VOV4.K’ho - Mut lơh broa\ lơh “Cau kơnòm sa\ attê bal bơt bơtàu [òn lơgar pa”, bơh Mpồl ơruh pơnu cộng sản Hồ Chí Minh lam lơh,  cau kơnòm sa\ Daklak neh tus bal lơh broa\ lơh nus ngan. Mờ git nđờ jơt rbô na\  ơruh pơnu tus bal lơh broa\ geh kuơ dà lơgar, trơ gùm bơh ua\ ngan gah lơh broa\, 5 nam do,  neh geh mơr 5 rbô broa\ lơh, bơnah broa\ lơh ơruh pơnu geh mut lơh, pơ gồp bal  chul chồl broa\ lơh bơt bơtàu [òn lơgar pa tàm [òn lơgar. Tơngai tus, Daklak pơnjat tai chồl guh bơta lơh ngan, lơh lài  bơh cau kơnòm sa\ tàm broa\ bơt bơtàu [òn lơgar pa càr dê. Tơnơ\ do, la tơngu me ho jơnau lùp tus mờ Y Nhuân Bya\ kuang atbồ mpồl ơruh pơnu càr Daklak, bè srơh lơh broa\ do.

            -Niam sa\ bi Y Nhuân, bi gơtùi tam pà ala\ bơta mờng tàm broa\ lơh tus bal mờ lam sồr ala\ mpồl lơh broa\ ơruh pơnu tàm broa\ tus bal bơt bơtàu [òn lơgar pa?

            Bi Y Nhuân: Pah nam, mờ 6 nhai bồ nam,  drờm geh pơrjum mờ geh sền kuơ sền gròi ngan  broa\ mut lơh ala\ tơnggu me broa\ do, ala\ tơnggu me dờng ngan geh ai  bơta sơnđan tờm  mờ srơh broa\ lơh tu\ do la “Cau kơnòm sa\ lam lài bơt bơtàu mờ sền gàr dà lơgar,  lòt bal ơru ơruh pơnu tàm broa\ lơh tus pơm kis lơh broa\ sa”. Pơ gồp bal bè hơ\ den hơ\ sồng geh cồng nha, pal lơh pràn tàm tu\ lơh ua\ hơ\ sồng geh cồng nha ua\, di lah ờ, den ờ geh cồng nha jơnhua. Bơta kuơ màng ngan rlau tai la cau kuang bơh mpồl ơruh pơnu, cau atbồ kơnhoàl, ntum pal khin cha, go\ [òn lơgar he gam geh broa\ lơh lơi den pal geh đơs tus mờ tiah he ai ơruh pơnu dờp broa\ lơh. Ai dilah mờ kơp den cau mìng lam sồr he lơh den broa\ lơh ờ ua\ bè hơ\.

            Bơta dơ\ 2 la lam sồr ala\ mpồl lơh sa ka\ bro, mpồl lơh broa\ bal,  tơl mpồl pal lơh ngan, bè broa\ lơh ua\ la nđờ blàng nhơl bơlai, nđờ anih tus cri tơr`a broa\ ơruh pơnu. Pal geh anih nền nòn, ngan ngồn mờ geh jàu tus mpồl hơ\ sa\ tờm tus lơh, jàu tus mpồl geh lơh bal mờ [òn lơgar. Den tơl [òn lơgar 10 tơlak pria\ nàng blơi phan lơh, blơi ala\  bơta geh gơ rềng mờ ơruh pơnu sa\ tờm tơn geh mut lơh den hơ\ sồng lơh geh blàng nhơl chờ hờp. Ai dilah mờ khà pria\ hơ\  kờ` geh ai cau lơh broa\ den pal bơh 30 tus 40 tơlak pria\ den hơ\ sồng lơh gơs dùl blàng  nhơl bơlai.

            -Ơi ơ bi,  tàm tu\ tus bal bơt bơtàu [òn lơgar pa bè hơ\,  cau kơnòm sa\ càr Daklak geh gơtìp kal ke lơi ờ? Mpồl ơruh pơnu  càr neh lơh mbè lơi nàng gơtùi sơrlèt kal ke hơ\? 

            Bi Y Nhuân: Tàm tu\ lơh, den gam geh ờ ua\ kuang bơh mpồl ơruh pơnu gam ờ hềt wa\ jơh bơnga\ he dê, ờ hềt mùl màl nhap nhar ngan, ờ hềt khin cha geh tơlik ala\ tơnggu me nàng geh mut lơh broa\ lơh do. Tàm broa\ lơh nền nòn den ờ ua\ mpồl gam lơh ờ  hềt niam. Dơ\ 2 la ờ ua\ mpồl geh đơs la mut lơh broa\ lơh ơruh pơnu den pal la pria\ bơh dà lơgar jàu ơruh pơnu in lơh, bè hơ\ la ờ lơh gơs broa\ lơh. Sơnđan la broa\ lơh ơruh pơnu, den bi pal lam sồr is, lơh is, ai dilah mờ ai pria\ dà lơgar den ờ go\ di hơ\ la broa\ lơh ơruh pơnu. Gam dùl kal ke tai la gơnoar atbồ ala\ kơna\, mpồl đơng lam đảng gam ờ hềt khin cha jàu broa\ tus ơruh pơnu in lơh, kung ngòt la ờ lơh gơs den tàng ờ ua\ mpồl ờ hêề khin jàu broa\ lơh. Tàm ala\ nam do,  den mpồl đơng  Đảng  ơruh pơnu càr neh tus dong broa\   anih duh broa\ càr in lam sồr ala\ mpồl sền gròi jàu broa\ lơh tus ơruh pơnu dờp lơh ờ ua\ broa\ lơh bơt bơtàu [òn lơgar pa mờ geh sra\ nggal nền nòn. Bơh broa\ kal ke hơ\, den he neh bơsong geh, sùm bè hơ\ pah nam den gơnoar atbồ [òn lơgar đah đơm tàm ala\ ntum di lah geh broa\ lơh den gơtùi sền  mờ jàu tus mpồl ơruh pơnu in mut lơh,  ala\ bơta ndai bè broa lơh sền gàr tiah kis,  bơta đơng lam ròt gùng dra\ bal.

            -Mờ ala\ cồng nha neh lơh geh mờ bơh ala\ broa\ neh mờng geh bơh tàm mùl màl tơngai lài, den bè hơ\, tus do, cau kơnòm sa\ càr Daklak geh  gùng dà broa\ lơh bè lơi tàm  broa\ tus bal bơt bơtàu [òn lơgar pa?

            Bi Y Nhuân: Mut lơh broa\ lơh la pal lơh, broa\ lơh bơt bơtàu [òn lơgar pa den pơnjat tai geh lơh, ờ go\ di ơm tềng do. Den broa\ lơh ai  go\ bơnga\ bơh cau kơnòm sa\ tàm bơt bơtàu,  lam lài,  lơh broa\ dong kờl is sền gàr dà lơgar,  lòt bal mờ ơruh pơnu tus ơm kis lơh broa\ sa jat sơnđan mờ jat kơrnuat pơrjum  mpồl ơruh pơnu ala\ kơna\ ai tơlik. Den mpồl đơng lam ơruh pơnu càr pơnjat tai geh gùng tus bal bơt bơtàu [òn lơgar pa kờ` pal pơnjat tai lơh dùl ròt ala\ ntum nàng lơh mờ pah nam drờm geh jơnau đơs sền wơl broa\ lơh do. Mờr tus den geh bơyai lơh sền wơl cồng nha neh lơh geh, tàm hơ\ geh pơnjat tai wèt tus geh lơh nđờ broa\ lơh tờm. Tu\ do,  ala\ broa\ lơh, bơnah broa\ ơruh pơnu den geh anih loh làng,  nền nòn, mơya ờ ua\ broa\ lơh ndai den gam ờ hềt sơndio anih loh làng den tàng pơnjat tai geh lơh, lơh bè lơi nàng geh ala\ tơnggu me nòn nòn pơnjat tai. Pơnjat tai la pal geh dong broa\ tai tus mờ kuang atbồ càr, ala\ gah geh gơ rềng bal nàng geh lơh bal mờ mpồl ơruh pơnu  kờ` mut lơh geh ala\ tơnggu me, bè ala\ broa\ lơh  bơtàu tơngguh lơh sa mpồl bơtìan. Mờ bơta kuơ màng  ngan tu\ do den sang sơbì jơgloh tơmù rbah kung la dùl tàm ala\ khà broa\ lơh bơt bơtàu [òn lơgar pa kung gam kal ke ngan, den broa\ geh lòt bal  dong kờl ơruh pơnu lơh ala\ broa\ lơh bơtàu tơngguh lơh sa mpồl  bơtìan,  dong kờl ơruh pơnu tus kis mờ lơh broa\ sa kờ` pal sền  rlau tai. Dùl broa\ tai la lơh geh gùng dra\ bal kung pal geh mut lơh sùm, dilah mờ ròt gùng dra\ bal, mpồl ơruh pơnu ờ pràn den srơh broa\ lơh la ờ pràn.

            -Ơi, dan ưn ngài bi ua\ ngan bè  dơ\ boh bơr do.

                                 Cau cih mờ yal tơnggit K’ Brọp