VOV4.K’ho- Mut tàm tơngai tơnhàu uă bơh nam 2021 dê, khà priă rơpung kàl nisơna gơmù lơyah, gam hơ đơm 3 rbô đông tàm dùl kĭ. Bơta do lơh uă cau tam rơpung kài tàm càr Gia Lai roh gời tŭ tơngai sơngka sền gàr, hoàc priă bơcri. Tŭ do, tàm Gia Lai geh rlau 1 rbô lồ rơpung kài, tơrgùm tàm ală kơnhoàl Krông Pa, Phú Thiện, Ia Pa, Chư Prông... Kàl tơnhàu rơpung kài sùm tàm 3 nhai lồi nam, cau lơh broă sa pal lơh hìu kù ơm, sàu sa tơn tàm ƀlàng sre tam rơpung kài nàng sơngka sền gàr, bòl glar ngan. Nam do, khà priă rơpung kài gơmù lơyah, lơh bơta bòl glar hơ̆ ờ geh tơm wơl dipal.

Làng bol pal ơm tàm hìu kù tàm sre tam rơpung kài tàm 3 nhai

Ồng Nguyễn Tuấn Anh, Phó Củ tịc Ủy ƀan Ñân zân xã Ia Mơr, kơnhoàl Chư Prông pà git, tŭ do nam lài, khà priă bơh 6 tus 7 rbô đông tàm dùl kĭ den làng bol geh cồng đau. Mơya tŭ do, khà priă gam pơgap bơh 2 rbô 500 đông tus 3 rbô đông tàm dùl kĭ den tơl lồ gơtìp hoàc huơr git nđờ jơt tơlak đông, den tàng kal ke ngan làng bol in, kơp kờñ geh broă lơh dong kờl dùl bơnah làng bol lơh broă sa in.

Cau mblàng K’Duẩn