VOV4.K’ho - Ồng Y Wăn Mlô (mat mờng hòi la Bèp Lâm), kòn cau Rơđê, la dùl na\ cau geh bơnga\ pơnrơ ngan bơh xã Ea Drông, thị xã Buôn Hồ, càr Daklak. Tàm ala\ nam do, ồng neh lam sồr ua\ ngan cau tìs gùng jat Fulro geh rê wơl mờ hìu mờ [òn, lam sồr làng bol, attê bal bơt bơtàu [òn lơgar pa,  bơtàu tơngguh lơh sa, sang sơbì jơ gloh tơmù rbah.

Gùng lòt geh lơh mờ bêtông lòt jat [òn Kmiên, gan tềng kơh jơnhua tơrbo\ mờ suơn kơphe tơlir gơs  ngan. 2 gah gùng, ua\ hìu geh lơh niam bơne\ ngan gơ ơm bơrlu\ bal bơh ala\ hìu lơh hờ đang mờ mpàn bơhìan yau bơh  cau Rơđê. Đơs bè rài kis bơh làng bol, ồng bèp Lâm chờ hờp: [òn lơgar  tu\ do neh ngai lơ ngò,  neh tam gơl, làng bol hờm ram, pas gơs:

Tu\ do bơta ngap lơngai  ờ do ờ da\ tàm [òn niam ngan, ờ gam gơbàn bol pơnu tàm [òn lơh tung lơtang. Rài kis bơh làng bol neh bơtàu tơngguh,  khi drơng lơh sa, drơng hìu nha\, oh kòn kòn sau geh lòt bơsram. Geh ua\ hìu nha\ geh lơhmờ sơmang lơh 300- 400 tơlak pria\, blơi rơndeh  rơndồ...A` geh bơto pơlam  ala\ hìu nha\ pal lơh ngan drơng kòn in lòt bơsram,  ờ di la geh pria\ den sùm `ô sa. pal sồr oh kòn lòt bơsram, geh broa\ lơh niam...

Go\ rài kis ngap lơngai bè  tu\ do,  êt cau ngan git la tàm ala\ nam 2001, 2004, xã Ea Drông neh geh sền la tiah ờ suk ngan bè ờ do ờ da\ tàm càr Daklak. Tài bơh bươn pin dờ` jơnau bơh cau ờ niam hòai jà, chul chồl ua\ cau kòn cau neh  lik dô gan nhàr lơgar tìs. Ờ ua\ cau ờ gơtùi dô gan den tàng neh kis lềng tàm brê, ờ khin rê tàm hìu. Ồng bèp Lâm neh tus tơl hìu mblàng pơlam nàng làng bol wa\ git bơta ờ niam bơh cau ờ diơng. Mờ bơnga\  sa\ tờm mờ bơta jơh nùs he dê, ồng neh tìp ala\ cau tìs gùng,  lam sồr khi, pơn jồh khi geh rê wơl mờ hìu, mờ [òn tờm. Ồng bèp Lâm yal wơl:

Tu\ hơ\ geh ua\ ngan bol pơnu ờ khin rê hờ hìu mờ kis tàm brê, mè bèp khi kơnờm mờ  a` bơto bơtê khi rê wơl. A` sa\ tờm geh tus lam sồr khi geh rê wơl mờ hìu nha\, đơs khi in git gùng hơ\ la gùng tìs. Jơh ala\ cau a` lam sồr rê wơl mờ [òn den tơnơ\ hơ\ ờ geh cau lơi lòt jat gùng tìs. Ờ ua\ cau bơh gơbàn chul chồl ua\ kung gơ lơh kui kuơ hơ\ sồng khi kung  gàr geh ơnà pràn khi dê, kis jat di adat boh lam dà lơgar,  lơh ngan drơng lơh sa ròng bau kòn. A` kung lòt lam sồr ua\ xã, ua\ [òn.

Ồng Y Bhiết Kdăm kis tàm [òn Klat B, xã Ea Drông la dùl tàm ala\ cau gơbàn pơn jồh  jat mpồl  cau ờ niam, sang hìu đam mut dô tàm brê,  ơm trơ gùm sơndra\ wơl mờ gơnoar atbồ. Geh ồng bèp Lâm lam sồr, ồng neh  tus mờ gơnoar,  dờp lơh glài kràn ngan mờ neh   sơnđờm lơh niam wơl rài kis. Ồng Y Bhiết boh bơr:

Dơ\ lài bơh ờ hoan git wa\ den tàng a` neh lòt gùng tìs, mờ neh kong lơh glài bơh adat boh lam dà lơgar dê. A` tu\ do la dùl na\ cau bơh [òn dê sùm jat gùng dà broa\ lơh bơh dà lơgar. A` geh tus bal tơl ala\ broa\ lơh [ơh [òn lơgar. A` kung geh jà tus bal pơrjum tàm càr Daklak lời tus ala\ cau ơla mat gơguh jak. A` dờp geh sra\ jờng mờ phan pà. A` go\ hơ\  la  dùl bơta chờ  dờng ngan. Bèp Lâm neh bơto bơtê a` jat gùng dà  broa\ lơh bơh Đảng, mờ Dà lơgar. Ồng bơto bol a` kis song dơpa\, niam nùs,  gơ rờm bal  mờ [òn lơgar. Ala\ jơnau ồng bơto gơ geh kuơ ngan  tus mờ bol a`.

Nam do neh 73 sơnam, bulah ờ gam pràn tai, jơng neh lơgah, mơya tềng lơi geh broa\ la ồng bèp Lâm drờm geh tus. Ala\ jơnau đơs ồng dê drờm dờp geh bơta kờ` bal bơh làng bol,  tài ala\ jơnau mblàng ồng dê di ngan. Ồng bèp Lâm ờ mìng geh wa\ ala\ bơhìan bơh cau Rơđê, mờ gam git ngan bè gùng dà broa\ lơh adat boh lam bơh Đảng, Dà lơgar tài ồng la Chủ tịch UBND xã lài do tu\ do neh jơh sơnam lơh broa\. Ồng Y Son Bya\ atbồ [òn Kmiên, xã Ea Drông ai git:

Ồng bèp Lâm sùm geh bơto bơtê [òn lơgar sền gàr bơhìan niam bơh   cau Rơđê, bè sền gàr cing mồng, adat bơhìan cau Rơđê. Sền gàr ala\ bơhìan niam. Bơto làng bol  tàm broa\ lơh sa, bơto bơtê ơruh pơnu tàm [òn ba` gơ lềng gơ làng, lơh ngan lơh sa kờ` bơt bơtàu [òn lơgar.

Ồng Y Mit Mlô, Phó Chủ tịch UBND xã Ea Drông đơs tus mờ ồng bèp Lâm:

Ồng Y Wăn Mlô la cau kuang [òn geh bơnga\ ngan ngồn tàm [òn. Ồng geh mblàng pơlam làng bol ba` kơl mus chi brê, ba` dô gan nhar lơgar tìs mờ adat boh lam...Ồng neh lam sồr làng bol tàm [òn attê bal bơt bơtàu [òn lơgar pa. Nam lơi ồng kung geh thị xã Buôn Hồ jờng.

Mờ ala\ ta\ pơ gồp  sùm ờ  ơm  tàm mpồl bơtìan,  ala\ nam do, ồng bèp Lâm neh geh Mpồl đơng lam Tây Nguyên, Ủy ban kòn cau, UBND càr Daklak mờ ua\ gah, sơnah sùm jờng. Mờ phan jờng dờng ngan rlau jơh tus mờ ồng la go\ [òn lơgar slơ ngai slơ hờm ram, ngap lơngai,  boh gơbài.

                                                                                   Cau cih mờ yal tơnggit K’ Brọp