VOV4.K’ho- Tềng đap ală gơlik geh nisơna bơh trồ tiah dê, cau lơh broă sa tàm càr Dak Nông neh rơcang lài tam gơl sơntìl chi tam, dong gàr kơ̆ broă lơh sa, cèng wơl cồng nha lơh sa jơnhua rlau. Jat ồng Nguyễn Thiện Chân, Phó Kuang atbồ Chi cục bơtàu tơnguh lơh sa suơn sre càr, ală bă chi tam geh tam gơl uă ngan tơrgùm tàm ală kơnhoàl geh jơnau pơhìn ờ tơl dà, trồ prang soat dà uă bè Tuy Đức, Cư Jut, Krông Nô, Dak Mil.

Tàm ală tiah geh bă ù sre tam gơl, làng bol lơh broă sa geh ală gah lơh sa suơn sre dong kờl, pơlam bơta chài tam, sơngka sền gàr dipal. Jơh ală bă ù tam gơl geh làng bol tam ală bơta chi tam lơyah ngai geh cồng nha lơh sa uă. Tŭ do, Sở Nông nghiệp mờ Phát triển Nông thôn gam cribơyai mờ Ủy ban Nhân dân càr ai tơlik broă rơndap lơh mờ broă tam gơl rơndap tap sèng chi tam tàm ù lơh kòi tơngai bơh nam 2021 tus nam 2025 mờ ai tơlik lài gùng dà tus nam 2030.

Cau mblàng K’Duẩn