VOV4.Êđê- Hruê mbruê 26/7, ti anôk bruă knŭk knam Khua knŭk kna Phạm Minh Chính drông leh Jakkapong Sangmanee , Khua phŭn bruă adŭ bruă Khua knŭk kna, pô bi ala mơ̆ng Khua knŭk kna Thailand ƀri wưng hriê čang ênuh Khua gĭt gai Đảng Nguyễn Phú Trọng.

VOV4.Êđê- Hlam dua hrue mkŏ mjing klei čang ênuh kơ Khua gĭt gai Đảng Nguyễn Phú Trọng mâo leh lu phung knuă druh đảng viên, dŭm gưl mnuih ƀuôn sang, hđeh hriăm hră... hŏng klei mpŭ lehanăn ba dơr khua gĭt gai ti anôk dôk mdei knhal tuič

VOV4.Êđê- Tlam mbrue 26/7, hŏng klei mgei ai tiê, lehanăn klei ênguôt hnĭng, Êpul khua kiă kriê gưl dlông Đảng Cộng sản Việt Nam, bruă kƀĭn ala lăn čar yang ƀuôn ngă phŭn Việt Nam, Khua lăn čar yang ƀuôn ngă phŭn Việt Nam, Knŭk kna lăn čar yang ƀuôn ngă phŭn Việt Nam, Dhar bruă Mặt trận čar kwar gưl dlông Việt Nam mkŏ mjing leh klei bi hdơr, klei ba dơr Khua gĭt gai Đảng Nguyễn Phú Trọng, hlue hŏng klei bhiăn gưl lăn čar.

VOV4.Êđê- Dŭm knơ̆ng bruă klei mrâo prŏñg mơ̆ng lu ala čar čih nanao klei čih, rup kơ knăm čang ênuh Khua gĭt gai Đảng Nguyễn Phú trọng, klei khăp ƀĭng găp dlông rŏng lăn hŏng “Khua gĭt gai prŏng” mơ̆ng yang ƀuôn Việt Nam.

VOV4.Êđê-Hlăm dŭm thŭn mlan bi blah ktang snăk, ti kdrăn bi blah Dưr Lăn Dap Kngư, phung knuă druh, lĭng kahan hlăm êpul kahan dưi hmư̆ lu kơ mniê rông kahan mnuih Sêdang, Y Buông. Hlăm klei khăp hŏng ƀĭng kahan, ti krah boh ƀom phung roh mniê êra Y Buông amâo uêñ kơ boh ƀom, boh phao, klei huĭ hyưt, đru kơ phung lĭng kahan mâo djăp êsei huă djam ƀơ̆ng, suaih asei mlei bi blah. Ñu jing mniê jhŏng ktang sa anăn ti Kon Tum, wăt tơdah thŭn khua leh, ƀiădah ăt hur har ai tiê cách mạng, jing klei mđĭ ai kơ ênuk mda asei tui hriăm, hlue ngă

VOV4.Êđê- Aguah 26/7, ti Anôk bruă Knŭk kna, Khua knŭk kna Phạm Minh Chính bi tuôm leh hŏng Khua gĭt gai Đảng, Khua lăn čar Lào Thongloun Sisoulith leh anăn mô̆ ñu ƀri gưl hriê ti Việt Nam nao hlăm Knăm čang ênuh Khua gĭt gai Đảng Nguyễn Phú Trọng.

VOV4.Êđê- Knăm bi hdơr kơ Khua gĭt gai Đảng Nguyễn Phú Trọng dưi mkŏ mjing hlăk 1 mmông tlam hruê 26/7 ti Sang čang ênuh ala čar mrô 5 Trần Thánh Tông (Hà Nội); mkŏ mjing hlăm mmông anăn mơh ti Sang bi kƀĭn Thống Nhất (ƀuôn prŏng Hồ Chí Minh) leh anăn ti ƀuôn sang Đông Hội, kdriêk Đông Anh (Hà Nội).

VOV4.Êđê-Aguah mbruê 26/7, Knăm bi hdơr kơ Khua gĭt gai Đảng Nguyễn Phú Trọng mâo mnuih Sêdang ti 86 alŭ, ƀuôn mơ̆ng kdriêk Tu Mơ Rông, čar Kon Tum bi mkŏ mjing 8 mmông aguah mbruê 26/7/2024 ti sang Rông dŭm alŭ, ƀuôn.

VOV4.Êđê- Aguah mbrue 25/7, mnuih ƀuôn sang djăp djuê ana, êpul êya ti lu alŭ wăl hlăm lăn dap kngư hŏng klei mpŭ lehanăn ênguôt dôk ktue dlăng knăm čang ênuh kơ Khua gĭt gai Đảng Nguyễn Phú Trọng mơ̆ng hdră mđung asap lehanăn mđung rup ti mmông anăn mtam.

VOV4.Êđê- Knăm čang ênuh kơ khua gĭt gai Đảng Nguyễn Phú mâo mkŏ mjing hŏng klei mpŭ êdi.