VOV4.K’ho - {òn Bơnuer C, thị trấn Lạc Dương, kơnhoàl Lạc Dương, càr Lâm Đồng geh 100% khà cau ơm kis là kòn cau K’ Ho. Tàm ală nam do, kơnờm mờ broă tam gơl pràn nùs nhơm g^t wă tàm broă kơlôi sơnơng, broă lơh, tus bal bơsram mờ ngui broă lơh sa pa tàm broă lơh, sơbì rơhời ală bơhiàn ờ niam, sền kuơ tus bal broă bơ\t bơtàu [òn lơgar pa… tus tu\ do, rài kis làng bol tàm do neh sơlèt mờ tơnguh bơtàu tơl ală bơta. Kờ` geh cồng nha niam do, bơdìh mờ broă sền gròi, bơcri priă bơh Đảng mờ Dà lơgar, geh broă pơgồp bal dờng màng bơh ală kuang bàng lơh broă tàm [òn bè lo\ Rơ Ông Ka Ương, atbồ mpồl cau ùr [òn Bơnuer C dê.

Wă bol a` tàm hìu geh lơh niam mờ geh tơl ală phan ngui kas priă, lo\ Rơ Ông Ka Ương pà g^t: kờ` làng bol tàm [òn tam gơl broă lơh sa, lài jơh să tòm lo\ pal là cau lam lài tàm broă lơh. Tàm hơ\, 7 nam lài, 5 tàm 8 sào ù suơn kơphe neh kra hìu nhă lo\ neh tam gơl kờ` tam biăp mờ uă bơta jăt broă lơh pơdar bal tam. Tu\ go\ geh cồng nha bơh broă tơnguh bơtàu lơh sa hìu nhă dê, geh uă cau ùr tàm [òn neh tus bơsram bal mờ lơh jăt. Lo\ Rơ Ồng Ka Ương đơs: “Să tòm a` sùm dong kờl ală oh mi tàm [òn. A` geh hìu niam đam hàng, geh tơl phan ngui, mờ sền ală oh mi tàm [òn gam tìp uă kal ke den a` ờ su\k ơm ngan. Lài do, tài ờ g^t wă, ờ ngui broă lơh sa pa tàm broă lơh, den tàng ală oh mi cau ùr sùm ờ tơl sa, ờ tơl soh. Tu\ do, he neh g^t mờ khoa học, ngui tàm broă lơh sa, den tàng lam sồr ală oh mi cau ùr tàm [òn in đòm jăt bal. A` lơh ngan tus tơl hìu kờ` cri bơyai, dong kờl. Tu\ go\ ală oh mi geh rài kis tơl ngui tơl sa, geh hìu blơi rơndeh, oh kòn lòt bơsram tơl den a` chờ hờp ngan”.

Bơdìh mờ broă tam biăp ală bơta, hìu nhă lo\ Rơ Ồng Ka Ương gam tam ờ uă bơta bơkào koh ntê kờ` tăc mờ ală cau tus blơi bơh [òn dờng Dà Làc dê. Neh kờp jơh khà priă tă tàm broă lơh, pah nam, hìu nhă lo\ gam geh rơlao 300 tơlăk priă. Broă lơh sa hìu nhă lo\ Ka Ương neh gơs là broă lơh pơnrơ ngan kờ` làng bol tàm [òn tus bơsram bal broă mờng chài mờ ngui jăt bal. Kơnờm mờ hơ\, rài kis lơh sa làng bol tàm [òn Bơner C neh rơhời tơl ngui tơl sa, jơgloh rơ[ah neh rơhời tơn jơh.

Ờ mìng rơcang tàm broă tam gơl broă lơh sa kờ` làng bol tàm [òn tus bơsram bal, lo\ Rơ Ông Ka Ương gam lam lài tàm broă bơ\t bơtàu rài kis jăk chài, chài rơgơi. Lam sồr làng bol tàm [òn tam gơl broă lơh, sơbì ală broă lơh neh ờ geh cồng nha, tềm pềr priă tàm broă bơyai lơh chơ\t jê, jun bao… Lo\ Rơ Ông Ka Ương pà g^t: “Tu\ lài, tàm [òn gam jăt broă lơh bè ờs, hìu nhă gal cau, geh bơh 5 tus 6 nă kòn, drơng oh kòn in lòt bơsram ờ tơl. Mơya tu\ do ờ gam bè hơ\ tai, ală cau ndrờm neh tam gơl, g^t deh dùh di kơrhia tàm hìu nhă, tơl hìu mìng deh bơh 1 tus 2 nă kòn, kòn ùr kòn klao ndrờm bal lơm, bơh tu\ hơ\ drơng oh kòn in lòt bơsram tơl. Tu\ do, tàm [òn kung neh sơbì bơhiàn ờ niam bè broă bao kờ`, ha là bao mờ lo\ kòn kồ`. Hìu nhă pal gơboh gơbài, tam klăc bal”.

Đơs bè lo\ Rơ Ông Ka Ương, mò Lê Thị Nga, atbồ mpồl cau ùr thị trấn Lạc Dương, kơnhoàl Lạc Dương pơn ỳơ să pà g^t, do là kuang bàng tàm mpồl cau ùr [òn jăk chài ngan, pơgồp bal uă ngan tàm broă tơnguh jơnau g^t wă, tam gơl pa nùs nhơm kơlôi sơnơng tàm broă bơ\t bơtàu rài kis pa tàm tiah làng bol kòn cau: “Làng bol tàm do tam klăc bal uă ngan, bơh tàm broă lơh ală broă lơh sa, dong kờl bal ngai lơh broă, sơntìl phan tam, priă… mờ bi Ka Ương là cau lam lài tàm ală broă lơh do, dong kờl oh mi cau ùr tàm mpồl bal mờ làng bol [òn lơgar geh tơnguh bơtàu bal broă lơh sa. Mờ bi Ka Ương là 1 tàm ală kuang bàng lơh broă tàm mpồl cau ùr jăk ngan, là cau lam lài tàm mpồl cau ùr [òn bol a` dê. Tàm tơngai lơh broă pa do, bi sùm ndrờm dờp uă ngan cau pơn jờng, là cau lam lài kờ` uă oh mi bơsram bal”.

Tus còp [òn Bơnuer C, thị trấn Lạc Dương, kơnhoàl Lạc Dương, càr Lâm Đồng tu\ do, bol a` gơlơh nùs nhơm ngoh rơngăc ngan tềng đăp mờ tam gơl pa niam bơne\ ngan bơh làng bol kòn cau kis tàm do dê. Ală suơn kơphe neh kra, ală bă sre lời bơrlơu ngai lơi, tu\ do neh geh tam ală bơta biăp, bơkào, gùng lòt tàm [òn kung neh geh dă mờ bêtông, geh uă hìu geh lơh kơl jăp, niam bơne\ ngan… geh broă tam gơl pa dờng màng bè hơ\ là kơnờm mờ ală broă lơh, rơndăp broă bơcri priă bơh Đảng mờ Dà lơgar dê neh geh niam, bal mờ broă pơgồp bal dờng màng bơh ală kuang bàng lơh broă tàm [òn sùm lam lài tàm broă bơyai lơh sa mờ rài kis niam, tơnơ\ mờ hơ\, lam sồr, tam pà broă mờng chài kờ` ală làng bol tàm [òn geh bơsram bal. tàm broă tam gơl niam hơ\, geh bơnah pơgồp bal dờng màng bơh lo\ Rơ Ông Ka Ương dê, do là cau neh lơh ngan sơlèt mờ ală kal ke, lam sồr mờ dong kờl ală cau geh lơh ngan bal tàm broă lơh sa, klàs mờ rơ[ah, tus bal bơ\t bơtàu rài kis pa hờm ram mờ gơboh gơbài.

Cau cih mờ yal tơng^t Ndong Brawl