VOV4.K’ho - Tơryang broa\ lơh sa, lơh ngan  bơsram lơh sa,  git tềm pềr mờ geh ngui pria\ jền geh cồng nha, hìu nha\ bi Y Diăm Bya\, gam  geh sơnđan la bèp Mjâo kis tàm [òn Cư\ Bhiăng,  ntum Hoà Phong, kơnhoàl Krông Bông, càr Daklak, neh lik klàs rbah brồ guh lơh pas, dong kờl làng bol geh bơtàu tơngguh lơh broa\ sa, bơt bơtàu [òn lơgar pa.

            Bi bèp Mjâo geh sơnđờm jơnau yal mờ bol a` tu\ gơ kờ` ngan geh yal tàm ala\  nam nhai lòt ling. Đơs đơs, geh bơklàu sa\ tàm ling klàng,  tàm Tiểu đoàn 303 tàm kơnhoàl Buôn Đôn, càr Daklak la bơta chờ ngan, pơnỳơ sa\ ngan tus mờ bi. Kung kơnờm bơh hơ\ la mờ bi geh broa\ lơh kràn cê ngan  sơrlèt kal ke,  ờ go\ ngòt tềng tơl ala\ broa\:“Lài do, rài kis hìu nha\ a` den gơbàn kal ke ngan. Nam 1990,  a` lòt ling, tus nam 1993 rê ling. Bồ nam 1994 a` bau, lơh nờng nàng kis. Geh dà  lơgar  ai càn pria\ dong kờl cau rbah, rài kis a` dê geh  rhời bơtàu tơngguh, dà lơgar geh mblàng pơlam gùng dà broa\ lơh, ua\ ngan broa\ lơh nàng geh cri bơyai kờ` bơtàu tơngguh git wa\ broa\ lơh sa,  kơnờm bơh hơ\ a` git ngui bơta jak chài pa tàm broa\ sơng ka sền gàr chi tam, phan ròng den tàng rài kis hìu nha\  a` slơ ngai slơ bơtàu tơngguh rlau”.

            Bi yal: Tu\ pa bau,  mè bèp mìng  phàt ùr bơklau bi di 7 sào ù,  la ù  nàng tam chi lơyah ngai bè tơngời,  khuah mờ di rhiang tờm kơphe. Tài bơh sơnrờp ờ git bơta chài,  ờ geh bơta mờng sơng ka sền gàr,  mờ tam mờ sơntìl  yau den tàng ù ờ tơl nàng gơtùi ròng kis kòn bơnus. Ùr bơklau bi neh pal lòt lơh ơpah, lơh mờng nàng jòi sa pah ngai.

            Mờ nùs nhơm ờ ngòt tềng kal ke,  lơh ngan sơrlèt kal ke bơh jơgloh rbah, bi neh lơh ngan tềm pềr bơh pria\ lơh mờng nàng geh pria\ bơtàu tơngguh lơh sa. Bơh sơnrờp bi geh tus tàm ala\ ơdu\ bơto pơlam broa\ lơh sa, geh bơsram bơta chài sơng ka sền gàr kơphe nàng geh ngui tàm  suơn hìu nha\. Kơnờm bơh hơ\,  suơn kơphe hìu nha\ neh rhời gơs niam mờ ai tơnhàu jơnhua rlau. Rài kis bơh hìu nha\ bi kung neh ờ hoan kal ke  tai.

            Sùm bè hơ\,  lơh ngan tềm pềr, lơh ngan bơsram nàng geh ngui bơta jak chài pa tàm broa\ lơh, bi rhời blơi  tai ù, tam tai chi,  càn tai pria\  sa cng êt bơh dà lơgar kờ` bơcri bơtàu tơngguh lơh broa\ sa. Tus tu\ do, hìu nha\ bi neh geh rlau 5 lồ ù lơh sa,  lơh sa jat gùng tam mìng dùl bơta chi tam lơm. 7 sào ù tam kơphe, rlau  1 lồ ù tam  tơngời, 3 lồ ù tam bùm blàng, gam wơl la   kòi sre 2 kàl. Hìu nha\ geh ròng 8 nơm  kơnrồ deh kòn,  ngui phơng  kơnrồ lơh phơng tuh,  tềm pềr ndang mờ tơngguh cồng nha chi tam ndang. Lơh sa hìu nha\ bi slơ ngai slơ niam mờ  gơguh ua\ rlau.

            Nam 2014 bi neh lơh  geh hìu sơnơm  dờng niam,  blơi ngui tơl jơh ala\ phan  sền iat tàm hìu  nha\. Bè pria\ geh, nam lài bơh trồ tiah gơbàn prang, hìu nha\ bi gam geh mờr 1 tấn mơ gùl kơphe gar,  15 tấn  tơmgời ris, 70 tấn bùm blàng mờ 4 tấn kòi, kờp jơh pria\ tac kơnrồ, tơnơ\ ờ kờp  ala\ pria\ ngui lơh sa,   gam geh cồng  tus rlau 200  tơlak pria\.

            Geh  phan ngui  phan sa, bi bèp Mjâo geh pơlam làng bol tàm [òn broa\ sơng ka sền gàr kơphe, ròng kơnrồ nàng lik klas rbah, brồ guh lơh pas bè he dê. Hìu nha\ bi neh nhap nhar tus bal broa\ lơh mpồl bơtìan,  ta\ pria\  mờ ngai lơh broa\  kờ`  dùl đah tê ba mờ làng bol bơt bơtàu [òn lơgar pa. Ồng Y Kduôt Bya\ kuang  jat jơng atbồ Mpồl cau ling yau ntum Hoà Phong, kơnhoàl Krông {ông đơs: Bèp Mjâo neh chồl guh geh bơhìan cau ling wa Hồ, khin sơnơng,  khin lơh sơrlèt kal ke kòl yan: “Bèp Mjâo git broa\ lơh  sền gàr hìu nha\ den tàng  hìu nha\  sùm boh gơbài ngap lơngai mờ  lam lài. Ồng git lơh sa mờ tam pà wơl mờ làng bol bè broa\ sơng ka sền gàr  chi tam phan ròng bơh broa\ sền sơnơng sra\ nggal mờ geh ngui mùl màl tàm hìu nha\. Làng bol pin  dờ`  ồng la  dùl na\ cau ling yau lam lài tàm ntum đơs bal mờ tàm  [òn đơs is”.

                   Cau cih mờ yal tơnggit K’ Brọp