VOV4.K’ho - Drim òr (01/04), jơnau yal bơh đah ròng phan mờ lơh sơnơm phan ròng càr Kon Tum pà git, tiah gơtìp kòp pluh iar, ơda H5N1 geh gŏ tàm hìu ròng mò Phạm Thị Thuỷ, mpồl 1, sơnah ƀòn Ngô Mây, ƀòn dờng Kon Tum.

                                        Tơrgùm ơda gơtìp kòp nàng cèng tơ̆p pơrgŭc

Tơnơ̆ mờ tŭ geh cồng nha xét nghiệm geh gŏ mờ kòp bơh đah lơh sơnơm phan ròng tiah 5, mho mờ mang ngai 31 nhai 3, đah ròng phan mờ lơh sơnơm phan ròng càr Kon Tum, Anih lơh broă drơng ala lơh sa suơn sre ƀòn dờng Kon Tum mờ UɃÑZ sơnah ƀòn Ngô Mây neh bơyai lơh sền gròi mờ dong kờl hìu nhă mò Thuỷ lơh jăt broă tơ̆p pơrgŭc mpồl iar, ơda mờ kờp jơh geh 1 rơbô 700 nơm iar, ơda. Kờp jơh khà hòc huơr rơlao 100 tơlăk đong. Do là tiah kòp pluh iar, ơda H5N1 sơnrờp ngan geh đah ròng phan mờ lơh sơnơm phan ròng càr Kon Tum gŏ bơh bồ nam 2021 tus tŭ do.

Cau mblàng Ndong Brawl