VOV4.K’ho - Tàm nhai 3-Nhai lơh broa\ ơruh pơnu nam do, cau tàm mpồl ơruh pơnu càr Daklak neh geh ua\ broa\ lơh mpờl go\ ngan, ngan ngồn ngan geh ai go\ bơnga\ lam lài mờ cau kơnòm sa\,  geh wèt tus hờ [òn lơgar, tiah ua\ ngan kal ke. Ngai do,  bol a` geh jơnau lùp tus mờ bi Y Nhuân Bya\ kuang atbồ mpồl ơruh pơnu càr Daklak bè ala\ broa\ lơh geh pơrya mờ cau kơnòm sa\ gam mut lơh.

            -Ơ Bi Y Nhuân, nhai lơh broa\ ơruh pơnu nam 2016 mờr jơh,  bi gơtùi ai git ờ ua\ jơnau tơnggit bơh sơnrờp bè ala\ cồng nha neh lơh geh tàm nhai lơh broa\ ơruh pơnu nam do bơh cau kơnòm sa\ tàm càr?

            Y Nhuân Bya\: Nhai lơh broa\ ơruh pơnu 2016 geh 4 poh,  nền nòn  jat tơl tơnggu me. Tàm hơ\,  poh sơnrờp mờ sơnđan “ Broa\ lơh-Lơh broa\”, geh bơyai lơh dong mblàng, pơlam broa\ lơh, yal tơnggit broa\ lơh tus ơruh pơnu,  jàu ala\  bơna pria\ càn ai tus kơnòm bơsram, cau bơsram dờng mờ ơruh pơnu bơtàu tơngguh lơh broa\ sa. Mpồl đơng lam atbồ Ơruh pơnu  cộng sản Hồ Chí Minh neh ky\ broa\ lơh bal geh lơh bal mờ Gah lơh broa\-cau ling sồt sa\ mờ mpồl bơtìan càr pah nam bơyai lơh ala\ anih yal tơngit broa\ lơh, pờ ơdu\ bơto broa\ lơh tus ơruh pơnu, ai geh broa\ lơh tàm [òn lơgar. Geh lơh bal mờ anih pria\ jền dong kờl cau rbah tàm bơta dong kờl geh càn pria\. Bal mờ hơ\,  bol a` geh lơh bal mờ ala\ mpồl geh gơ rềng nàng pờ ala\ ơdu\ bơto bơta jak chài pa tàm broa\ lơh sa mờ dong kờl ala\ broa\ lơh  bơtàu tơngguh broa\ lơh sa tus ơruh pơnu nàng ơruh pơnu  geh broa\ lơh, bơtàu tơngguh lơh sa.

            Poh dơ\ 2 la poh lơh broa\ bè tiah kis,  ala\ mpồl neh dờp broa\ lơh mờ mut lơh ala\ gùng ơruh pơnu atbồ is, lơh kloh tiah kis. Poh dơ\ 3 la poh lơh broa\ “Kuơ mpồl bơtìan” geh lơh ngan tàm broa\ mut lơh broa\ lơh mờ lơh hìu bơta nđàc pà ala\ hìu nha\ geh khà sra\ dong kờl,  hìu nha\ kal ke”. Poh  dơ\ 4 la poh  tòm ngai deh mpồl ơruh pơnu dê mờ sơnđan “85 nam pa bơta kơp kờ`”. Do la dùl tàm poh lơh ngan ala\ broa\ lơh  wèt tus tơng kah 85 nam ngai crơng gơs mpồl ơruh pơnu Cộng sản Hồ Chí Minh, ala\ mpồl bơyai lơh chờ, dơ\ lơh krài, lòt nhơl lơh krài mờ bơyai lơh tìp mat ala\  cau kuang mpồl ơruh pơnu  bơh ala\ rài lơh broa\, bơyai lơh jờng ala\  cau tàm mpồl ơruh pơnu hơ\ sồng bơyai lơh yal tơnggit cau ơruh pơnu jak Đảng in,  nàng geh tơmut Đảng.

            -Dùl bơta gam geh sền gròi ngan tu\ do, hơ\ la tiah kis mờ tam gơl trồ tiah. Den tàm nhai ơruh pơnu ala\ broa\ lơh jat sơnđan do geh mut lơh bè lơi, ơ bi?

            Bi Y Nhuân Bya\: Ala\  cau kuang mpồl ơruh pơnu, cau tàm mpồl ơruh pơnu tàm tiah [òn lơgar  di ngai du\ bơyai lơh lơh kloh tiah kis bè hìu sơnơm,  hìu sơnơm ntum,  drà,  twah wàs dà gơ hòr, rbòng dà. Mìng is tàm [òn drà den pal dan cih mat dờp  pal 1 gùng kloh-tơlir-niam,  gơguh jak, ờ do ờ da\, ala\ broa\ lơh cơldu\ tơlir-kloh-niam pa. Bal mờ hơ\,  den  tàm broa\ lơh ơruh pơnu lơh broa\ dong kờl is mờ geh lơh ua\ ngan tàm nhai ơruh pơnu den geh dờp lơh kloh ala\ dà mbòr. Nam do, geh dờp dùl broa\ lơh khà càr nàng lơh sơntèk jồr dà kloh  drơng kơnòm bơsram tàm tiah sar lơgar ngài tàm ntum Cư\ Drăm, kơnhoàl Krông Bông mờ kờp jơh khà pria\ la 110 tơlak pria\. Ai bơta trồ prang,  tam gơl trồ tiah  bè tu\ do den tơngguh rlau tai broa\ lơh dong kờl bơh [òn lơgar, ala\ mpồl kal ke ngan,  gàr niam tai ala\ broa\ lơh dong kờl sơndra\ prang,  geh mblàng pơlam tai làng bol tềm pềr dà tàm tơngai bè tu\ do.

            -Poh do, bè bi đơs,  geh lơh ngan  tơng kah ngai crơng gơs Mpồl ơruh pơnu Cộng sản Hồ Chí Minh. Den ala\ broa\ lơh gờm chờ dơ\ do geh bơyai lơh bè lơi, ơ bi?

            Y Nhuân Bya\: Tu\ do,  geh 2 mpồl bơyai lơh lòt lơh krài bal mờ dơ\ tơngg kah. 100% ala\ kơnhoàl mờ mpồl  drờm geh bơyai lơh tơng kah mờ mblàng pơlam jờng cau kuang,  mpồl pơnrơ khà he. Mìng is khà càr geh bơyai lơh mblàng pơlam jờng  cau kuang mpồl ơruh pơnu càr mờ bơyai lơh  lơh chờ trơ gùm sa\ tơng kah tàm mang 25/3. Tu\ tơngai do,  den kung gam lơh ngan broa\ lơh bơtàu tơngguh ơruh pơnu mờ geh yal tơnggit cau  tàm mpồl ơruh pơnu jak  Đảng in nàng geh  tơmut Đảng. Kung la tu\ nàng ơruh pơnu geh cri bơyai mờ kuang bàng atbồ đơng lam Đảng [òn lơgar mờ ua\ ngan broa\  lơh tàp pràn sa\ ja` pơnrơ ngan  geh lơh ua\ tàm tu\ tơngai  poh do.

            -Ưn ngài bi ua\ ngan!

                             Cau cih mờ yal tơnggit K’ Brọp