VOV4.K’ho - Drờm bè ờ ua\ [òn lơgar ndai tàm kơnhoàl Dam Rông, càr Lâm Đồng bơh nam 2012 ntum Dà Mrông neh dờp geh bơta bơcri ngan bơh Đảng, Dà lơgar bơh ala\ broa\ lơh 135 tơngai lơh broa\ dơ\ III. Bơh khà pria\ do, ntum neh dong kờl bơcri lơh phan bơna [òn lơgar kờ` ngan mờ bơcri bơtàu tơngguh lơh sa, lơh di pal bơta kờ` mờ kơp kờ` bơh làng bol, pơ gồp bal lơh geh ala\ bơta pràn kuơ màng nàng chul chồl bơtàu tơngguh lơh sa mpồl bơtìan tàm [òn lơgar.

            Bơh nam 2012 tus tu\ do,  ntum Dà Mrông neh bơcri lơh geh rlau 5 tơmàn pria\ bơh broa\ lơh 135 tơngai lơh broa\ dơ\ 3 bơh Gơnoar atbồ lơgar. Tàm hơ\,  ntum geh dong kờl lài bơcri ala\ broa\ lơh bơtơt rbòng dà, gùng lòt tàm [òn lơgar mờ dong kờl bơtàu tơngguh lơh sa. Mo tơn bơh  broa\ lơh 135 pa mut lơh,  mpồl đơng lam Đảng, Gơnoar atbồ ntum Dà Mrông neh bơyai lơh pơrjum jòi gùng,  jòi geh ala\ broa\ lơh di pal mờ bơta krơi is bơh [òn lơgar, nàng mut lơh broa\ lơh geh cồng nha. Bơh tàm bơta hơ\, ntum neh  pơnjat tai lam sồr ala\ [òn geh sền wơl, lơh sra\ mat  ala\ hìu nha\ di geh dong kờl lài, nàng bơyai lơh geh broa\ lơh sền lơh tờm,  song dơpa\. Mờ ala\ broa\ lơh bơt bơtàu phan bơna [òn lơgar pa,  ntum geh crơng gơs mpồl sền gròi nàng geh sền tơn sền jat mờ tus sền broa\ lơh, khà niam bơh broa\ lơh, nàng cèng geh cồng nha ngan ngồn  bơh ala\ broa\ lơh bơcri bơh dà lơgar. Bi Dà Cat Krêm kuang atbồ anih duh broa\ làng bol ntum Dà Mrông, ai git: “Bơh broa\ lơh 135 bơh Dà lơgar, gơnoar atbồ [òn lơgar neh sền kuơ bơcri ala\ broa\ lơh tờm ngan bè geh lơh naim wơl bơtơt rbòng dà, gùng lòt mờ ờ ua\ broa\ lơh ndai. Bol a` geh go\ do la dùl broa\ lơh geh pơrya ngan ngồn tus mờ làng bol.

            Hìu nha\ bi Ndu Ha Tuân tàm  [òn Liêng Krắc I geh 2 sào sre lơh kòi mờ rlau 1 sào tơngời. Bi Tuân ai git,  tài bơh rài kis hìu nha\ ua\ ngan kal ke, den tàng ờ tơl bơta  nàng  bơcri blơi phơng. Den tàng, cồng nha kòi geh,  tơngời geh lơyah ngan, gơlam tus hìu nha\ gơbàn ờ tơl phan sa tàm nhai puh pah. Mơya bơh kàl do,  hìu nha\  bi geh rwah ai dong kờl rlau 400 kg phơng bơh broa\ lơh 135, neh dong bi geh tai bơta nàng sơng ka  kòi sre, tơngời. Kơnờm geh bơcri ai phơng tuh, den tàng ba\ ù kòi sre, tơngời hìu nha\ bi neh kis dờng gơs, dờng niam mờ gam pơrgon geh dùl kàl geh tơnhàu ua\. Bi Ndu Ha Tuân chờ hờp đơs: “Geh bơta sền gròi ngan bơh Đảng,  Dà lơgar, hìu nha\ a` geh ai geh phơng nàng tuh kòi in,  den tàng kòi geh ua\ rlau”.

            Hìu nha\ bi Păng Ting Ha Pút kis tàm [òn Dà Xế kung dờp geh broa\ lơh dong kờl rơndeh lơ òr bơh khà pria\ ai càn bơh broa\ lơh 135. Broa\ ngui rơndeh lơ òr do geh dong hìu nha\ bi ờ gam pal kong mờ bơta ờ suk cau lơh broa\ nàng lơh ù pah tu\ tus kàl sih tam, lơh sa. Bi Păng Ting Ha Pút đơs: “Ngai lài, kung mờ  ba\ sre do,  pal trơ gùm ua\ ngan cau lơh broa\, ngai lơh broa\ mờ pal geh tus 5, 6 công hơ\ sồng lơh gơs. Tu\ do,  mìng  kờ` dùl na\ lơh la gơs tơn tàm di 1 tus 2 jiơ lơm”.

            Gơtùi đơs, ala\ nam do,  bal mờ bơta bơcri bơh Dà lơgar bơh ala\ broa\ lơh  134, 168 mờ ala\ broa\ lơh dong kờl ndai, den broa\ lơh 135 tơngai lơh broa\ dơ\ 3 neh pơ gồp bal kuơ màng ngan tàm bơtàu tơngguh lơh sa-mpồl bơtìan, kung bè  mut lơh geh cồng nha broa\ lơh dà lơgar bè bơt bơtàu [òn lơgar pa tàm ntum Dà Mrông.

                             Cau cih mờ yal tơnggit K’ Brọp