VOV4.K’ho - Mờ broa\ lơh ‘’Buơn rhiang dơ\ ờ geh làng bol tus kung kan,  kan rhiang dơ\ geh làng bol drơng kung gơs’’, tàm ala\ nam do, ala\ xã, thị trấn bơh kơnhòal Cư\ Mgar, càr Daklak neh geh ua\ ngan broa\ lơh bơceh, trơ gùm geh bơta pràn  nàng  rhời geh lơh gơs ala\ broa\ lơh bơt bơtàu [òn lơgar pa.

Nam 2011,  tu\ sơnđờm geh mut lơh broa\ lơh bơt bơtàu [òn lơgar pa, xã Ea Kpam, kơnhòal Cư\ Mgar mìng rơp lơh geh 6 tàm 19 broa\ jàu lơh: geh bưu điền,  ồs đèng,  lơh sơnơm bơto bơsram, ròt chính trị mờ ờ do ờ da\ tàm [òn lơgar.

Ala\ broa\ lơh gam wơl drờm kờ` geh ua\ pria\.  Mơya mờ bơta lơh ngan tàm bơt bơtàu [òn lơgar pa, bal mờ bơta bơcri bơh dà lơgar, kấp ủy Đảng,  gơnoar atbồ xã ai geh la pal chồl guh geh  ua\ ngan bơta pràn tàm dơlam,  bơta ring bal, ai bal pràn,  dùl nùs bal bơh làng bol. Tàm hơ\, bơnga\ bơh làng bol lơh tờm geh sền kuơ. Ồng Trần Anh Thái, Bí Thư Đảng ủy, Chủ tịch HĐND xã Ea Kpam ai git:

Mpồl lam sồr,  mpồl atbồ xã neh jàu làng bol lam sồr is, at  prap is mờ tơm jàu is. Go\ bè hơ\,  khi  di nùs ngan, ua\ cau den  khi geh pơrya la ta\ pria\ ờ git bi ngui mbè lơi,  geh ngui jơh pria\ ta\ hơ\ ờ. Ngan la tàm nam pa do,  oh mi neh geh lơh niam broa\ do, jơh ala\ [òn lơh gùng drờm geh bơta kờ` bal mờ ring bal bơh làng bol la jơnhua ngan. Đah đảng ủy,  ủy ban mut lơh niam quy chế lơh tờm, lơh song dơpa\ ngan den tàng tàm tơngai lài, bơh broa\ lơh hơ\ làng bol pin dờ`  ngan den la trơ gùm geh.

Tơnơ\ 5 nam mut lơh,  broa\ lơh bơt bơtàu [òn lơgar pa,  xã Ea Kpam, kơnhòal Cư\ Mgar neh trơ gùm geh mờr 20 tơmàn pria\, làng bol ta\ pơ gồp rlau 2 rbô ngai lơh  gùng mờ ai geh  mờr 2 sào ù nàng geh lơh niam wơl gùng lòt tàm [òn. Nam 2016,  xã geh UBND càr dờp la tơl khà [òn lơgar pa. Ồng Nguyễn Hồ Vỹ kis tàm xã Ea Kpam go\ loh ngan bơta tam gơl hơ\,  đơs:

Tu\ lơh gơs gùng bê tông tơl cau drờm chờ hờp ngan mờ broa\ lot rê buơn bòai rlau, ờ mìng lơh gơs gùng do mờ gam  lơh gơs gùng ndai khi pơnjat tai ta\ pria\. Khi kờ` gùng lơi kung geh lơh gơs tài do la muh mat bơh làng bol. Broa\ lòt rê bơh oh kòn lòt bơsram niam rlau tu\ lòt rê buơn bòai, ngan la  oh kòn geh lòt bơsram mờ ala\ rơndeh kung lòt rê bươn bòai rlau tài gùng dờng,  ha pah rlau.

Ồng Trương Văn Chỉ, Chủ tịch UBND kơnhòal Cư\ Mgar ai git, tus tu\ do,   bơdĩh mờ xã Ea Kpam, kơnhòal Cư\ Mgar neh geh 2 xã geh dờp la xã [òn lơgar pa la Quảng Tiến mờ Ea Tul, 12 xã gam wơl neh lơh geh bơh 14- 18 broa\ jàu lơh.  Kờ` lơh tus gùng  bơt bơtàu [òn lơgar pa, kơnhòal Cư\ Mgar  ai broa\ lơh: Mut lơh ala\ broa\ lơh [òn lơgar pa pal kơljap, ngan la đơs ờ mờ kòp ‘’Geh cồng nha’’. Kuơ màng, ala\ xã ờ gam kơp kơnờm, sơnđìng tàm  pria\ bơh dà lơgar mờ sùm geh lơh lài,  trơ gùm tàm  bơta pràn làng bol mờ ala\ khà pria\ geh pơ gồp bal kờ` mut lơh, mut lơh geh cồng nha broa\ lơh.  Mờ  broa\ lơh  kan lơh bè gùng lòt,  bơtơt rbòng dà,  tiah kis... bal mờ bơta bơcri bơh dà lơgar, [òn lơgar neh  lơh ngan broa\ lơh lam sồr bơta ta\ pơ gồp bơh làng bol. Ồng Trương Văn Chỉ đơs:

Bal mờ bơta dong kờl  bơh dà lơgar, bơh càr, HĐND kơnhòal kung neh geh kơrnuat. Broa\ lơh  dờng la geh trơ gùm ngan tàm  dong kờl nàng bơtàu tơngguh lơh ua\ gùng lòt tàm [òn la broa\ kan lơh ngan tu\ do. Tơnơ\ ua\ nam mblàng,  ngan la ala\ xã neh lơh gơs ala\ gùng lòt, ala\ [òn geh srơh broa\ lơh bơt bơtàu  [òn lơgar pa geh cồng nha nền nòn ngan bơh hơ\ broa\ lơh mblàng pơlam gơ  buơn bòai rlau. Mpồl bơtìan [òn làng bol bơt bơtàu [òn lơgar pa kung neh  dờp git geh bơnga\ bơh khi dê la cau tờm tàm broa\ bơt bơtàu [òn lơgar pa den tàng khi neh lơh niam. Bol a` đơs hơ\ la bơta lơh tờm ngan tàm  tơngai tu\ do bè bơt bơtàu [òn lơgar pa.

Tus tu\ do,kờp jơh khà pria\ bơcri bơt bơtàu [òn lơgar pa tàm kơnhòal Cư\ Mgar, càr Daklak  pơgap di 150 tơmàn pria\, tàm hơ\ pria\ trơ gùm geh bơh mpồl lơh sa ka\ bro mờ làng bol ta\ geh  rlau 91 tơmàn 500 tơlak pria\ gam wơl la pria\ geh trơ gùm  bal  ndai. Gùt kơnhòal neh mut lơh lơh pa, lơh niam wơl rlau 173 kơi sồ gùng lòt tàm [òn, bơcri pria\, lơh niam  wơl 5 tơnau, bơtơt dà, twah wàs mờ lơh kơljap 43 kơi sồ  rbòng dà tàm blàng sre, geh kờp bal tơl na\ cau pah nam tus 30 tơlak pria\, khà hìu nha\ rbah gam 8%. Kơnhòal Cư\ Mgar geh lơh ngan tus nam 2020 geh lơh gơs la kơnhòal  [òn lơgar pa.

                      Cau cih mờ yal tơnggit K’ Brọp