Leh klei bi kƀĭn plah wah Phŭn bruă rŭ mdơ̆ng leh anăn khua gĭt gai dŭm čar Gia Lai, Dak Lak, Lâm Đồng kơ hdră msor bi liê ktuê êlan êran pral Pleiku – Ƀuôn Ama Thuôt – Gia Nghĩa, bruă mkŏ mjing sa ktuê êlan klông mrâo mkŏ Lăn Dap Kngư dôk iêô jak klei mđing uêñ prŏng snăk mơ̆ng bruă sang čư̆ êa alŭ wăl leh anăn mnuih ƀuôn sang.

VOV.Êđê- Hrue mbrue (4/6), ti anôk bruă knŭk kna, k’iăng Khua knŭk kna Hồ Quốc Dũng kiă kriê leh klei bi kƀĭn tal 1 mơ̆ng Êpul ngă bruă mơ̆gn Knŭk kna kơ klei mđĭ kyar kdrăp mă bruă hlue si hdră mtrŭn mơ̆ng Khua knŭk kna jao bruă čuăn mđĭ kyar kdrăp mrâo.