VOV4.K’ho - Tŭ do tiêu gam mŭt tàm kàl tơnhào, mơya cau tam tiêu tàm càr Dăk Lăk mờ chờ tài nam do tiêu geh khà priă mơya ờ geh tơnhào. Bè hìu nhă bi Võ Văn Quỳnh kis tàm ƀòn Ta Ra, xã Hoà Đông, kơnhoàl Krông Păc, càr Dăk Lăk yal, tàm kàl tơnhào do pal hòi điện thoại gùt tiah nàng jòi cau pĭc.

                                Tiêu geh khà priă mơya cau tam tiêu ờ chờ tài tiêu ờ geh tơnhào

Tài kòp Kovid-19 gơtờp gam kal ke den tàng broă ơpah cau pic gơtìp kal ke ngan, khà priă ngai pic tus 2 rơhiang 20 rơbô đong tàm 1 ngai. Bơdìh hơ̆ tai, kàl tơnhào nam do ờ geh uă, cồng nah gơmù mờr nggùl den tàng bŭ lah khà priă gar tiêu gơguh tàm khà 80 tơlăk đong tàm 1 tấn, priă cồng kung ờ gam kàr lơi sơl. Jăt khà kờp bơh Sở Nông nghiệp mờ Phát triển Nông thôn càr Dăk Lăk  yal, tŭ do, gùt càr geh rơlao 33 rơbô 100 lồ ù tam tờm tiêu mờ khà geh mờr 77 rơbô tấn. Tơngai pa do, gah lơh sa suơn sre neh bơto sồr làng bol ƀañ pờ ơnàng bă ù tam tiêu, tơrgùm tơnguh bơtàu tòm tiêu jăt broă lơh kơl jăp.

Cau mblàng Ndong Brawl