Mờ 8 nam lơh broa\ tàm hìu  sơnơm quân dân y- Mpồl atbồ cau ling càr Dak Nông, Trung úy Hà Thúc Hiền geh ua\ ngan jơnau bơceh geh ngui geh cồng nha tàm bơta mut lơh broa\ kham sơm kòp, bè: Đèng reh àng ồs mriềt,  dong geh tơl àng ồs nàng  lơh geh cồng nha jơnhua tàm broa\ reh cau kòp, ma\y jồp kơnhà, geh ngui tàm  dong cau kòp gơbàn ờ gơtùi ta\ nhơm bơh ờ niam gùng ta\ nhơm. Trung úy Hà Thúc Hiền tam pà,  bi sùm jơh nùs ngan jơnau bơto bơtê bơh Bác Hồ tus mờ gah lơh sơnơm den ‘’Cau lơh sơnơm bè cau mè’’, sùm geh lơh ngan nàng bơsram broa\ lơh, drơng tus broa\ lơh sơm kòp, sền gàr pràn sa\ ja` tus cau tàm mpồl bal mờ làng bol [òn lơgar. Trung úy Hà Thúc Hiền ai git:

Sa\ tờm a` tu\ do gam lơh broa\ tàm gah lơh sơnơm den a` sùm pal cih kah la cau lơh sơnơm bè cau mè niam, cau lơh sơnơm jak  mơ kung  bè cau mè niam, he pal lơh ngan bơsram, broa\ lơh niam nàng ba` lơh  roh bơta pin dờ` làng bol dê. Broa\ bơsram mờ lơh jat ơnà jak Bác Hồ jat a` sơnơng la pal bơsram bơh Bác Hồ bơh ala\ bơta dềt rhềt rlau jơh, pah ngan nàng  geh lơh di  bơta kờ` làng bol dê geh bơta kờ` kham sơm kòp tàm hìu  sơnơm dân quân y.

Ờ mìng tàm cau kuang, cau geh Đảng, broa\ bơsram, lơh jat nùs  nhơm mờ ơnà jak Bác Hồ dê gam gơ rề ơnàng tàm làng bol. Mò Lê Thị Kim Liên, dùl na\ cau pas pria\ tơmàn  tàm [òn 17 xã Nhân Cơ, kơnhòal Dak Rlấp boh bơr:’’ Mò cih kah ngan jơnau Bác Hồ bơto ‘’Lơh broa\ la jak chài’ den tàng neh sơrlèt  ua\ ngan kal ke, bòl glar, nàng lơh gơs geh cồng nha tàm ba\ ù 13 lồ chi tam kong nghiệp ala\ bơta hìu nha\ dê, mơ kung gam dong bal geh ua\ ngan hìu nha\ làng bol kòn cau brồ guh bơt bơtàu lơh sa hìu nha\. Mò Lê Thị Kim Liên yal:

Bác Hồ  bơto cau lơh broa\ sa lơh broa\ la kờ` gơboh dà lơgar, a` tu\ lơi kung geh nùs nhơm lơh broa\ jơnhua ngan, tam klac, bơt bơtài,  tam pà,  geh đơs bơta jơh nùs ngan. Rài kis a` dê ơm rềp ba mờ cau kòn cau,  a` tu\ lơi kung tam pà mờ khi bơh tu\ pơgap mờ do di 20  sơnam  bloh,  bơh tu\ rbah a` tam pà tơl mbat phe, pơnai boh mờ khi. Tu\ do den a` tam pà broa\ lơh,  tam pà khi in  bơta pơlam lơh broa\,  sa\ tờm a`  pơlam khi lơh tơn.

Ala\ jơnau mờ bơta mờng bè bơsram mờ lơh jat ơnà jak bơh Bác Hồ dê, geh tam pà wơl jơnau tàm  dơ\ tam tìp mờ mùl màl neh gơ lời geh bơta niam tơl na\ cau in. Git wa\ bè broa\ bơsram, mờ lơh jat ơnà jak Bác Hồ dê ờ mìng la bơta dờng màng ờ mờ la đềt mềr, ngan ngồn tus mờ rài kis, broa\ lơh-bơh ala\ bơta dềt ngan geh  ai go\ bơh ala\ cau pơnrơ jak.

                                                                         Cau cih mờ yal tơnggit K’ Brọp