VOV4.K’ho - Ala\ nam do,  mpồl ling klàng Quân khu 5 neh geh ua\ ngan broa\ lơh ngan ngồn attê bal bơt bơtàu [òn lơgar pa. Bơh ala\ anih tus nền nòn, ngan ngồn, ala\ mpồl tàm gùt mpồl neh mut lơh ua\ ngan broa\ lơh geh pơ gồp bal mờ làng bol 11 càr, [òn dờng tiah tàm gùl lơgar-Tây Nguyên geh lơh tam gơl muh mat [òn lơgar, tiah kơh bơnơm slơ ngai slơ tam gơl pa, tơme ngan.

            Lơh jat bal srơh “ Lik klàs dùl hìu jơgloh, tơmù dùl hìu rbah” bơh cau kuang, cau ling mpồl ling Quân khu 5 geh nhap nhar ngan tus bal, lơh geh bơta gơ rề ơnàng, cèng geh cồng nha ngan ngồn. Tus tu\ do,  rlau 500 hìu nha\  làng bol tàm 11 càr, [òn dờng tiah geh anih lơh pôs geh cau ling dong  sơntìl, pria\ lơh sa mờ phan bơna nàng lơh broa\ sa, mờr 120 hìu nha\ lơh broa\ sa geh cồng, mờr 130 hìu nha\ lik klàs rbah, brồ guh lơh pas. Broa\ lơh bơh mpồl geh phàu ling klàng Quân khu 5 geh li la ngan. Geh mpồl dong kờl ngai lơh broa\ dong làng bol geh lơh niam wơl suơn rhàng, tờ tơnau ròng ka, lơh geh wàng ròng phan, geh mpồl ling geh dong kờl khà pria\, phan nàng lơh broa\ sa, bơta chài lơh sa, ròng phan… Ồng Nguyễn Đình Vũ, ntum Tịnh Hiệp,  kơnhoàl Sơn Tịnh, càr Quảng Ngãi kah wơl,  lài do,  hìu nha\ ồng rbah ngan, geh ala\ bi cau ling pà rơndeh lơ òr sre,  rài kis bơh hìu nha\ ồng neh tam gơl:“Lài do,  la 1 hìu nha\ kal ke ngan, ùr bơklau  a` geh bơta kơp kờ` geh dùl nơm rơndeh lơ òr hala rơ pu, kơnrồ nàng  ròng. Klo geh dờp  rơndeh lơ òr den a` chờ ngan rê lơh  gơs phan lơh broa\ drơng làng bol. Nam a` geh dờp rơndeh lơ òr hơ\, den kờp jơh  mờ pria\ lơh sa geh gam jơng kah 20 tơlak pria\.. Kung bơh geh rơndeh lơ òr den hìu nha\ a` geh tềm pềr ua\ rlau, geh pria\ lơh hìu hơ\ sồng blơi geh rơndeh tai. Tàm nùs nhơm he la ưn ngài ngan mờ mpồl ling”.

            Lơh pôs tàm ù tiah gam ua\ ngan kal ke, ala\ mpồl ling bơh ling Quân khu 5 neh trơ gùm git nđờ jơt rbô ngai lơh bro nàng geh tus bal bơt bơtàu [òn lơgar pa tàm 65 ntum ua\ ngan kal ke tàm 11 càr, [òn dờng. Ala\ dơ\ lik lơh broa\ lơh gùng mờ bê tông [òn lơgar, tuah wàs rbòng dà, bơt bơtơt kơryan dà hang, bơt bơtơt kơryan tơrlah ù, bong dà lik…tiah lơi kung geh tus bơh cau ling “Cau ling wa Hồ”. Gam tai mờ hơ\,  tàm ala\ dơ\ geh tus lòt lơh broa\ , ala\ mpồl geh tus bal dong broa\ trơ gùm  cau ling gàr [òn, cau ling rcang lài geh lơh bal mờ cau ling geh tus lơh niam wơl 500 nơm hìu ơm,  lơh pa  rlau 200 nơm hìu nùs nhơm, hìu tam klac dờng, hìu nùs nhơm tiah nhàr lơgar, tiah bồt dà lềng…pơgồp bal ờ gam hìu ing, hìu nhhat dà mìu tai tàm  ala\ [òn làng bol. Mò Lưu Thị Bích Ngọc kuang jat jơng atbồ  gah lam sồr  mpồl  đơng lam atbồ Đảng càr Quảng Nam, ai git: Nùs nhơm ling klàng mờ làng bol neh cèng tiah do in ua\ ngan tam gơl tàm tiah ua\ ngan kal ke tàm tiah do:“Lơh jat srơh broa\ lơh pơr lòng attê bal bơt bơtàu [òn lơgar pa, gah atbồ  ling klàng càr kung  geh lam lơh ai tus ala\ mpồl lơh geh ala\ broa\ lơh nền nòn,  phan bơna nền nòn. Ntum Trà Tân bơh nam 2010 rơp lơh 1 broa\, tus tu\ do neh lơh tus 12 broa\ lơh geh  dà kơlhề dờng ngan bơh gah atbồ ling klàng càr dê”.

            Bơh nam 2010 tus tu\ do,  mpồl ling klàng Quân khu 5 mut lơh srơh broa\ lơh “Khàp phe tài cau rbah”, geh  rcang lài pria\ jền mờ phan sa dong hìu nha\ geh cau lòt ling gơbàn rbah kal ke mờ làng bol rbah, ala\ anih lơh broa\, mpồl geh tềm pềr geh rlau 370 tấn phe, kờp pria\ rlau 5 tơmàn 500 tơlak pria\, geh dong ua\ ngan hìu nha\  rbah sơr lèt kal ke tàm nhai puh pah, ala\ tu\ gơbàn ờ bơtuah. Trung tướng Trần Quang Phương kuang  lơh broa\ gah Đảng ling klàng Quân khu 5 ai git, sang gơbì rbah bơh ua\ gah la broa\ lơh geh mpồl ling quân khu 5 lơh jat:“Pah nam, bol a` drờm geh jàu tus tơl mpồl rê tus tiah he lơh broa\, bè khà sồ dong kờl tus tơl [òn lơgar, geh tu\ geh tus tơl hìu nha\ nền nòn nàng geh sang bì jơgloh, tơmù rbah. Tàm bơta nùs nhơm lài  jơh la lik klàs rbah bè lơh sa  la tờm ngan, bơh lik klàs rbah bè lơh sa hơ\ den geh dong kờl ờ ua\ bơta lơh broa\ nàng ala\ sau geh bơsram sra\,  hìu nha\ geh sền gàr bè pràn kơldang,  sền gàr bè lơh sơnơm nàng bơtàu tơngguh rbah bơh ua\ gah làng bol dê tàm ala\ tiah kal ke, ngan la tiah nhàr lơgar,  tiah bồt dà lềng”.

            “Đơs nàng làng bol git,  lơh nàng làng bol pin”, mờ broa\ lơh hơ\, cau kuang, cau ling bơh ling klàng Quân khu 5 neh lơh bơta git gơp ling klàng làng bol slơ đềt mềr, attê bal, dùl nùs bal, lơh geh muh mat [òn lơgar, tiah kơh bơnơm tàm tiah tàm gùl lơgar-Tây Nguyên “Bềng càl, ua\ mìu càl dờng” slơ ngai slơ tam gơl pa.

                                      Cau cih mờ yal tơnggit K’ Brọp.