VOV4.K’ho - Tàm dơ\ pơrjum Đảng kơnhoàl Cư\ Mgar, càr Daklak tơngai bơh 2015-2020 geh lơh tàm nhai 8 pa do,  kơnhoàl neh ai broa\, tàm tơngai lơh broa\ tus, lơh ngan  ai Cư\ Mgar la 1 tàm 2 kơnhoàl bơh càr Daklak tơl khà la [òn lơgar pa. Mo tơnơ\ tơn geh bơyai lơh geh cồng nha dơ\ pơrjum,  kơnhoàl Cư\ Mgar neh mut lơh  jat mo kơrnuat, geh ai tơlik ala\ broa\ lơh nàng geh bơsong ala\ kal ke nàng lơh gơs broa\ lơh do.

            Tàm broa\ lơh bơt bơtàu [òn lơgar pa bơh càr Daklak, Cư\ Mgar tơngai lơh broa\ pa do geh đơs la kơnhoàl geh bơta lơh ngan mờ lơh geh cồng nha niam ngan. Gùt kơnhoàl geh 17 ntum, [òn drà, den neh geh 1 ntum tơl khà [òn lơgar pa, 4 ntum geh lơh bơh 15 tus 18 broa\ jàu lơh, 9 ntum geh lơh 10 broa\ jàu lơh. La kơnhoàl mìng lơh broa\ sa suơn sre lơm, phan bơna [òn lơgar gam ờ tơl ngan, bơta mpờl go\ ngan tàm broa\ mut lơh [òn lơgar pa la kơnhoàl neh lơh geh bơta ring bal bơh làng bol, tu\ lơi kung kờ` lơh, tus bal geh ta\ pơ gồp tus broa\ lơh. 3 nam mut lơh,  làng bol neh ta\ pơ gồp geh 30 tơmàn pria\, rlau 10 rbô ngai lơh broa\ mờ geh ai is tus 2 lồ ù nàng lơh gùng lòt tàm [òn mờ ala\ broa\ lơh  kuơ ndai mpồl bơtìan dê.

            Cồng nhe bơh sơnrờp bơh broa\ lơh bơt bơtàu [òn lơgar pa geh mut lơh bơh broa\ mut lơh bal dơle\, lơh geh bơta ring bal bơh mpồl đơng lam Đảng, gơnoar atbồ ala\ kơna\ bơh hờ đơm mờ mpồl lơh sa ka\ bro, làng bol. Bè ntum Ea Kpam, broa\ mut lơh tơl khà broa\ jàu bơh broa\ lơh bơt bơtàu [òn lơgar pa geh ai tơmut tàm  tơnggu me cri bơyai bơh mpồl at bồ Đảng bơh tàm [òn, bal mờ broa\ lơh bơh mpồl bơtìan đah đơm nàng geh lam sồr làng bol. Ồng Nguyễn Xuân Phú kuang atbồ  đơng lam Đảng [òn Tân Lập, ntum Ea Kpam, kơnhoàl Cư\ Mgar, ai git:“Tu\ mờ mut lơh jat kơrnuat bơh mpồl đơng lam Đảng kơna\ hờ đang, mpồl đơng lam atbồ Đảng pơrjum jơh cau geh đảng geh cri bơyai, mờ geh ai tơlik jơnau lồi dut mut lơh ai tus ala\ mpồl bơtìan lam sồr tus cau kuang tàm mpồl mờ gùt làng làng bol mut ngui kơrnuat bơh mpồl đơng lam Đảng. Tàm nam,  den bơh sơnrờp làng bol neh kờ` bal dơ\ lam sồr bơt bơtàu [òn lơgar pa, ngan la lơh gơs ala\ broa\ jàu geh sồr lơh bè geh sờr is pơnggàr gùng lòt [òn lơgar hơ\ sồng geh ta\ pria\ nàng lơh ồs đèng pờ nàng gùng lòt tàm ala\ tiah [òn làng bol, ta\ pria\ nàng lơh ala\  bơta bè blàng nhơl bơlai, hìu [òn, tus bal ala\ srơh broa\ lơh tus ala\ mpồl bơyai lơh. Nàng lơh geh cồng nha bè hơ\,  lài jơh pal geh bơta tam klac tàm mpồl atbồ Đảng,  bơta kờ` bal lơh jat bơh ala\ mpồl bơtìan tàm [òn, ngan la bơta kờ` ngan bal bơh làng bol tàm [òn”.

            Ea Kpam geh lơh ngan tus lồi nam do geh lơh gơs 19 broa\ jàu lơh bè bơt bơtàu [òn lơgar pa. Ồng Trần Anh Thái kuang atbồ đơng lam Đảng ntum Ea Kpam, kơnhoàl Cư\ Mgar đơs tờm, broa\ lơh mblàng pơlam, lam sồr làng bol wa\ di gùng dà broa\ lơh bơh Đảng, Dà lơgar la broa\ lơh dong ntum rbah bè Ea Kpam lơh mhar broa\ lơh gơs ala\ khà broa\ jàu do:“Bơh broa\ mblàng plam  tàm Đảng tus ala\ mpồl bơtìan geh lơh bal tàm ala\ bùi cri bơyai, pờ tàm lơwa. Rlau mờ hơ\ tai ngan la bơh cồng nha cèng wơl  làng bol in, khi go\ geh, khi rcang tus bal, geh ua\ ngan hìu nha\ làng bol tu\ lơi kung rcang ai is ù nàng lơh gùng lòt. Geh cau neh lơh pơnggar di 2, 30 tơlak pria\ kung sờr pơng nàng mut lơh bơt bơtàu [òn lơgar pa geh lơh niam tàm tơngai lài, Oh mi geh ai git lài pal tam klac, bơh mpồl atbồ, tus mpồl đơng lam pal geh bơta tam klac, ring bal jơnhua, sền kuơ ba` lời mpồl đơng lam đảng mờ gơnoar atbồ geh broa\ lơh krơi is bal  den ngan ngồn la broa\ mut lơh jat kơrnuat gơ lơh ai go\ kal ke ngan”.

            Bơt bơtàu [òn lơgar pa tàm Daklak gam gơtìp ua\ ngan kal ke, ngan la ờ tơl pria\  mut lơh ala\ broa\ lơh bè lơh geh phan bơna tàm [òn lơgar. Tàm tơngai lơh broa\ 2015-2020, mờ broa\ lơh geh ai  tơlik, Cư\ Mgar geh lơh gơs tơl khà la kơnhoàl [òn lơgar pa, kơnhoàl ai gùng, tus nam 2020,  pal geh 11 ntum tơl khà [òn lơgar pa, bè gùng lòt, gùng kơnhoàl lơh mờ bêtông 100%, gùng tiah drà den geh tus rlau 70%, lơh kơljap gùng tàm ntum geh tus 70%, 100% [òn mờ hìu nha\ geh ngui đèng, bơtơt rbòng dà geh tơl dà nàng tuh dà ai tus 85% ba\ chi tam. Mo tơnơ\  tu\ geh bơyai lơh  geh cồng nha bơh  dơ\ pơrjum Đảng, kơnhoàl neh tơlik ala\ broa\ lơh kràn ngan nàng mut lơh tus geh khà broa\ lơh do. Ồng Nguyễn Thượng Hải kuang atbồ đơng lam Đảng kơnhoàl Cư\ Mgar, ai git:“Bè broa\ lơh bal bơh Mpồl đơng lam Đảng kơnhoàl neh geh ai git geh, bơt bơtàu Cư\ Mgar tus nam 2020 gơ gơs la kơnhoàl [òn lơgar pa. Mờ geh lơh ngan  bơt bơtàu [òn lơgar pa den kal ke ngan gam la phan bơna, ngan la gùng lòt. Den tu\ do,  kơnhoàl gam lơh ngan tàm ala\ broa\  ờ  roh pria\ den pal lơh gơs lài. Mờ ala\ broa\ lơh gam kal ke den kơnờm mờ càr dùl bơnah khà pria\, mìng is gùng tàm dơlam [òn mờ lòt [òn bal, pa do mpồl đơng lam Đảng kơnhoàl  neh ring bal broa\ lơh dong kờl bê tông ris tus ala\ [òn, kờp bal [òn gùng drà, mờ khà drờm mờ 4 tiah, tiah kal ke ngan la tiah 4 dong kờl tus 80%, mìng is ala\ [òn làng bol kòn cau den kơnhoàl geh dong kờl tus 90%, làng bol ta\ pơ gồp 10%. Den broa\ do geh kơrnuat tus tơl mpồl đơng lam atbồ Đảng [òn geh lơh broa\ do, jàu broa\ lơh tus bi in, bi pal lơh ngan tàm hơ\, den broa\ mut lơh broa\ do geh lơh gơs ala\ broa\ geh ai tơlik, nàng geh bơtàu tơngguh tơl làm kơnhoàl Cư\ Mgar jat kơrnuat geh ai tơlik”.

                                      Cau cih mờ yal tơnggit K’ Brọp.