VOV4.K’ho - Ồng Hùng “Lơh broa\ [òn lơgar” la  mat sơnđan mờ làng bol [òn Hoà Thành, ntum Hoà  Đông,  kơnhoàl Krông Pach, càr Daklak hòi cau atbồ [òn, ồng  Phạm Đức Hùng tàm ua\ nam do. Mat sơnđan do  geh bơh broa\ ồng “Sa piang hìu nha\, lơh broa\ [òn lơgar” tàm nđờ nam bơt bơtàu [òn lơgar pa,  lơh broa\ nhap nhar  tàm ala\  srơh broa\ lơh  [òn lơgar, mờ la cau lam lài tàm ta\  pơ gồp mờ lam sồr làng bol ta\ pơ gồp phan bơna, pria\ jền attê bal bơt bơtàu [òn lơgar pa.

            Tus [òn Hoà Thành, ntum Hoà Đông tu\ do sền buơn go\ ngan ala\ bơta chờ hờp tềng tơl muh mat làng bol, tu\ khi geh lòt  tềng ala\ gùng lơh mờ bê tông geh lơh làm tàm ala\ [òn lơgar, mờ geh  lơh  jòng tus tam gùl ntum,  tus hờ gùng dờng 26. Gùng lòt buơn boài neh pơ gồp bal dong lơh sa bơh làng bol bơtàu tơngguh mhar rlau. Tus nam do, Hoà Thành neh ờ gam hìu nha\ rbah tai, geh kờ` bal dùl na\ cau rlau 50 tơlak pria\ dùl na\ dùl nam, geh hìu nha\ geh tus 150 tơlak pria\ dùl na\ dùl nam.

            Dùl tàm ala\ cau chờ ngan mờ cồng nha broa\ lơh bơh Hoà Thành la cau atbồ [òn Phạm Đức Hùng, tài nđờ nam do sùm geh lơh ngan lam sồr,  geh sa\ tờm lơh broa\ tàm ala\ broa\ lơh, neh bal mờ làng bol tàm tiah do geh ta\ pơ gồp, ta\ pria\, [òn lơgar pa  tàm [òn ồng atbồ neh lơh geh jơh 19 tàm 19 broa\ lơh. Ồng Hùng  boh bơr:“Đơs nàng làng bol iat, lài jơh he la cau pal làm lài. Tàm broa\ lơh he dê den pal geh mut lơh lơh tờm, drờm bal, tơl broa\ pal geh làng bol la cau ai tơrnuat. Tàm bơt bơtàu [òn lơgar pa kung bè hơ\ sơl, bol a` geh sơnđìng ngan tàm broa\ mblàng pơlam làng bol, kờ` làng bol geh git is broa\ lơh bè hơ\ la geh kuơ khi in la khi lơh geh. Bơh sơnrờp làng bol iat ờ hềt wa\ jơh,  mờ tàm tu\ đơs tàm bơta kal ke, ntum geh dong kờl 10%, gam wơl nđờ làng bol geh ta\ pơ gồp mờ làng bol geh lơh is mpồl bơt bơtàu geh ai ala\ cau geh bơnga\ lơh bơta kan, bơta chài kung bè sền gròi, cih wơl  bơh hơ\  den khi geh bơto bơtê bal lơh is”.

            Jat  sền wơl bơh Mpồl đơng lam bơt bơtàu [òn lơgar pa, ntum Hoà Đông, lài mờ tu\ geh mut lơh broa\ lơh bơt bơtàu [òn lơgar pa, pria\ geh bơh làng bol tơl na\ cau tàm [òn Hoà Thành mìng geh 11 tơlak tàm dùl na\ cau dùl nam. Ờ mìng bè hơ\, do gam la  [òn gơbàn kal ke ngan sền gàr ngap lơngai. Bơh sơnơng geh “Geh ngan hơ\ sồng sơrlèt kal ke” kờ`  bơt bơtàu [òn lơgar pa, bơdĩh mờ bơta dong kờl bơh dà lơgar den sa\ tờm tơl hìu nha\ pal geh rài kis mờ  lơh sa hìu nha\ pal kơljap, niam, tu\ hơ\, broa\ lam sồr làng bol  ta\ pơ gồp hơ\ sồng geh”, ồng Phạm  Đức Hùng neh bal mờ mpồl atbồ [òn Hoà Thành neh tus tơl hìu lam sồr, pơlam làng bol geh tam gơl rơndap chi tam, phan ròng, geh tai pria\ jền. Mơ kung, geh tus sền  rwàng jơnau bơh tàm làng bol bè broa\ ta\ pơ gồp bơt bơtàu phan bơna tàm [òn. Tơl broa\ geh lơh di jơnau ngan mờ lơh tờm ngan den tàng  geh bơta  ring bal jơh bơh làng bol tàm [òn.

            Cồng nha, [òn Hoà Thành neh lơh geh 1 hìu bơsram mơ gia\o mờ 10 ơdu\ bơsram,  geh lơh niam wơl  jòng 100 thơt  kơlik pơng gàr,   crap gơs 2 kơi sồ gùng ce ồs đèng pờ àng tàm [òn, 2 kơi sồ gùng ce đèng drơng broa\ lơh sa, lơh gơs rlau  2 kơi sồ 3 gùng lòt tàm [òn lơgar bal mờ  ua\ ngan  broa\ ndai. Tus lồi nam 2014 [òn Hoà Thành neh lơh gơs 19/19 broa\ lơh  [òn lơgar  pa. Sền wơl bè bơta  tam gơl bơh [òn, mò Nguyễn Thị Thu Lan dùl na\ làng bol kis tàm [òn Hoà Thành ai git:“Tàm ala\ nam  do,  rài kis bơh làng bol bol a` neh niam ua\ rlau,  bơta do kung kơnờm mờ wa Hùng geh lam sồr tam gơl broa\ tam bơ bal mờ sầu riêng tàm suơn kơphe kờ` tơnguh tai hìu nha\ tơnhàu mờ tac geh. Wa gam hòi  jơh tơl cau ta\  pria\,  ai lơh broa\ nàng lơh wơl gùng lòt,  lơh ce đèng, lơh kloh [òn ờ  bơ\ bơl, tơl bơta drờm kloh niam, lòt rê, lơh broa\ lơh kung bươn boài”.

            Tu\ do, sền gàr ngap lơngai tàm Hoà Thành neh gàr kơljap, lơh sa bơtàu tơngguh niam mờ rơndap chi tam di pal, phan bơna [òn lơgar drờm niam. Bal mờ hơ\,  git gơp bơh ala\ cau kis  [òn bal geh đềt mềr,  bơta pin dờ` bơh làng bol tàm Đảng tàm Dà lơgar slơ ngai slơ jơnhua. Ồng Nguyễn Đình Vượng kuang atbồ đơng lam Đảng, kuang atbồ anih duh broa\ làng bol ntum Hoà Đông ai git:“Bơnga\ ồng Hùng dê bơdĩh mờ  broa\ lơh bơh [òn, ồng gam   geh làng bol kờ` ngan, bơnga\ ồng dê tus mờ làng bol den tàng ồng đơs la  làng bol khi dờ`. Tu\ geh  broa\  lơh bơt bơtàu [òn lơgar pa ồng la cau kờ` ngan rlau jơh. Ồng neh lam sồr làng bol bơtàu tơngguh lơh sa mờ lam sồr   tơl hìu, ta\ prtia\,  ai ngai lơh broa\ nàng bơt bơtàu [òn lơgar pa. Tus tu\ do,  gùng bêtông neh geh lơh gơs 100%,  geh hìu bơsram, 100% hìu sơmang kơljap,  pria\ geh  bơh làng bol dê la jơnhua ngan, di gơlan geh jơnhua ua\ tus 2 dơ\ pơndrờm mờ [òn ndai”.

            Broa\ tam gơl pa  ngan bơh tiah [òn lơgar tàm  ntum Hoà Đông đơs is mờ bơh kơnhoàl  Krông Pach đơs bal geh bơta ta\ pơ gồp lơh ngan jơh pràn  bơh ala\ cau  dùl na\ sa\ lam lài bè ồng Phạm Đức Hùng. Mờ ala\ broa\ lơh geh pơrya mờ geh cồng nha tàm srơh  ta\ pràn bal bơt bơtàu [òn lơgar pa, ồng Phạm Đức Hùng kis tàm [òn Hoà Thành, ntum Hoà Đông, kơnhoàl Krông Pach, càr Daklak neh  geh Mpồl đơng lam Tây Nguyên jàu pà sra\  jờng bè ala\ ta\ pơ gồp tàm srơh “Attê bal bơt bơtàu [òn lơgar pa tơngai bơh nam 2011-2015.

                                      Cau cih mờ yal tơnggit K’ Brọp