VOV4.K’ho- Ngai 18/02, tàm càr Đồng Tháp, Ƀộ Nông nghiệp mờ Phát triển Nông thôn pơgồp bal mờ Mpồl lơh broă dunia bè sền gàr tiah kis brê bơnơm tàm Việt Nam bơyai lơh Cribơyai dờng màng bè broă lơh tus bal pa ai ù tiah lơh sa suơn sre kơ̆ kơljap in.

Pơrjum nàng kờñ cribơyai đah ală gah geh gơ rềng bè broă lơh tus bal pa ai ù tiah lơh sa suơn sre kơ̆ kơljap in; jòi git mờ tam pà ală broă lơh bơtàu tơnguh ù tiah lơh sa suơn sre kơ̆ kơljap tàm dunia; ală broă lơh bè atbồ, priă jền dipal ai ù tiah lơh sa suơn sre kơ̆ kơljap in; dong kờl ală kwang bàng ai tơlik broă rơndap lơh Việt Nam mờ anih lơh broă mờng chài in phan bơna atbồ mờ bơt bơtàu broă rơndap lơh nàng pơgồp bal lam lơh kơnòl broă bơtàu tơnguh lơh sa suơn sre bơh gah do dê mờ jơnau hơ pơrgon dunia nàng kờñ lam lơh jat jơnau kờñ bơtàu tơnguh kơ̆ kơljap.

Cau mblàng K’Duẩn