VOV4.K’ho - “Tơrgùm pràn mờ ndrờm bal ală broă lơh rơcang sơndră mờ kòp gơtờp tàm phan ròng, tàm hơ̆ uă ngan là phan tàm dà bơh bồ nam tơn” là jơnau sồr mờ Thứ trưởng Ƀộ Nông nghiệp mờ Phát triển Nông thôn ồng Phùng Đức Tiến tàm pơrjum geh pờ tơlik tàm internet gùt lơgar bè rơcang sơndră mờ kòp tàm phan ròng mờ phan tàm dà geh bơyai lơh drim ngai òr (11/02) tàm Hà Nội.

Jăt mờ hơ̆, ală càr, ƀòn dờng pal ai ală bơta pràn nàng bơyai lơh geh cồng nha ală broă lơh, rơndăp broă neh geh ai bơh dà lơgar dê bè broă rơcang sơndră mờ kòp gơtờp neh geh Thủ tướng Cíñ phủ kĭ. Mờ chồl pràn broă bơ̆t bơtàu tiah lơh, tiah niam ờ do ờ dă kòp gơtờp lơh tơngu me gàr niam broă ai phan sa mờ drơng tàm broă tăc phan mờ lơgar bơdìh, pơgồp bal tàm tơngu me tờm gơguh bơh gah lơh sa suơn sre tàm nam do dê. Tàm pơrjum, geh ờ uă jơnau đơs dan kờñ bơsong kal ke bè kơ cế broă lơh ai kwang bàng lơh broă gah lơh sơnơm phan ròng tàm ală tiah in.

Cau mblàng Ndong Brawl