VOV4.K’ho- Trạm Hành là dùl xã tiah rềp kềng Dà Làc dê, ngài mờ tiah tờm [òn dờng rlau 3 kơi sồ. Bulah là xã geh dờp geh tơl khà [òn lơgar pa, mơya dà drơng tàm broă ngui sa mờ rài kis pah ngai bơh làng bol tàm tiah do dê gơtìp ờ tơl wơl uă ngan. Jơnau pal đơs là, bulah ală gùng ding dà sàng kloh neh geh lơh tus tơn tàm tơl hìu làng bol dê bơh 7 nhai lài, mơya tus tu\ do kung gam ờ hềt geh sơl dà lơh làng bol ờ suk ngan..

Bơh jo\ do, dà ngui sa tàm rài kis pah ngai bơh hìu bơnhă ồng Nguyễn Văn Tuấn, kis tàm [òn Trạm Hành 1, xã Trạm Hành, [òn dờng Dà Làc, càr Lâm Đồng ndrờm bơ\ dà tơrlung tờ nàng ngui sa. Bulah gi\t sơl là dà do gơtìp uă ngan dà mbring, ờ tơl kloh mơya hìu bơnhă ồng kung gam pal kong sơl ngui sa tài bơh ờ gam geh dà lơi tai nàng ngui sa. Ồng Nguyễn Văn Tuấn, pà gi\t:

“Làng bol bol a` tàm do kờn ngan dà. Tu\ do, dà tàm do gơtìp [ơ\ [ơl jơh rlau 80%, 10 nơm dà tơrlung den neh jơh 8 nơm dà tơrlung là gơtìp [ơ\ [ơl. Kơnă hơđang lơh bè lơi lơh dà ngui sa sàng kloh gờn ngai lơi den sơlơ niam ai ngai hơ\ in den làng bol kung ờ gơtìp bòl glar ngai hơ\ sơl”

Xã Trạm Hành geh 1200 hìu làng bol, bal mờ rlau 4 rbô nă cau, tàm hơ\ rlau 500 hìu làng bol tàm 2 [òn Trạm Hành 1 mờ Trạm Hành 2 sùm pal ko\ng mờ rài kis ờ geh dà ngui sa uă ngan tài bơh dà tơrlung tàm do gơtìp dà mbring uă ngan. Nàng lơh geh dà, tơn jơh bơya tơhìr dà ai làng bol in, bồ nam do, càr Lâm Đồng ai gơnoar lơh rơndăp broă lơh dà sàng kloh bơh Chính phủ Đan Mạch dong kờl tàm 2 [òn do.

Ồng Nguyễn Văn Châu, Kuang atbồ [òn Trạm Hành 2 pà gi\t: gùng dà pơđì dà neh lơh jơh tus tàm tơl hìu bơh 7 nhai lài, làng bol ơm kơ\p sùm kờn gờn geh dà sàng kloh nàng ngui sa, mơya tus tu\ do kung gam ờ hềt geh dùl ntờc dà lơi sơl gơ tus tàm do. Làng bol ờ suk mờ đơs den geh ală anih lơh broă geh gơrềng đơs bè do:

“Tu\ lơh ală gùng ding dà, sền go\ dà ờ hềt rê tus den là khi koh te\. Anih lơh broă geh gơrềng đơs là tu\ lơi lơh jơh gùng den hơ\ sồng jun dà rê tus”.

Tàm tu\ hơ\, jat ồng Nguyễn Văn Thắng, Kuang atbồ Uỷ ban Nhân dân xã Trạm Hành, [òn dờng Dà Làc dê đơs, xã Trạm Hành là dùl xã geh dờp geh tơl khà [òn lơgar pa mơya ờ geh wơl dà sàng kloh ngui sa tàm rài kis là jơnau ờ gơtùi dờp ngan. Den tàng bè hơ\, gơnoar atbồ xã, mờ [òn dờng Dà Làc neh geh sră nggal sồr Kông ti lơh ai pà mờ yuh dà càr Lâm Đồng gờn sền gròi bơsong bơta do. Ồng Nguyễn Văn Thắng, đơs bè do:

“Tàm ù tiah xã Trạm Hành uă ngan là làng bol ờ geh dà sàng kloh ngui sa. Uỷ ban Nhân dân xã, [òn dờng Dà Làc kung neh geh sră sồr Kông ti lơh ai pà mờ yuh dà càr Lâm Đồng mhar geh broă lơh, ală broă lơh gờn bơsong, dong kờl nàng làng bol geh tơl dà ngui sa tàm rài kis pah ngai”!

Cau cih mờ yal tơnggi\t- Lơ Mu K’ Yến