VOV4.K’ho - Tàm ala\ nam do, bal mờ broa\ kham sơm kòp tus cau kuang,  cau ling tàm mpồl,  cơldu\ kham sơm kòp ling klàng mờ làng bol lơh bal bơh Cau ling sền gàr tiah nhàr lơgar càr Daklak lơh broa\ sùm la la anih pin dờ` bơh làng bol tiah nhàr lơgar. Ala\ cau lơh sơnơm la cau ling sền gàr tiah nhàr lơgar neh pơ gồp bal lơh  niam rlau tai bơta tam klac ling klàng mờ làng bol, attê bal sền gàr tiah nhàr lơgar niam mờ bơtàu tơngguh. Jơnau tơnơ\ do geh  yal wơl tềng  ala\ cơldu\ kham sơm kòp ling  klàng làng bol bơh cau ling sền gàr tiah nhàr lơgar càr Daklak.

            Bơh [òn dờng Buôn Ma Thuột, tiah tam gùl tờm bơh càr Daklak, lòt gan gơl gùng rlau 120 kơi sồ, gan ala\ brê  dờng tơngai prang duh, bol a` hơ\ sồng geh tus cơldu\ kham sơm kòp ling klàng làng bol bal, bơh cau ling sền gàr nhàr lơgar geh lơh tàm ntum Ia Rvê, kơnhoàl Ea Sup. Hìu lơh broa\ geh lơh niam, geh cơldu\ kham,  cơldu\ ơm piam kòp mờ 1 cơldu\ la anih ơm bơh cau lơh sơnơm, geh lơh 2 nam lài kơnờm bơh broa\ lơh “Nùs nhơm Trường Sơn”. Do la anih geh kham sơm kòp sùm ờ sa pria\ mờ sền gàr pràn kơldang sa\ ja` tus ala\ làng bol 5 [òn jat gàr tiah nhàr lơgar ntum Ia Rvê. Bal mờ broa\ kham sơm kòp, pah nhai, ala\ cau lơh sơnơm gam geh lơh bal mờ hìu sơnơm ntum Ia Rvê bơyai lơh cit sơnơm rcang lài kòp tus ala\ kơnòm dềt, pơlam làng bol rcang sơndra\ ala\ bơta kòp tê jê sa\, mờ geh mut lơh ala\ dơ\ bồm sơnơm,  iu\ kơmùng tàm dà sơnơm sơndra\ mờ sơmac. Mò Nông Thị Cầu, kis tàm [òn 5, ntum Ia Rvê, kơnhoàl Ea Sup boh bơr:“Geh hìu sơnơm tàm do,  pah tu\ gơbàn kòp tê jê sa\ den la bol a` geh cau lơh sơnơm kham sơm kòp dong kờl jơh nùs ngan mờ ala\ cau kra, kơnòm dềt pah dơ\ kòp drờm geh cau ling sền gàr nhàr lơgar, geh cau lơh sơnơm dong kờl, bol a` geh gơ lơh  bè pơn dờm mờ iang nùs lơh broa\ lơh sa”.

            {òn Drang Phôk gơ ơm  cah is tàm gùl brê dà lơgar Yok Đôn, ngài mờ tam gùl kơnhoàl Krông Na, kơnhoàl Buôn đôn rlau 20 kơi sồ gùng ù. Mờr 20 nam do, kơnờm geh cơldu\ kham sơm kòp ling klàng làng bol lơh bal bơh pôs ling sền gàr nhàr lơgar Srepok sền gàr pràn kơldang sa\ ja` mờ  [òn do ờ gam gơbàn kòp mprơm, kòp prơm gơtuh mhàm. {òn Drang Phôk kung ờ gam gơlik geh ala\ cau gơbàn khih phan sa chơt sơnđàc tài di sa bơsềt khih, sa poac kit trồ, …bè ờ ua\ [òn tàm làng bol  tiah sar lơgar ngài tàm Tây Nguyên. Ồng Y Không  làng bol tàm [òn Drang Phôk boh bơr,  hơ\ la kơnờm ngan geh mpồl cau ling sền gàr nhàr lơgar sùm geh đềt mềr  bal mờ drơng  pràn kơldang sa\ ja` làng bol in, geh pơlam làng bol  tam dra\ mờ kòp tê jê sa\ mờ gơbàn khih phan sa:“Làng bol bol a` kis tàm tiah sar lơgar ngài, lài do tu\ kòp tê jê sa\ kung ờ geh  cau lơh sơnơm  hala hìu sơnơm sơm kòp lơi ờ. Tu\ do,  den geh cau ling sền gàr nhàr lơgar 743 dong kờl, hơ\ sồng gah atbồ cau ling sền gàr nhàr lơgar sùm geh dong kờl pà sơnơm, kham kòp. Dilah làng bol tàm [òn [òl a` cau lơi gơbàn kòp den geh pà sơnơm tus hờ hìu mờ dong làng bol tiah sar lơgar ngài bol a` bời kòp. Bol a` git ưn ngài cau ling ua\ ngan”.

            La anih tus pin dờ` ngan bơh làng bol tiah nhàr lơgar, mơya ala\ cơldu\ kham sơm kòp bơh ling klàng làng bol lơh bal bơh cau ling sền gàr tiah nhàr lơgar càr Daklak gam ờ hềt lơh geh jơh bơta kơp kờ` bơh làng bol, tài bơh gam ua\ ngan kal ke bơh ờ tơl srap bơta. Đại uý Đỗ Văn Diện drơng broa\ cơldu\ kham sơm kòp ling klàng làng bol tàm ntum Ia Rvê, kơp  kờ`,  bal mờ ala\ mpồl cau ling sền gàr tiah nhàr lơgar, ala\ gah sơnah lơh broa\ geh attê bal ta\ pơ gồp nàng geh ua\ tai sơnơm tơm ba mờ phan bơna drơng broa\ kham sơm kòp làng bol in niam rlau:“Làng bol tàm  do ua\ ngan mìng la làng bol kòn cau. Gùng tus hờ hìu sơnơm ntum den ngài ngan, den tàng ua\ ngan mìng tus hìu sơnơm  ling klàng làng bol lơh bal do la tờm ngan. Mơya,  khà sơnơm ai làng bol in den gam ờ tơl ua\ ngan. Dơ\ 2 tai la bè phan bơna ma\y mok ngui tàm broa\ kham sơm kòp den mìng  geh ai bơh  Atbồ gah ling sền gàr tiah nhàr lơgar, den tàng mìng gơtùi kham sơm kòp suh bè ờs lơm, ai kòp kơnjơ\ den la ờ hềt gơtùi kham sơm kòp”.

            Bal mờ mpồl cau lơh sơnơm la cau ling sùm lơh broa\ tàm cơldu\ kham kòp,  cau ling sền gàr tiah nhàr lơgar càr Daklak kung gam sùm geh bơyai lơh ala\ dơ\ tus kham sơm kòp, phà sơnơm ờ sa pria\ ai làng bol tiah nhàr lơgar. Do kung la tu\ nàng geh sền gròi, sền wơl bơta gơbàn kòp jê tàm tiah do,  nàng geh  rơndap niam wơl cồng nha bơh broa\ lơh kham sơm kòp bơh cơldu\ kham sơm kòp  ling klàng làng bol, mờ tam pà bè ala\ kal ke  bal mờ làng bol. Thượng tá Âu Chiến Thắng atbồ  lơh sơnơm ling klàng làng bol bơh cau ling sền gàr tiah nhàr lơgar càr Daklak, đơs:“Bol a` kung  go\ git ua\ ngan bơta ờ tơl, bơta ờ geh mờ tàm tiah do la làng bol ờ hoan ngan geh  ngui ala\ broa\ lơh kham sơm kòp  bè ala\ broa\ lơh dà lơgar sơndra\ mờ kòp tê jê sa\. Mờ bơta kơp kờ` tam pà ala\ kal ke bè kòp jê, ala\  kal ke bơh trồ tiah, tiah nhàr lơgar cèng wơl, den bol a` kung geh pơnjat tai geh lời ua\ tơngai rlau tai nàng geh sền gròi tus mờ làng bol, kung bè ala\ kơna\  gơnoar, ala\ gah lơh  broa\ tus bal at tê bal bal mờ làng bol sền gàr pràn kơldang sa\ ja` niam nàng pơnjat tai  geh ơm kis sền gàr  tiah nhàr lơgar, bơt bơtàu [òn lơgar”.

            Tiah sar lơgar ngài bềng tơngai mờ càl Tây Nguyên, ala\ cau lơh sơnơm la cau ling sền gàr tiah nhàr lơgar gam pơ gồp bal lơh niam rlau tai bơta tam klac ling klàng làng bol, attê bal sền gàr kơljap gơnoar tờm tiah nhàr lơgar, gàr kơljap tiah nhàr lơgar Daklak niam ngap lơngai mờ slơ ngai slơ bơtàu tơngguh rlau tai.

                   Cau cih mờ yal tơnggit K’ Brọp