VOV.Êđê- Hlăm hdră ngă bruă ti čar Dak Lak, Khua Knŭk kna Phạm Minh Chính nao čuă, mđup brei hnư mnơ̆ng dŭm gŏ sang tŭ klei hmăi kyua êa lêč hlăm thŭn 2025, ară anei dưi dăp anôk dôk ti anôk dôk mrâo alŭ Quảng Đức, să Tuy An Nam.

VOV.Êđê - Hŏng bruă bi leh dŭm knhuang mprăp hlue si hdră kčah, čar Khánh Hòa dôk mjêč ksiêm dlăng anăn phung bi ala kơ mnuih ƀuôn sang, mđĭ bruă hâo hưn, pŏk ngă hrăm mbĭt kdrêč bruă yuôm bhăn, rơ̆ng kơ grăp čô mnuih ƀuôn sang hgŭm hlăm Knăm mơak ruah khua, ngă djăp ênŭm klei dưi leh anăn bruă klam mnuih ƀuôn sang, đru mguôp hlăm klei tŭ jing mơ̆ng klei ruah khua leh anăn mkŏ mjing bruă sang čư̆ êa kjăp ktang.

VOV.Êđê - Hrue mbrue (01/03), ti Quảng Ngãi, bruă Đảng čar, Êpul gơ̆ng bruă ƀuôn sang, knơ̆ng bruă sang čư̆ êa, knơ̆ng bruă mặt trận čar Quảng Ngãi mkŏ mjing klei bi hdơr 120 thŭn hrue kkỉêng khua gĭt gai Phạm Văn Đồng (01/03/1906-01/03/2026).

VOV.Êđê Hrue mbrue (1/3), Khua phŭn bruă hŏng tač êngao Lê Hoài Trung mđrăm mbĭt hŏng phung mgơ̆ng ruah phung bi ala bruă kƀĭn ala gưl 16, dôk hlăm êpul ruah khua mrô 4, ƀuôn prŏng Huế mâo leh klei bi tuôm hŏng mnuih ƀuôn sang ti dŭm boh ƀuôn hgŭm Lộc An, Hưng Lộc, Nam Đông, Khe Tre lehanăn Long Quảng.

VOV.Êđê - Khua knơ̆ng kiă kriê sang phat kđi yang ƀuôn gưl dlông Nguyễn Văn Quảng mbĭt hŏng phung mgơ̆ng ruah phung bi ala bruă kƀĭn ala dôk hlăm êpul ruah khua mrô 1 čar Lâm Đồng bi tuôm leh hŏng mnuih ƀuôn sang ti dŭm boh ƀuôn hgŭm Đức Trọng, Hiệp Thạnh, Ninh Gia, Tà Hine, Tà Năng, Tân Hội lehanăn Gia Hiệp.

VOV.Êđê - Klei prăp êmiêt kơ bruă ruah khua phung bi ala bruă kƀĭn ala gưl 16, lehanăn phung bi ala Êpul gơ̆ng bruă ƀuôn sang djăp gưl 2026–2031 hlăk mjêč mă bruă hlăm čar Khánh Hòa.

Khua knŭk kna mtă kơ dŭm êpul djŏ tuôm bi hrŏ wưng hluê ngă 3 mlan, rơ̆ng 3 mlan gưl 3 thŭn 2026 dưi ba yua hdră anei

VOV.Êđê - Hruê 1/3 mbruê, phung êdam êra lĭng kahan răng mgang knông lăn čar Dak Lak mkŏ mjing leh dŭm bruă hlăm “Mlan êdam êra”, “Mlan 3 knông lăn” mguôp hŏng hdră mtô mblang kơ klei ruah phung bi ala bruă kƀĭn ala gưl XVI lehanăn Êpul gơ̆ng bruă ƀuôn sang dŭm gưl wưng thŭn 2026-2031 ti krĭng knông lăn.

VOV.Êđê- Tlam mbruê 26/2, Khua Bruă Kbĭn ala Trần Thanh Mẫn, Khua êpul gơ̆ng ruah khua ala čar mbĭt hŏng êpul ngă bruă nao ksiêm dlăng bruă mprăp kơ klei mplĕ hră ti ƀuôn prŏng Hải Phòng.

VOV.Êđê- Bruă sang čư̆ êa čar Lâm Đồng mrâo mâo hră mtrŭn mñă kơ dŭm knơ̆ng, dhar bruă, alŭ wăl hluê ngă ktang phĭt dŭm hdră êlan kriê dlăng, ksiêm dlăng kŭm păn amâo mâo djăp klei găl ngă bruă.