VOV4.K’ho- Bơh ală sơntèk khòm tơrgùm jơh khàr sơnơm sền gàr phan tam geh ơn jăt kềng gah ală gơl gùng bơdìh [òn dờng, kềng gah ală rbòng dà tàm ală xã, broă khòm tơrgùm kơldung prăp sơnơm sền gàr phan tam tàm kơnhoàl Cư Mgar, càr Dăk Lăk neh gơ gơs cồng nha rlau. Mờ jơnau gi\t wa\ bơh làng bol dê bè broă lơh jăt is broă tam cah sồ siă khih [ơ\ nàng khòm tơrgùm bal dùl anih kung geh tơnguh tai. Bơh hơ\, pơgồp bơnah niam ngan tàm broă sền gàr tiah ơm kis tàm tiah do.

Pa khòm tơrgùm gơnru khàr sơnơm sền gàr phan tam neh jơh ngui nàng ơn tàm kơldung nilong tơnơ\ hơ\ kơ\t niam wơl, ồng Huỳnh Xanh, ơm tàm thôn Tiến Phát, xã Quảng Tiến, kơnhoàl Cư Mgar, càr Dăk Lăk pà gi\t: Do là sồ siă tuh bơdìh khih jơlai ngan den tàng pal ơn is, cèng tus tiah khòm tơrgùm bal dùl anih nàng jun lòt tơ\p pơrgu\c. Mờr 3 nam do, kờp bơh tu\ geh sơntèk khòm tơrgùm khàr sơnơm sền gàr phan tam ơn tơn kềng àr lo\ sre, kềng gah bă sươn mìr, mờ geh tai đoàn viên, ơruh pơnu tàm xã jơh nùs ngan mblàng yal ồng Huỳnh Xanh mờ uă làng bol ndai gùt dar ù tiah do neh rơhời tam gơl bơta mờng quèng. Tơnơ\ pah dơ\ ngui, ală kơldung, khàr sơnơm sền gàr phan tam ndrờm geh khòm tơrgùm ơn is mờ tuh tàm sơntèk pơdơng sồ siă. Ồng Huỳnh Xanh yal: Sồ siă tuh bơdìh do mờ he ơn tàm dơlam do den sàng goh rlau, [ươn prăp gàr rlau, kơryan geh [ơ\ [ơl tiah ơm kis. Kuơmàng là dilah jơh tơl nă cau ndrờm geh bơta gi\t wa\ lơm den cau lơi kung sơrbì jơh tàm hơ\, bè hơ\ là pràn rlau mờ sồ siă tuh bơdìh do ờ go\ sơrbì khăt gơboh gơlềng gơlàng tai.

Đoàn viên mblàng yal làng bol in bè broă ngui sơntèk khòm tơrgùm sồ siă

Bi Nguyễn Văn Hải ơm tàm thôn Tiến Phú, xã Quảng Tiến, kơnhoàl Cư Mgar đơs là, ală sơntèk khòm tơrgùm sồ siă geh ơn tàm ală gùng tờm lòt tus hờ sươn sre den tàng [ươn ngan ai làng bol tàm tiah do in. Làng bol tàm do mìng lơh broă sa sươn sre lơm, tam ală bơta tờm phan sa mờ chi jo\ nam den tàng khà sơnơm sền gàr phan tam geh ngui pah nam là uă ngan. Hìu bơnhă bi kung ngui uă phan bơna bè sơnơm gơ sơ\t nhơ\t, gơ sơ\t tu, sơnơm lơh mhar geh bơkàu geh plai ai chi tam in tàm ală tơngai krơi is tàm nam. Lài do, ndrờm bè ală kơldung, khàr sơnơm tơnơ\ tu\ jơh ngui den geh ơn prăp bal mờ sồ siă tuh bơh broă ơm kis pah ngai halà sơrbì tơn tềng àr lo\ sre, bă sươn mìr. Mơya bơh tu\ geh ală sơntèk tuh sồ siă den bơta do neh gơmù uă ngan. Ồng Nguyễn Văn Hải, đơs: Tàm do, den kung sơrbì tàm do halà bơh ală gơl gùng rbòng dà do là cau sùm sơrbì tềng hơ\. {ươn gùng lơi den cau sơrbì tàm sơntèk prăp tàm gơl gùng hơ\, geh anih là cau prăp tàm hơ\. Ală sơntèk khòm tơrgùm sồ siă do den [ươn ngan ai cau in khòm tơrgùm bal dùl anih, ai dilah ờ geh den cau sơrbì khăt gơboh gơlềng gơlàng ngan.

Bơh tu\ geh sơntèk khòm tơrgùm, bơta mờng quèng bơh làng bol dê kung rơhời tam gơl sơl, ờ huan tai sơrbì khàr, kơldung sơnơm sền gàr phan tam khăt gơboh gơlềng gơlàng tàm tiah ơm kis

Bi Nguyễn Thị Ngọc Ánh- Phó Bí thư Đoàn xã Quảng Tiến, kơnhoàl Cư Mgar, càr Dăk Lăk pà gi\t, jơh gùt xã tu\ do geh 9 sơntèk khòm tơrgùm kơldung, khàr sơnơm sền gàr phan tam ơn tàm jơh ală thôn. Bơh nam 2017 tus tu\ do, ală sơntèk do neh geh làng bol ngui sùm. Pah nam, đoàn ơruh pơnu xã dê ai cau lòt lơh broă bơh 2 tus 3 dơ\ lòt khòm tơrgùm sồ siă tuh bơdìh tàm ală sơntèk nàng jun lòt bơsong, tơ\p pơrgu\c. Bal mờ bơta mblàng yal bơh ală đoàn viên, ơruh pơnu dê, khà sồ siă tuh bơdìh bơh lơh broă sa sươn sre khòm tơrgùm geh pah nam ngai sơlơ uă rlau, kờp bal bơh 300 ki\ tus 400 ki\ sồ siă pah nam, neh pơgồp bơnah niam ngan tàm broă tơrmù [à sồ siă tuh bơdìh khih jơlai gơtìp sơrbì khăt gơboh gơlềng gơlàng tus tàm tiah ơm kis. Bi Nguyễn Thị Ngọc Anh, đơs: Bơh sơnrờp geh uă ngan kal ke, pơnyơu bè làng bol sơrbì uă ngan sồ siă tàm bơrlu\ bal tàm hơ\. Đoàn ơruh pơnu pal pơs wàs khòm tơrgùm mờ tam cah wơl. Ala tài bè hơ\ den bol a` pal mblàng yal, hòi jà làng bol sùm là tơrgùm tàm broă là sơntèk khòm tơrgùm khàr, kơldung sơnơm sền gàr phan tam den mìng geh sơrbì ală khàr sơnơm sền gàr phan tam neh ngui lơm. Rơhời den kung gơ gơs dùl bơta mờng quèng sơl, gơ wèt mờ làng bol den broă khòm tơrgùm kung ờ huan glar bòl ir rlau. Làng bol kung prăp kơ\t niam wơl ală khàr kơldung sồ siă, sơrbì sồ siă kung ờ gam tàm bơrlu\ bal bè lài tai den kung [ươn sơl ai broă ai bol a` in khòm tơrgùm sồ siă.

Jăt bi Y Wal Mlô, Bí thư Huyện Đoàn kơnhoàl Cư Mgar, càr Dăk Lăk yal, tus tu\ do kơnhoàl Cư Mgar geh 80 nơm sơntèk khòm tơrgùm kơldung khàr sơnơm sền gàr phan tam geh lơh tàm uă tiah krơi is. Ală sơntèk do neh lơh geh cồng nha tàm broă dong ai tiah ơm kis [òn lơgar in geh sền gàr niam rlau, ală bơta sồ siă khih jơlai geh khòm tơrgùm mờ bơsong dipal. Bal mờ hơ\, jơnau gi\t wa\ sền gàr tiah ơm kis bơh làng bol dê dê kung geh sơlơ tơnguh loh làng, khi neh rơcăng lài is tam cah sồ siă, ờ sơrbì bal sồ siă tuh bơh lơh broă sa sươn sre bal mờ ală bơta sồ siă krơi is ndai, bơh hơ\ dong kờl uă ngan rlau ai broă khòm tơrgùm in. Bi Y Wal Mlô, đơs: Tu\ do, 100% ù tiah xã, thị trấn bơh kơnhoàl Cư Mgar dê neh geh sơntèk khòm tơrgùm khàr, kơldung sơnơm sền gàr phan tam. Bulah bè hơ\, tơngai mờr tus den Huyện đoàn geh hòi jà, pơgồp bal mờ ală gah mpồl nàng pơn jăt tai lơh ală sơntèk khòm tơrgùm kơldung khàr sơnơm sền gàr phan tam, mơkung geh lơh tai bơtô tuh sồ siă lề is. Tu\ do, bàr pe xã neh lơh niam ngan broă do.

Pah nam, đoàn viên ơruh pơnu ai cau lòt lơh bơh 2 tus 3 dơ\ nàng khòm tơrgùm sồ siă tàm ală sơntèk ơn pơdơng

Kơnhoàl Cư Mgar tu\ do geh pơgăp 70 rbô lồ ù lơh sa sươn sre, tam uă bơta tờm chi tam jo\ nam mờ tờm chi sa plai geh priă jền lơh sa uă. Den tàng bè hơ\, khà kơldung, khàr sơnơm sền gàr phan tam geh ngui pah nam là uă ngan. Mờ ală broă lơh khòm tơrgùm sồ siă tuh bơdìh bơh lơh broă sa sươn sre gam geh lơh, neh dong cau lơh broă sa tam gơl rơhời bơta mờng quèng sơrbì kơldung, khàr sơnơm sền gàr phan tam tềng àr lo\ sre, tềng gah bă sươn mìr tơnơ\ tu\ ngui, bơh hơ\ pơgồp bơnah sền gàr tiah ơm kis làng bol dê sàng goh niam bơne\ rlau. 

            Cau cih H’Xíu H’Mốc- Cau mblàng Lơ Mu K’Yến