VOV4.K’ho - Tơnơ\ mờ 5 nam mut lơh broa\ lơh jàu pria\ sền gàr brê, mùl màl ai go\,  broa\ ala\ cau tờm brê la ala\ mpồl bơyai lơh jàu khoàn brê ai tus mpồl bơtìan cèng wơl cồng  nha niam, mờ mùl màl la dơ\ gơbàn tìs adat boh lam sền gàr brê neh gơmù ua\ ngan,  brê geh sền gàr dờng  niam. Jơnau tơnơ\ do, geh lơh loh rlau cồng nha broa\ lơh jàu atbồ sền gàr brê làng bol [òn in.

            Mpồl lơh broa\ sa dùl na\ sa\ is chi brê Đak Tô la dùl tàm mpồl geh pơnrơ ngan  tàm broa\ jàu khoàn brê tus mpồl bơtìan [òn sền gàr. Lài do,  tu\ ờ  hềt jàu khoàn brê làng bol  in, bulah geh lơh ngan mbè lơi, geh lơh bồ do den geh ha bồ ne, geh lơh ua\ ngan brê gơbàn cau kơnhau kơl. Jơnau do geh tam gơl ngan jơh tu\ atbồ mpồl geh git,  ờ cau lơi sền gàr brê niam rlau mờ làng bol tàm [òn. Geh  dong kờl bơh broa\ lơh sền gàr brê geh jàu pria\, tus tu\ do, mpồl lơh broa\ sa dùl na\ sa\ chi brê Đak Tô neh jàu khoàn tus 25 [òn di 6 ntum tàm 2 kơnhoàl Đak Tô mờ Tu Mrông sền gàr ba\ brê mpồl dê. Mùl màl geh ai go\,  tu\ brê geh jàu khoàn làng bol [òn in sền gàr den  dơ\ gơbàn tìs adat sền gàr brê gơmù, brê geh sền gàr niam rlau. Ồng Nguyễn Thành Chung kuang atbồ mpồl atbồ mờ la gơnoar atbồ mpồl lơh sa dùl na\ sa\ chi brê Đak Tô ai git: go\ geh bơta kuơ bơh tàm brê, làng bol ua\ [òn  gam geh tus is bal mờ mpồl tam  wơl brê tàm ala\ ba\ ù mờ lài do neh  sơ gràm mus lơh mìr:“Broa\ lơh bơh mpồl lơh sa bol a` dê la tam brê la tam làng bol in. Bơh nam sơnrờp  tus nam dơ\ 4 tàm broa\ tam,  sền gàr làng bol geh dờp pria\ tam, sền gar, atbồ brê. Nam dơ\ 4 hơ\ sồng làng bol dờp geh pria\  jàu khoàn sền gàr brê. Hìu nha\ lơi mờ tam niam, sền gàr niam bơh nam dơ\ 8 tờm  nho dờng,  tờm dờng ring làng bol geh còr chài  nho geh ua\ rlau”.

            Tam pà bơta mờng tàm broa\ atbồ sền gàr brê, ồng Dương Văn Trị atbồ anih lơh broa\ sền gàr brê kơnhoàl Kon Braih song dơpa\ đơs,  bơta jàu khoàn brê ai ala\ hìu nha\ làng bol mờ ala\ mpồl cau tờm  brê  tàm kơnhoàl gam mut lơh neh gơbàn go\ gam geh ờ ua\ bơta ờ niam. Bồ nam 2016, gah lơh broa\ jàu pria\ sền gàr brê kơnhoàl neh pal ơm ing broa\ jàu pria\ nàng  jàu wơl kes pria\ sền gàr mờ bơtàu tơnguh brê càr Kontum khà pria\  rlau 100 tơlak pria\,  bơh 21 hìu nha\. Tài bơh ala\ hìu  do neh lời gơlik geh bơta tơnhàu  chi brê tìs tàm  ba\ brê geh jàu at bồ sền gàr mờ ờ ua\ ba\ brê ờ tơl bơta nàng jàu pria\ sền gàr brê. Ồng Dương Văn Trị đơs tờm, broa\ lơh jàu khoàn brê ai tus [òn in sền gàr la di pal  rlau mờ bơta mùl màl tu\ do:“Jàu  ai tus tơl hìu nha\ la geh lòt sền gàr brê kung bè ờ  geh cau sền gròi mơya di lah jàu brê [òn in sền den  ồng atbồ [òn,  kra [òn ồng geh jàu tơngai, bè ngai do 3 na\ cau lòt sền  la ồng geh chấm công, ồng geh lơh tềl. Dilah ờ lòt den ờ lơh tềl.  Tơnơ\ do pria\ hơ\ geh ai [òn in,  mpồl atbồ cau hơ\ geh  tơlik sra\ chấm công mut tàm brê, ồng do niam ngai do ồng do lòt sền brê, ph do ồng do den gơ hơ\ sồng geh cồng nha.  Cau lòt  cau geh yal wơl  cau ờ  lòt.  Cau lơh niam geh yal cau lơh ờ niam. Bơh mpồl bơtìan khi geh bơta tam pơr lòng tàm hơ\. Dilah jàu khoàn hìu nha\ in den a` go\ cồng nha gơ cèng wơl ờ jơnhua rlau. Geh ala\ tu\ tu\ geh jàu ồng hơ\ gam pram jơt nđờ,  prau jơt. Tơnơ\ 10 nam jàu ồng hơ\ in, neh  rlau 70 sơnam bloh ờ gam   pràn gơtùi lòt brê tai”.

            Mpồl lơh broa\ sa dùl na\ sa\ chi brê Kon Plông tu\ do gam atbồ rlau 56 rbô lồ brê mờ ù chi brê, tàm hơ\ geh mờr 35 rbô lồ geh tơl bơta nàng jàu pria\ sền  gàr brê. Tơngai bơh nam 2011-2015, mpồl neh lơh broa\ bal mờ 665 hìu nha\, cau dùl na\ sa\ mờ 7 [òn làng bol,  mpồl sền gàr brê. Ồng Vũ Văn Bắc  gơnoar atbồ mpồl ai git: dờp go\ geh broa\ jàu brê ai hìu nha\, cau dùl na\ sa\ in atbồ ờ geh cồng nha niam rlau mờ jàu [òn in, bơh bồ nam 2016, mpồl geh jàu jơh brê ai tus 41 mpồl [òn,  làng bol [òn tàm  30 [òn. Jat ồng Bắc, nàng chồl guh bơnga\ bơh mpồl bơtìan tàm broa\ sền gàr brê, mpồl atbồ brê kờ` pal geh broa\ lơh lam sồr, pơnjờng kra [òn, cau geh bơnga\ pin dờ` mờ cau nhap  nhar tàm broa\ sền gàr brê tàm [òn:“Mờ làng bol kòn cau, cau geh bơnga\ tàm [òn den kuơ màng ngan den tàng jàu ồng hơ\ in mờ he  pal geh ai bơnga\ ồng hơ\ in den hơ\ sồng gơ dờp niam, ai bè ờs den mìng jàu broa\ ồng hơ\ in mờ ờ geh  pria\ jền  mờ ờ  rềp mềr mờ ồng  hơ\ den kan ngan. A` bơyai lơh pơrjum kra [òn, atbồ [òn tàm [òn, tàm mpồl hìu nha\ cau  lơi nhap nhar lòt atbồ sền gàr brê jơh nam tu\ lơi  tơnjơh broa\ lơh kung geh jờng”.

                             Cau  cih mờ yal tơnggit K’ Brọp