VOV4.K’ho - Jăt Bộ Nông nghiệp mờ Phát triển Nông thôn yal, kờp jơh khà priă geh bơh broă tăc mờ lơgar bơdìh phan geh lơh bơh broă lơh sa suơn sre, brê bơnơm, phan tàm dà tàm quý 1 kờp dŭ geh 18 tơmàn 340 tơlăk dolar Mỹ.

Tàm hơ̆, tăc phan mờ lơgar bơdìh geh 10 tơmàn 610 tơlak dolar Mỹ, gơguh 19,7% pơn drờm ờ tŭ do nam lài. Tàm quý 1, uă bơta phan geh khà tăc mờ lơgar bơdìh uă rơlao pơn drờm mờ tŭ do nam lài bè: Cao su, ce, biăp, plai chi, bùm blàng, ka ti, ală bơta phan geh lơh bơh brê bơnơm.

Mơya, kung gam geh ală bơta phan geh khà priă uă tăc mờ lơgar bơdìh gơmù bè: kơphe, phe, gar điều, ka tra... Bè drà kă bro mờ lơgar bơdìh, priă geh bơh broă tăc phan geh geh lơh bơh broă lơh sa suơn sre, brê bơnơm, phan tàm dà tus mờ ală drà kă bro gơwèt tàm tiah châu Á geh 54,4% drà kă bro; châu Mỹ 32,2%, châu Âu 11,8%... tàm khà hơ̆, 4 drà kă bro tăc phan mờ lơgar bơdìh tờm ngan là lơgar Mỹ, Lo, Nhờk mờ Hàn Quốc ndrờm gơguh pràn tàm broă tăc phan mờ lơgar bơdìh.

Cau mblàng Ndong Brawl