VOV4.K’ho- Nàng kờñ lơh kơ cế, broă lơh dong kờl mpồl lơh sa kă bro sơrlèt gan kal ke, chồl pràn lơh sa kă bro, bơtàu tơnguh lơh sa- mpồl bơtiàn tàm tŭ tơngai pa, mho ngai 25/3, Mpồl kơlôi sơnơng bơtàu tơnguh Lơh sa dùl nă să is (gơ wèt Cíñ phủ) pơgồp bal mờ Mpồl lơh gơlik dơm chi mờ phan brê bơnơm Việt Nam mờ Mpồl dơm chi kấp hơ đơm bơyai lơh pơrjum tă pơgồp jơnau đơs ai jơnau yal “Gah lơh dơm chi Việt Nam: Broă gơlik geh mờ broă lơh gàr niam gùng dà, broă rơndap lơh tus nam 2030”.

10 nam do, gah lơh dơm chi gơguh niam ngan mờ khà 2 nơm sồ. Nam 2021, bulah kong gơ rềng tài bơh kòp Kovid-19, gah lơh gơlik dơm chi mờ ală phan bơh dơm chi tac hờ lơgar ndai gùt lơgar geh rlau 15 tơmàn 800 tơlak dolar Mỹ, gơguh 20% pơndrờm mờ nam lài. Bulah bè hơ̆, nàng lơh geh jơnau kờñ tac hờ lơgar ndai geh 25 tơmàn dolar Mỹ tàm nam 2030, pal geh kơ cế, broă lơh nàng dong gah lơh gơlik dơm chi bơtàu tơnguh rlau tai tàm tŭ tơngai pa. Tàm pơrjum, ală kwang bàng dan dà lơgar pal dong kờl bè priă bơcri nàng mpồl lơh sa kă bro bơcri priă tam gơl kông nghệ lơh gơlik phan, bơto bơtê cau lơh broă mờ phan brê tàm lơgar.

Cau mblàng K’Duẩn