VOV4.K’ho - Coh plai futsal geh tus tàm càr Dak Lak di pơgăp mờr 10 nam pa do, mơya geh tơnguh bơtàu tơl tàm ală kơnhoàl, [òn drà tàm tiah sar lơgar ngài càr Dak Lak dê, mờ gơs là broă tàp pràn să jan geh uă làng bol tus bal mờ khà cau gal ngan.

Tơnơ\ mờ 5 jơ mho tàm ală ngai jơnkah tàm poh, Bi Vũ Kim Thành, lơh broă tàm Gah bơ\t bơtàu càr Dak Lak tơrgùm bal mờ ală cau lơh broă, bơyô tus [làng Tân Thái Long, tềng gùng Y Moan, sơnah [òn Tân Lợi, [òn dờng Buôn Ma Thuột nàng coh plai. Mờ bi, l^k tàm [làng coh plai tơnơ\ mờ tơngai lơh broă kal ke là chờ hờp ngan. Jăt bi Thành yal, càr Dak Lak tu\ do neh geh pơlòng coh plai Futsal gùt càr mờ geh tàm ală gah, mpồl lơh broă ndrờm geh mpồl coh plai tus bal pơlòng lơm. Bơdìh mờ ală dơ\ pơlòng coh plai, gam geh uă gam dơ\ coh plai kờ` tìp bal, geh dong kờl ală cau tàp pràn să jan mờ lơh kuèng bal, tam klăc bal mờ geh [uơn tàm broă lơh. Bi Thành đơs: “Tus bal tàp pràn să jan kờ` să jan pràn kơl dang, broă coh plai do geh ơwa` să uă ngan, geh jơh gùt să jan. Tàm lồi po den ală oh mi tơrgùm bal coh plai, ală môn ndai den ờ gal ờ tơrgùm bal, môn do geh mpồl mờ tă priă kung ờ uă rơlao, 1 nhai mìng tă 200 rơbô priă là coh jơh nhai tơn tàm ală ngai 3, 5, 7, geh poh coh 3 dơ\”.

{làng coh plai futsal ờ mìng geh tàp pràn să jan, tìp bal mờ gam là anih ròng nùs nhơm gơboh kờ`. Oh Vũ Tiến Đạt, bơsram ơdu\ 8, hìu bơsram kai 2 Phan Chi Trinh, [òn dờng Buôn Ma Thuột pà g^t, oh gơboh mờ coh plai bơh dềt mờ kờ` gơs cau coh plai bè ală bi, ală wa coh tàm mpồl coh plai dà lơgar dê. Oh Đạt yal: “Bơh dềt, oh neh gơboh mờ coh plai, 1 poh oh coh tus 4 dơ\, tus dờng oh kờ` gơs cau coh plai ngan. Oh chờ hờp ngan tu\ go\ mpồl coh plai lơgar Việt Nam mu\t bal tàm dar coh plai dunia World cup mờ oh kơ\p kờ` là tus dờng oh geh coh bè ală bi hơ\ dê sơl. Bơdìh mờ bơsram jăk, oh sùm tàp pràn să jan kờ` geh tơl pràn mờ tơl ngăc ngar tàm broă coh plai kờ` gơs cau coh plai ngan”.

Là cau tòm lơh 6 [làng coh plai futsal drơng tàm broă coh plai làng bol kis tàm [òn dờng dê, mò Vũ Thị Dung, kis tàm gùng Y Moan, sơnah [òn Tân Lợi, [òn dờng Buôn Ma Thuột pà g^t, tu\ do geh uă ngan cau tă priă lơh [l;àng coh plai futsal den tàng tam pơlòng uă ngan, [làng coh plai jo\ ngan hơ\ sồng geh bơsal wơl priă. Mơya, broă coh plai futsal sơlơ tơnguh bơtàu, den tàng do gam là broă bơcri priă lơh di pal. Mò Dung đơs: “Ală cau mè, bèp kờ`  bal mờ a` tu\ a` lơh [làng do; dơ\ 2 tai là lơh [làng do geh bơta pràn kơl dang ală cau in. Khà priă bơcri lơh [làng ờ hềt geh bơsal wơl priă, a` kơlôi là kờ` pờ niam càr in tàm broă lơ sơlơ ngai sơlơ geh pràn rơlao, a` go\ bè hơ\ den tàng a` tă priă lơh”.

Jăt gah chài rơgơi-tàp pràn să jan mờ nhơl chờ càr Dak Lak yal, geh di pơgăp mờr 10 nam pa do, broă tàp pràn să jan tơnguh bơtàu ngan là môn coh plai futsal tàm càr Dak Lak geh hòi jà uă cau tus bal, den tàng gah lơh boă do ai tơl bơta kờ` ală cau, mpồl cau tă priă lơh [làng drơng tàm broă coh plai làng bol in. Ồng Hoàng Trung Kiên, kuang atbồ anih lơh broă gơwèt gah chài rơgơi-tàp pràn să jan mờ nhơl chờ càr Dak Lak pà g^t: “Bơh nam 2008, broă coh plai futsal tơnguh bơtàu bơh [òn dờng tus mờ ală kơnhoàl tiah sar lơgar ngài. Ală anih lơh sa kă bro, cau bơcri priă neh lơh [làng coh plai, tu\ lơh den broă coh plai càr dê sơlơ ngai sơlơ tơnguh bơtàu. Bơh tàm [òn dờng lài ngan, mìng rơ\p geh 8 [làng, tu\ do, gùt càr neh geh mờr 300 nơm [làng. Bè broă coh plai den geh uă ngan, bơh ală kơnòm dềt, tus mờ ơruh pơnu mờ tus mờ ală cau dờng sơnam sơl”.

Broă mpồl coh plai Futsal Việt Nam geh mu\t bal tàm dar coh plai dunia (World cup) tàm lơgar Colombia tàm lồ nam do gam lơh chờ hờp ngan tus mờ ala cau sền. Mờ ală cau coh plai Futsal mờ bơcri priă lơh [làng coh plai Futsal, den do sơlơ geh bơta niam bơne\ ngan. Broă tàp coh plai Futsal geh pơn jăt tai tơnguh bơtàu rơlao tàm tơngai tus mờ môn coh plai do lơgar Việt Nam dê geh tai ală cồng nha dờng màng.

        Cau cih mờ yal tơng^t Ndong Brawl